कलस्‍सि 3:24 - बान्‍तावा राई

²⁴ खानानिन त़सिन्‍तुम्‌योम, निनाम्‍हाङ्‌आ आप्‍पिओ अ़चुम़नाचिओ निम्‍पाङ अ़युङ्‌साओ सिरिफा त़तोक्‍तुम। मित्‍तानुम, खानानिन्‌आ हाङ्‌पा येसु ख्रिस्‍त त़ब़रुम्‌योम।

कलस्‍सि 3:24 ပူးပေါင်းရင်းမြစ်များ

मत्‍ति 10:41

निनाम्‍हाङ्‌य़ङ खाकालु, खो निनाम्‍हाङ्‌य़ङ खाकालु ओ निकिना कालोक्‌आ निनाम्‍हाङ्‌य़ङ खाकालुओ सिरिफा तोक्‍तु। साम्‌योक्‍मि म़नाआ, खो साम्‌योक्‍मि म़नाओ निकिना कालोक्‌आ साम्‌योक्‍मि म़नाओ सिरिफा तोक्‍तु।

मत्‍ति 5:12

मोन्‍ग़रि ऩङानुसानिन्‍चिन, खोन्‍कि छेमा काइसानिन्‍चिन, देकिनालो निनाम्‍मादु आम्‍नुओ सिरिफा तोक्‍पो युङ्‌याङ। देकिनालो खानानिन्‌दाङ्‌का बुयाओ निनाम्‍हाङ्‌य़ङ खाकालुचि मोवात्‍निङा मोचिआ म़ल़क्‍तुचिओ।

मत्‍ति 5:46

खानानिन सोमाकातुक्‌चि ओन्‍ङा सोमात़तुक्‍तुम्‍च़म्‌नालो खानानिन्‌आ दिसु सिरिफा त़तोक्‍तुम कि? दाम्‍दु कालात्‌चिछाङ मोवात्‍नि ना म़च़!

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

मत्‍ति 6:5

खानानिन यात़मारिन्‌येन्‌हिदा कोङ्‌क़त्‌वाचिवा यामान्‍मात्‌दानिन, देकिनालो मोचि यावायोक्‍खिम्‌चिदा खोन्‍कि लाम्‌चिदात्‍निओ खुचुरोङ्‌चिदा म़नाचिआ अ़खाङ्‌ने निकिना एप्‌याङ्‌सा यामात्‍मा अ़चुऩङानु। अ़नुछ्‍या, अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

लुका 14:14

खोन्‍कि खाना आसिखा त़तोक्‍तु। मोवात्‍नि त़च़नालो मोचिआ खाना अ़फान्‌दा चा प़मा ऩऱनान, मेन आदेङ साम्‌योक्‍मिचि म़स़दाओदाङ्‌का म़लाखोन्‍लोन्‌हिदा खाना ओसोओ सिरिफा त़तोक्‍तु।”

लुका 6:35

मेन ङेङ्‌चि सोमातुक्‍तानुम्‍च़म, मोचि नुलोक मुवानुम्‍च़म खोन्‍कि नाक कादोत्‍चिदाङ्‌का लामातोक्‍मानि मान्‍मिन्‍माङ नाक पुवानुम्‍च़म। मोवात्‍नि त़च़न्‌नालो खानानिन्‌आ अ़धिवाङ सिरिफा त़तोक्‍तुम, खोन्‍कि खानानिन झारादाङ्‌का तोक्‍पो निनाम्‍हाङ्‌ओ अ़छाचिनि ऩलोन। देकिनालो आलाङ मान्‍प़कादाचि खोन्‍कि अ़अ़त्‍पाचिछाङ निनाम्‍हाङ्‌आ सोमाम़तुक्‍तुचि।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

रोमि 14:18

साङ्‌आ ओवात्‍नि ख्रिस्‍त ब़रु, मो य़ङ्‌आ निनाम्‍हाङ्‌ओ अ़चुऩङानु खोन्‍कि म़नाचिआ अ़नुवाक अ़कान।

१ कोरिन्‍थि 11:23

देकिनालो हाङ्‌पाएदाङ्‌का अ़ङ्‌का दि तोक्‍तुङ, मो खानानिन प़नायुङ्‌नानिन। लाप्‍खावा म़चाओ अ़खाखुत हाङ्‌पा येसुआ पेम्‍पाक अ़क़क्‍ता,

१ कोरिन्‍थि 3:8

विउ कालित खोन्‍कि चाक्‌वा कापाक्‌ओ अ़चुमित्‍चिऩङ अ़क्‌तात्‌ङा मु, खोन्‍कि निनाम्‍हाङ्‌आ अ़चुकाचिवा सिरिफा झारा म़प़चि।

