कलस्‍सि 3:14 - बान्‍तावा राई

¹⁴ ओ झारादाङ्‌का च़लोक सोम्‍तुक्‍मा लोआनुम, मोसाआ खानानिन झारा अ़क्‌तात लिमादा अ़क्‍नि म़छुम।

कलस्‍सि 3:14 ပူးပေါင်းရင်းမြစ်များ

युहन्‍ना 13:34

अ़क्‌तात अ़ऩङ्‌वा लोमाय़ङ अ़ङ्‌का खानानिन प़नानिन: खानानिन अ़क्‍छा निएदा सोमातुक्‍कातुक मुवानिन। खानानिन अ़ङ्‌का देत्‍नि सोमातुक्‍नानिन, खानानिन्‌आछाङ अ़क्‍छा निएदा मोवात्‍निङा सोमातुक्‍कातुक मुवानिन।

युहन्‍ना 15:12

अ़ङ्‌को अ़ङ्‌लोमाय़ङ ओङा ओ, अ़ङ्‌का खानानिन देत्‍नि सोमातुक्‍नानिन, खानानिन्‌छाङ अ़क्‍छा निएदा मोवात्‍निङा सोमातुक्‍कातुक मुवानिन।

युहन्‍ना 17:23

अ़ङ्‌का मोचिएदा खोन्‍किना खानानिन अ़ङ्‌काएदा, खोन्‍कि मोचि झारा अ़क्‌तात म़लिने, खोन्‍किना खानानिन्‌आ अ़ङ्‌का त़छुत्‍निओ, खोन्‍किना अ़ङ्‌का सोमा त़तुक्‍निओवा खानानिन्‌आ मोचिछाङ सोमात़तुक्‍तुम्‍च़म्‌ओ हेन्‍खामाआ मो सिन्‍तुने।

रोमि 13:8

अ़क्‍छा निएदा सोम्‌तुक मुमादाङ्‌का नि दिदाछाङ नाक्‌दा मान्‍छुक्‍दानिन। देकिनालो साङ्‌आ नि म़नाचि सोमातुक्‍तुचि मोसाआ य़ङ्‌हुप तासुला।

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 4:3

सेवाङ्‌निओ अ़छुम्‍मादा सेङ्‌लावाएनान अ़क्‍भोम लिमा लामानिन।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

१ थेसलोनिकि 4:9

मेन साकोङ्‌छ़ङ कामुचिएदा सोमातुक्‍मुमाओ अ़तुक्‌वादा आन्‍कान्‍का खानानिन दित्‍छाङ छाप्‍मा अ़दोत्‍निन, देकिनालो अ़क्‍छा निएदा सोमातुक्‍मुमाओ निनाम्‍हाङ्‌आङा खानानिन ऩचिन्‍तिन्‌युङ्‌सिन।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।

१ पत्रुस 4:8

झारादाङ्‌का बुया आम्‍नुओ रादा अ़क्‍छा निएदा साकोङ्‌वादाङ्‌का सोम्‍तुक्‍मुवानिन। देकिनालो सोम्‍तुक्‍माआङा खिप्‍मा अ़ऱन्‍मिन्‌ओ हेवाचि दिप्‍तुचि।

२ पत्रुस 1:7

साम्‌योक्‍मिदा साकोङ्‌छ़ङ कामुचि सोम्‌योक्‍मा, साकोङ्‌छ़ङ कामुचि सोम्‌योक्‍मादा सोम्‍तुक्‍मा तेप्‍तानुम।

१ युहन्‍ना 3:10

निनाम्‍हाङ्‌ओ अ़चुछाचि साङ्‌चि ओ, खोन्‍कि सैतानाओ अ़छाचि साङ्‌चि ओ, ओदाङ्‌काङा आन्‍कान सिन्‍तुम, साङ नुलोक काचि अ़मुनिन माङ्‌लो साङ्‌आ खोसोओ ख्रिस्‍तियान अ़यावाचि सोमाअ़तुक्‍तुन्‍चिन।

१ युहन्‍ना 3:23

खोक्‍कोसोओ अ़चुलोमाय़ङ ओङा ओ, खोक्‍कोसोओ अ़चुछा येसु ख्रिस्‍तओ अ़चुऩङ्‌दा आन्‍कान साकोङ्‌छ़ङ मुमादोत, खोन्‍कि खोक्‍कोसाआ म़लोवाओवात्‍नि आन्‍कान अ़क्‍छा निएदा सोमातुक्‍मुमादोत।

१ युहन्‍ना 4:21

खोन्‍कि आन्‍कान खोक्‍कोएदाङ्‌का ओ लोमाय़ङ तोक्‍तुम्‌युङ्‌सुम, साङ्‌आ निनाम्‍हाङ सोमातुक्‍तु, मोसाआ अ़निछाछाङ सोमातुक्‍मादोत।