कलस्‍सि 3:17 - बान्‍तावा राई

¹⁷ दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

कलस्‍सि 3:17 ပူးပေါင်းရင်းမြစ်များ

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

छाम्‍माय़ङ 19:17

ओ य़ङ एफिसस्‌दा कायुङ झारा यहुदि खोन्‍कि ग्रिक्‌चिआ अ़सिन्‍ता। खोन्‍कि मोचि झारा म़क़साकि हाङ्‌पा येसुओ अ़चुऩङ अ़चोन्‍ता।

छाम्‍माय़ङ 4:30

खोन्‍कि सेङ्‌याङ्‌ओ हारुक येसुओ अ़चुऩङ्‌लाम्‍पा कातुक म़नाचि नुखा खोन्‍कि बुन्‌चि खोन्‍कि म़दोम्‍दाओ काचिचि मुमादा आम्‍नुओ सावा आन्‍कान्‍का प़नि।”

रोमि 1:8

झारादाङ्‌का बुया, अ़ङ्‌का अ़ङ्‌निनाम्‍हाङ येसु ख्रिस्‍तलाम्‍पा खानानिन झारासोओ निम्‍पाङ आलाङ प़ङ। देकिनालो आम्‍नुओ साकोङ्‌छ़ङ्‌ओ अ़तुक्‌वादा झारा हेन्‍खामादा खालुसायुङ्‌सा।

१ कोरिन्‍थि 10:31

मोवात्‍नि माआङ, खानानिन चानिन माङ्‌लो दुङानिन माङ्‌लो आम्‍नुओ ताकावा चुवानिन, ओ झारा निनाम्‍हाङ्‌ओ अ़चुऩङ लोङ्‌माओ निम्‍पाङ मुवानुम।

एफिसि 1:17

अ़ङ्‌का यामात्‍ङा, आन्‍हाङ्‌पा येसु ख्रिस्‍तओ अ़चुनिनाम्‍हाङ, साम्‍स़रिओ निनाम्‍हाङ पापाआ खानानिन खोक्‍कोसोओ झारा अ़चुतायादा लावामि खारु खोन्‍कि साम ऩप़न्‍ने, खोन्‌ओसा खानानिन्‌आ खोक्‍को नुलोक सिन्‍मा त़ऱम्‍ने।

एफिसि 5:20

अ़धुन झारा य़ङ्‌चिओ निम्‍पाङ आन्‍हाङ्‌पा येसु ख्रिस्‍तओ अ़चुऩङ्‌दा निनाम्‍हाङ पापा आलाङ पुवानुम।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

फिलिप्‍पि 2:11

खोन्‍कि झारा लेम्‌आ निनाम्‍हाङ पापाओ अ़चुऩङ्‌लोङ्‌माओ निम्‍पाङ, येसु ख्रिस्‍त हाङ्‌पाओ निकिना लोक्‍मादोत।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

कलस्‍सि 2:7

खानानिन ऩचिन्‍तिन्‌वात्‍नि खोक्‍कोएदा आम्‍नुओ भेन नुलोक पाक्‍तानुम, खोन्‍कि खोक्‍कोएदा आम्‍नुओ ह़ङ्‌म़ङ पोइसानुम खोन्‍कि सोम्‍कुवादा काछो लिसानिन्‌किना च़लोक आलाङ काप़ लिसानिन।

कलस्‍सि 3:15

अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

कलस्‍सि 3:23

खानानिन दे त़च़न, म़नाओ निम्‍पाङ मुयाङ्‌ओवा माआङ, मेन हाङ्‌पाओ अ़चुकाचि मुन्‌येन्‌वा आम्‍नुओ मिन्‍मा पाक्‍तानुम्‌कि मुवानिन।

१ थेसलोनिकि 1:1

पावल, सिलास खोन्‍कि तिमोथिएदाङ्‌का निनाम्‍हाङ पापा खोन्‍कि हाङ्‌पा येसु ख्रिस्‍तएदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‌योम्‍का। निनाम्‍हाङ्‌आ खानानिन आसिखा ऩप़न्‍ने खोन्‍कि सेवाङ्‌नि ऩमुन्‍ने!

१ थेसलोनिकि 5:18

झारा ग़रिचिदा निनाम्‍हाङ आलाङ पुवानुम। देकिनालो ख्रिस्‍त येसुलाम्‍पा आम्‍नुओ निम्‍पाङ निनाम्‍हाङ्‌ओ अ़चुमिन्‍मा ओङा ओ।

२ थेसलोनिकि 2:17

आम्‍नुओ साकोङ्‌वादा राक ऩप़न्‍ने। खोन्‍कि खोक्‍कोएदाङ्‌काओ झारा अ़नुवाक काचि खोन्‍कि य़ङ्‌चिदा खानानिन्‌आ राक खोन्‍कि सावा तोक्‍तानुम।

हिब्रु 1:5

“खाना अ़ङ्‌दुवाछा छा ओ, अ़ङ्‌का आय़ आम्‍पा लिसाङ्‌युङ्‌साङ।” निकिना खाक्‍को निनाम्‍हाङ काफा निनाम्‍हाङ्‌आ देम्‍खा अ़लोवायुङ्‌सा कि? खोन्‍कि “अ़ङ्‌का मोसोओ अ़पा लिङा, खोन्‍कि खो अ़ङ्‌छा लि।” निकिना खोक्‍कोसाआ खाक्‍को निनाम्‍हाङ काफा देम्‍खा अ़लोवायुङ्‌सा कि?

हिब्रु 13:15

मोवात्‍नि येसुओ अ़चुऩङ्‌दा निनाम्‍हाङ चोन्‍माओ हेन्‍खोक्‌वा अ़धुन आन्‍कान प़म्‍ने। ओ ना हाङ्‌पानि काबुत म़नाचिआ दोसिवादाङ्‌का चोन्‍माय़ङ य़ङ ओ।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!

१ युहन्‍ना 2:23

निनाम्‍हाङ्‌ओ अ़चुछा ऩङाकाछित्‌एदा निनाम्‍हाङ पापा ऩयुङ्‌निन। साङ्‌आ निनाम्‍हाङ्‌ओ अ़चुछा लोउ, मोएदा निनाम्‍हाङ पापाछाङ म़युङ।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।