कलस्‍सि 3:23 - बान्‍तावा राई

²³ खानानिन दे त़च़न, म़नाओ निम्‍पाङ मुयाङ्‌ओवा माआङ, मेन हाङ्‌पाओ अ़चुकाचि मुन्‌येन्‌वा आम्‍नुओ मिन्‍मा पाक्‍तानुम्‌कि मुवानिन।

कलस्‍सि 3:23 ပူးပေါင်းရင်းမြစ်များ

मत्‍ति 6:16

खानानिन मान्‍चामाङ त़युङिन्‌हिदा कोङ्‌क़त्‌वाचिवात्‍नि आम्‍नुओ ङाइवा मान्‍सेत्‌दानुम। देकिनालो मोचिआ मान्‍चामाङ युङ्‌माय़ङ म़नाचि खाङ्‌मेत्‍माचि निम्‍पाङ मोचिओ अ़चुङाइवाचि म़सेरुचि। अ़नुछ्‍या अ़ङ्‌का खानानिन लोनानिन, मोचिआ अ़चुसिरिफा अ़तोक्‍ताचिआयुङ्‌सा।

रोमि 14:6

साङ्‌आ खाउ लेन अ़च़वाङ लेन्‌नि मित्‍तु, मोसाआ हाङ्‌पा साया मेत्‍माओ निम्‍पाङ मु। साङ्‌आ झारा चामायु चा, मोसाआ हाङ्‌पा साया मेत्‍माओ निम्‍पाङ चा, देकिनालो खोसाआ निनाम्‍हाङ आलाङ प़। साङ्‌आ अ़चान, खोसाआ निनाम्‍हाङ साया मेत्‍माओ निम्‍पाङ अ़चान खोन्‍कि निनाम्‍हाङ आलाङ प़।

रोमि 14:8

आन्‍कान ह़ङिन्‌नुछाङ हाङ्‌पाओ निम्‍पाङ्‌ङा आन्‍कान ह़ङिन खोन्‍कि आन्‍कान स़न्‍दान्‌नुछाङ आन्‍कान हाङ्‌पाओ निम्‍पाङ स़न्‍दान। आन्‍कान स़न्‍दान ने कि ह़ङिन्‍ने, आन्‍कान निनाम्‍हाङ्‌ओङा ओ।

एफिसि 5:22

खिम्‍हाङ्‌माचि ओ, हाङ्‌पाओ अ़चुक़म्‍मादा त़युङिन्‌येन्‌वात्‍नि आ-आप्‍पिओ आम्‍नुओ खिम्‍हाङ्‌पाचिओ अ़चुक़म्‍मादा युङानिन।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:13

हाङ्‌पाओ निम्‍पाङ झारा पाङ्‌यिचिआ ऩलोन्‌ओ काङ्‌सानिन। खो झारा पाङ्‌यि कातोक तोक्‍पोहाङ्‌ङाने,

१ पत्रुस 2:15

देकिनालो निनाम्‍हाङ्‌ओ अ़चुमित्‍चिऩङ ओङा ओ, खानानिन अ़नुवाक काचि मुवानिन्‌कि ऱक्‍भाक म़नाचिओ अ़चुखामान्‍सिन्‍दामा वाइवेत मुमाचिदोत।