कलस्‍सि 3:15 - बान्‍तावा राई

¹⁵ अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

कलस्‍सि 3:15 ပူးပေါင်းရင်းမြစ်များ

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

रोमि 1:21

देकिनालो मोचिआ निनाम्‍हाङ अ़सिन्‍ताकिछाङ निनाम्‍हाङ्‌ओ अ़चुऩङ मान्‍लोङ्‌अ़दा, ना मोचिआ आलाङ्‌ङा अ़पुवा, मेन मोचिओ अ़चुमिन्‍मा सोज्‍जेओ लिसा, खोन्‍कि मोचिओ खामान्‍सिन अ़चुसाकोङ्‌वा कुइयामा लिसा।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

१ कोरिन्‍थि 10:17

मोदा पेम्‍पाक अ़क्‌तात्‌ङा युङ्‌याङ, आन्‍कान ब़द्‍धेकापाङ्‌नुछाङ अ़क्‌याम्‌ङा ओ, देकिनालो आन्‍कान झारासाआ अ़क्‌तात पेम्‍पाक्‌दाङ्‌का चान।

१ कोरिन्‍थि 7:15

मेन साकोङ्‌छ़ङ मान्‍मुकादाआ छित्‍मानि मिन्‌नालो छित्‍मा पुवानुम। मोवात्‍नि ओ ग़रिदा साकोङ्‌छ़ङ कामुपा निछा माङ्‌लो निछामा फोङ। निनाम्‍हाङ्‌आ आन्‍कान सेवाङ्‌नि युङ्‌मा निकि म़बुत्‍ताओ।

२ कोरिन्‍थि 4:15

देकिनालो ओ झारा आम्‍नुओ निम्‍पाङ्‌ङा म़लिसाओ ओ, खोन्‌ओसा सोम्‍तुक्‍मा ब़द्‍धे म़नाचिएदा फेकि आलाङ प़माय़ङ पोन्‌याङ्‌सा खात्‌कि निनाम्‍हाङ्‌ओ अ़चुऩङ अ़लोङ्‌ने।

२ कोरिन्‍थि 9:11

आम्‍नुओ तोक्‍पो सोमातुक्‍माओ निम्‍पाङ झारा य़ङ्‌दा खानानिन कातोक ऩमुन, मो सोमातुक्‍माआ आन्‍कान्‍कालाम्‍पा यरुसलेम्‌दाओ मान्‍तोक्‍कादा म़नाचिआ निनाम्‍हाङ आलाङ अ़प़।

एफिसि 4:16

खोक्‍कोलाम्‍पाङा झारा आन्‍पोक काम्‍साओ खोन्‍कि छुम्‍साओ झारा अ़धाङ्‍आ तोङ्‌लो काचि मुयाङ्‌सा पोक्‌दा पोन खोन्‍कि सोमातुक्‍मादा पोन्‌याङ्‌सा खात।

एफिसि 4:4

पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

एफिसि 5:1

खानानिन सोम्‍तुक्‍माय़ङ निनाम्‍हाङ्‌ओ अ़चुछाचि त़लिसिन्‌ओसा निनाम्‍हाङ म़च़याङ्‌वा चुवानिन।

एफिसि 5:20

अ़धुन झारा य़ङ्‌चिओ निम्‍पाङ आन्‍हाङ्‌पा येसु ख्रिस्‍तओ अ़चुऩङ्‌दा निनाम्‍हाङ पापा आलाङ पुवानुम।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

कलस्‍सि 2:7

खानानिन ऩचिन्‍तिन्‌वात्‍नि खोक्‍कोएदा आम्‍नुओ भेन नुलोक पाक्‍तानुम, खोन्‍कि खोक्‍कोएदा आम्‍नुओ ह़ङ्‌म़ङ पोइसानुम खोन्‍कि सोम्‍कुवादा काछो लिसानिन्‌किना च़लोक आलाङ काप़ लिसानिन।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

१ थेसलोनिकि 5:18

झारा ग़रिचिदा निनाम्‍हाङ आलाङ पुवानुम। देकिनालो ख्रिस्‍त येसुलाम्‍पा आम्‍नुओ निम्‍पाङ निनाम्‍हाङ्‌ओ अ़चुमिन्‍मा ओङा ओ।

१ तिमोथि 2:1

झारादाङ्‌का बुया अ़ङ्‌का यायोक प़नाङ्‌नानिन, झारा म़नाचिओ निम्‍पाङ यामारानिन। निनाम्‍हाङ्‌आ मोचि म़फासुचिने निकिना यामात्‍तापुवानुम्‍च़म, निनाम्‍हाङ्‌ओ खोन्‍कि म़नाओ अ़चुरादा काचेप्‍प़ लिसानिन।

१ तिमोथि 6:12

साकोङ्‌छ़ङ्‌ओ अ़नुवाक ङेन मुवा। अ़लुक्‍निन्‌ओ ह़ङ्‌म़ङ लाउयुङ्‌सु। ओ य़ङ्‌दाङा खाना निनाम्‍हाङ्‌आ ऩबुत्‍ताओ, खाना ब़द्‍धे सालुम्‍स़ङ्‌चिओ अ़चुबुदा साकोङ्‌छ़ङ्‌ओ अ़नुवाक सालुम्‍स़ङ त़प़चिओ।

हिब्रु 13:15

मोवात्‍नि येसुओ अ़चुऩङ्‌दा निनाम्‍हाङ चोन्‍माओ हेन्‍खोक्‌वा अ़धुन आन्‍कान प़म्‍ने। ओ ना हाङ्‌पानि काबुत म़नाचिआ दोसिवादाङ्‌का चोन्‍माय़ङ य़ङ ओ।

खाङ्‌मुमा 7:12

“मोवात्‍निङा लिने! चोन्‍मा, साम, खारु, आलाङ, साया, सावा खोन्‍कि छोमा अ़धुन-अ़धुन्‌तारि आन्‍निनाम्‍हाङ्‌एदा युङ्‌युङ्‌ने। मोवात्‍निङा लिने!”