कलस्‍सि 3:8 - बान्‍तावा राई

⁸ मेन हान खानानिन आप्‍पि ओवाको झारा य़ङ्‌चि छिरानुम्‍च़म: माइसुङ, च़ऱपा, ऩङ्‌च़, सुङ्‌मा खोन्‍किना आम्‍नुओ दोदाङ्‌का लोन्‌ओ चिप्‍मानाम य़ङ।

कलस्‍सि 3:8 ပူးပေါင်းရင်းမြစ်များ

मत्‍ति 5:22

मेन अ़ङ्‌का खानानिन लोनानिन, साङ्‌आ अ़बुवा-निछाचि अ़माइसुङ कात्‍तु, मो छ़ङ्‌छेन्‍मादा छुक। खोन्‍कि साङ्‌आ अ़द़क्‍छाचि सुङुचि, मो धियायोक्‍खाआ दन्‍दा प़। खोन्‍कि साङ्‌आ अ़बुवा-निछाचि ‘खाना खामान्‍सिन’नि लो, मो क़माकात्‍तुओ सित्‍म़ङ दुखा तोक्‍खा मिदा छुक।

मर्कुस 7:22

च़क्‍ख़य़, अ़त्‍लो काचि, म़प्‍मा, चान्‍माचामा, ऩङ्‌च़, सुङ्‌मा, ऱक्‍भाक खोन्‍कि खामान्‍सिन य़ङ्‌चि म़लोन।

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

गलाति 5:15

मेन खानानिन अ़क्‍छाआ नि धेक्‍काधेक, ख़ङ्‌का-ख़ङ त़मुन्‌नालो ना चाप्‍तेत्‍तानिन्‍चिन, खानानिन अ़क्‍छा निएदाङ्‌काङा लुक्‍मा अ़दोत्‍निन्‍ने।

गलाति 5:20

सेम्‍पोक ब़क्‍मा, म़क्‍फेङ, ङेङ, खिमा, ऩङ्‌च़, च़ऱपा, आप्‍पि नुलोक कामित्‍नान्‍चिन, फेक्‍मा, रुहुप-रुहुप लिमा,

गलाति 5:26

आन्‍कान ऱक्‍भाक अ़मुन्‍मिन्‍ने। अ़क्‍छा निएदा माइसुङ खोन्‍कि ऩङ्‌च़ मेत्‌अ़मुन्‍मिन्‍ने।

एफिसि 4:22

म़प्‍मा मित्‍माआ अ़त्‍लो लिसाओ आम्‍नुओ बुयाओ ह़ङ्‌म़ङ्‌ओ च़माथाङ्‌माओ अ़तुक्‌वादा बुयाओ आम्‍नुओ ह़ङ्‌म़ङ छिरानुम,

एफिसि 4:25

खोन्‌ओसा खानानिन झारासा म़प्‍मा छिरानुम, खोन्‍कि आम्‍नुओ तेन्‍पाङ्‌चिएनान अ़छ़ङ चेवानिन, देकिनालो आन्‍कान झारा अ़क्‌तात पोक्‌ओ अ़फुत्‍चि ओ।

एफिसि 4:26

माइसुङ त़मुन्‌नुछाङ, हेवा मान्‍मुदानिन। नाम लुन्‍मा बुयाङा आम्‍नुओ माइसुङ सेम्‍ने,

एफिसि 4:29

आम्‍नुओ दोदाङ्‌का यासान्‍मा य़ङ अ़लोन्‍निन्‍ने, मेन ग़रिएनान तोङ्‌ओ खोन्‍कि अ़नुवाक यायोक अ़तोक्‌ओ ओन्‍ङा चेवानिन, ओ य़ङ्‌आ काएन्‌चिआ सोमातुक्‍मा अ़तोक्‍ने।

एफिसि 5:4

खाक्‍कोछाङ चिप्‍माकात्‍तुओ य़ङ, खामान्‍सिन चेप्‍मा माङ्‌लो सोज्‍जेओ चुत्‍माय़ङ अ़मुन्‍मिन्‍ने। ओ य़ङ्‌चिआ खानानिन त़खान्‍तिमिन, मेन खानानिन्‌आ निनाम्‍हाङ आलाङ प़मादोत।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