१ कोरिन्‍थि 7:22

देकिनालो हाङ्‌पाआ अ़बुत्‍ताहिदा खाक्‍को म़ना हारुक मुवाङा, हान मो हाङ्‌पाओ अ़चुलेत्‌वा लिसायुङ्‌सा। मोवात्‍निङा अ़बुत्‍ताहिदा खाक्‍को म़ना फोङ्‌साङा, हान मो ख्रिस्‍तओ अ़चुहारुक लिसायुङ्‌सा।

गलाति 1:10

दि अ़ङ्‌का म़नाचिओ अ़चुचोन्‍मा लामुङ्‌योङ ओ, हे निनाम्‍हाङ ओ? माङ्‌लो दि अ़ङ्‌का म़नाचिओ अ़चुऩङानुमा लाप्‍तुङ्‌योङ्‌च़ङ? मोवात्‍नि च़लोक हान्‍छाङ म़नाचिओ अ़चुऩङानुमा लाप्‍तुङ्‌योङ्‌च़ङ्‌नालो अ़ङ्‌का ख्रिस्‍तओ अ़चुहारुक मान्‍लिङा ओ।

एफिसि 6:6

म़नाचिओ अ़चुऩङाकानुचिवात्‍नि म़क्‍साम्‌दा ओन्‍ङा खाङ्‌मुमा काचि मान्‍मुदानिन, मेन ख्रिस्‍तओ अ़हारुक्‌चिवात्‍नि झारा आम्‍नुओ साकोङ्‌वाआ निनाम्‍हाङ्‌ओ अ़चुमिन्‍मावा चुवानिन।

एफिसि 6:8

ओ सिन्‍तानुम, मो हारुक्‍ने माङ्‌लो लेत्‌वाङाने, झारा साङ अ़नुवाक काचि मु, हाङ्‌पाआ मोवात्‍निङा खो सिरिफा अ़प़।

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

हिब्रु 10:35

खोन्‌ओसा अ़ङ्‌का चाप्‍चेत्‍नानिन, आम्‍नुओ सोम्‍कुवा मान्‍छित्‌दानुम, ओसाआ अ़धिवा सिरिफा तारु।

हिब्रु 11:6

साकोङ्‌छ़ङ मान्‍मुमाङ निनाम्‍हाङ्‌ओ अ़चुऩङानुमा अ़ऱन्‍मिन। देकिनालो साङ निनाम्‍हाङ्‌ओ अ़चुच़क्‌दा ता, खोसाआ निनाम्‍हाङ म़युङ्‌याङ खोन्‍कि खोक्‍को कालाम्‌चि खोक्‍कोसाआ सिरिफा म़प़चि निकिना अ़नुछ्‍या साकोङ्‌छ़ङ मुमादोत।

हिब्रु 9:15

खोन्‌ओसा खोक्‍को निनाम्‍हाङ खोन्‍कि म़नाओ अ़चुरादाओ अ़ऩङ्‌वा य़ङ्‌छ़ङ कातुम म़मुयाङ। मोवात्‍नि म़बुत्‍तुचिओचिआ निनाम्‍हाङ्‌आ म़हिप्‍तुचिओ अ़धुन्‌ओ आसिखाचि तोक्‍मा अ़ऱ। देकिनालो बुयाओ य़ङ्‌छ़ङ्‌दा मोचिआ अ़फिसाओ हेवाओ दन्‍दादाङ्‌का फोङ्‌सि येसु म़सुवाचिआयुङ्‌सा।

१ पत्रुस 1:4

आम्‍नुओ निकि देम्‍खाछाङ अ़लुक्‍निन्‍खात्‍निन्‌ओ खोन्‍कि मान्‍पोप्‌ओ खोन्‍कि अ़युन्‍निन्‍खात्‍निन्‌ओ पाङ्‌यि निनाम्‍मादु युङ्‌सायुङ्‌सा।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

यहुदा 1:1

अ़ङ्‌का येसु ख्रिस्‍तओ अ़चुहारुक खोन्‍कि याकुब्‌ओ अ़निछा यहुदा ओ। याकुब्‌ओ अ़निछा ओ। निनाम्‍हाङ्‌आ खा-खाक्‍कोचि म़बुत्‍तुचि, निनाम्‍हाङ पापाओ अ़चुसोमातुक्‍मादा कायुङ्‌चि खोन्‍कि येसु ख्रिस्‍तआ म़रात्‍तुचिओचिओ निम्‍पाङ अ़ङ्‌का ओ छाप्‍लावा छाप्‍तुङ्‌योङ।