कलस्‍सि 3:7 - बान्‍तावा राई

⁷ खानानिन आप्‍पिछाङ बुया अ़क्‍दु अ़अ़त्‍पा लावाचिओ तायाओ अ़क़म्‍मादा त़युङिन्‌येन्‌हिदा ओवाको लाम्‌चिदा त़कोलिन्‌येन।

कलस्‍सि 3:7 ပူးပေါင်းရင်းမြစ်များ

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

कलस्‍सि 2:13

आम्‍नुओ हेवाचिआ खोन्‍कि ख्रिस्‍तआ पाक्‍मा सिप्‍मायाम्‍बुन मान्‍पाक्‍त़युक्‍तिन्‌ओसा खानानिन अ़क्‍दु स़न्‍दान्‌वा त़मुन्‌येन्‌ओ। मेन निनाम्‍हाङ्‌आ झारा आन्‍हेवाचि म़लेत्‍तापुवाओसा ओन्‍ग़रि निनाम्‍हाङ्‌आ खानानिन ख्रिस्‍तएनान ऩखोन्‍तिन्‍लोइसिन।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।