कलस्‍सि 3:9

अ़क्‍छा निएदा म़प्‍मान्‍मुदानिन, देकिनालो बुयाओ हेवामि आम्‍नुओ ह़ङ्‌म़ङ खोन्‍कि मोसोओ अ़च़माथाङ्‌माछाङ खानानिन्‌आ त़छिरुम्‌युङ्‌सुम।

१ तिमोथि 1:13

बुया अ़ङ्‌का ख्रिस्‍त रुकाफोक, काल़क खोन्‍कि खोक्‍को कासुङ मुवाङ्‌याङ्‌नुछाङ अ़ङ्‌का ओ मान्‍सिन्‍ङाङा खोन्‍कि साकोङ्‌छ़ङ मान्‍मुयुक्‍तुङ्‌हिदा मुङ्‌ओसा अ़ङ्‌का निनाम्‍हाङ्‌आ सोमाऩतुक्‍ताङ।

१ तिमोथि 1:20

मोचिएदाओ हुमेनियस खोन्‍कि अलेक्‍जेन्‍दर ओ। मोचिआ निनाम्‍हाङ रुमान्‍फोक्‍दामा चिन्‍चिचिन्‍ने निम्‍पाङ अ़ङ्‌का मोचि सैतानाओ अ़छुक्‌दा पाक्‍तुङ्‌प़ङ्‌युङ्‌सुङ्‌च़ङ।

हिब्रु 12:1

आन्‍ऱङ्‌कोप्‌नि ओन ब़द्‍धे म़ना मुक्‍लाओ सालुम्‍स़ङ्‌चि म़युङ्‌याङ, खोन्‌ओसा आन्‍कान झारा बुया खात्‍मा काछेक झारा य़ङ्‌चिदाङ्‌का खोन्‍कि हेवाओ वाय़दाङ्‌का फोङ्‌सिन्‍चिन्‍ने, खोन्‍कि आन्‍बुदा म़युक्‍ताओ लोत्‍मा राक मान्‍सेत्‍माङ लोरिन्‍ने।

याकुब 2:7

येसु ख्रिस्‍तओ अ़नुवाक अ़चुऩङ कासुङ दि मोचिङा माआङ? खोक्‍कोसोओ अ़चुऩङ्‌लाम्‍पा खानानिन ऩबुत्‍तिन्‌युङ्‌सिन।

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

२ पत्रुस 2:7

खोन्‍कि खोक्‍कोसाआ अ़त्‍लोकाच़चिओ अ़चुहात्‍मादाङ्‌का चाअ़त्‍लो दुखादा छुक्‍ताओ साम्‌योक्‍मि लोत अ़लेइसा।

यहुदा 1:13

मोचि क़म्‍मा अ़ऱन्‍मिन्‌ओ धियाङ्‌वामाओ अ़लोङ्‌वात्‌वाकोचि ओ, मोचिआ लेजोकात्‌ओ अ़चुकाचिओ च़माथाङ्‌मा छोम्‍पुत्‍नुङ्‌वावा अ़लोन। ओचि म़हुलुक्‌ओ साङ्‌केन्‍माचिवा म़मुयाङ, मोचिओ निम्‍पाङ निनाम्‍हाङ्‌आ स़लावाचि दन्‍दा प़खा अ़लुक्‍निन्‌ओ कुन्‍चियाधेक्‍धेक्‌ओ कुन्‌यामा अ़च़क्‍तायुङ्‌सा।

यहुदा 1:8

मोवात्‍निङा सेन्‍मुयु काखाङ सोज्‍जेओ काचिन्‍चिआ अ़चुपोक अ़पोप, निनाम्‍हाङ्‌ओ अ़चुपाङ ऩङाअ़छित खोन्‍कि निनाम्‍मादुओ अ़ह़ङ्‌चि म़सुङ्‌तुचि।

खाङ्‌मुमा 16:9

म़नाचि क़माकात्‍तुओ तोक्‍पो अ़राक्‌आ राङ्‌तुचि, खोन्‍कि मोचिआ मो अ़न्‍नुनु अ़चाअ़त्‍माचि काक़म निनाम्‍हाङ माङ्‌अ़हिम्‍सा। मेन मोचिआ अ़चुहेवाचिदाङ्‌का लामा खोन्‍कि खोक्‍कोसोओ अ़चुऩङ लोङ्‌मा म़छुन्‍ता।