कलस्‍सि 3:10 - बान्‍तावा राई

¹⁰ खोन्‍कि ओन्‍ग़रि अ़ऩङ्‌वा ह़ङ्‌म़ङ त़लोउम्‌युङ्‌सुम। खानानिन च़लोक आम्‍नुओ कामुन्‍पाओ अ़चुकात्‍मावा लियाङ्‌सा त़खारिन्‌येन, खोन्‍कि खोक्‍को नुलोक त़तुप्‍तुम।

कलस्‍सि 3:10 ပူးပေါင်းရင်းမြစ်များ

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 13:12

अ़खाखुत खाराचिआ खोन्‍कि लेन च़क्‌दा ताचिआ। खोन्‌ओसा कुन्‌यामादाओ काचिचि छिरुम्‍च़म्‌कि आन्‍कान साम्‌ओ अ़बान्‍छुबिछु लोउम्‍ने।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 6:4

खोन्‌ओसा बप्‍तिस्‍मालाम्‍पा आन्‍कान खोक्‍कोएनान अ़क्‍नि खुम्‍तिन। देत्‍नि निनाम्‍हाङ पापाओ साम्‍स़रिओ अ़चुसावालाम्‍पा ख्रिस्‍त म़सुवादाओदाङ्‌का म़खोन्‍तालोन्‍ता, मोवात्‍निङा आन्‍कान्‌छाङ अ़ऩङ्‌वा ह़ङ्‌म़ङ्‌ओ लाम्‌दा कोलिन्‍ने।

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

२ कोरिन्‍थि 3:18

खोन्‍कि आन्‍कान झारा मुन्‍जेत लाराखाइसाओ ङाइवाचिआ हाङ्‌पाओ अ़चुसाम खाङ्‌मुसुम। खोन्‍कि आन्‍कान खोक्‍कोसोओ अ़चुसाम्‌दा च़लोक्‌वा फान्‌याङ्‌सा खारिन। ओ हाङ्‌पाएदाङ्‌का ता, खोक्‍को सेङ्‌लावा ओ।

२ कोरिन्‍थि 4:16

खोन्‌ओसा देम्‍खाछाङ आन्‍काओ राक अ़स़निन। आन्‍काओ बुङ्‌खालिप्‍पाओ पोक लुक्‌याङ्‌सा खात्‌याङ, खोन्‍नुछाङ आन्‍काओ लावामि ह़ङ्‌म़ङ अ़लेन्‍खिन्‍तुम अ़ऩङ्‌वा लियाङ्‌सा खात्‌याङ।

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

गलाति 3:27

देकिनालो खानानिन्‌एदाओ देम्‍पाङ्‌साआ ख्रिस्‍तदा बप्‍तिस्‍मा त़लोउम, खानानिन झारासाआ अ़ऩङ्‌वा तित त़हुम्‍सिन्‌येन्‌वा ख्रिस्‍तवाको त़लिसिन्‌युङ्‌सिन।

गलाति 6:15

सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ, मेन अ़ऩङ्‌वा लावामि ह़ङ्‌म़ङ तोक्‍मा अ़च़वाङ ओ।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 2:15

खोन्‍कि खोक्‍कोसाआ यहुदि य़ङ्‌हुप, मोसोओ अ़लोमाय़ङ्‌चि खोन्‍कि साम्‌योक्‍मि य़ङ्‌हुप्‌चि अ़चुस़मालाम्‍पा अ़लुक्‍ता। खोक्‍कोसोओ अ़चुमित्‍चिऩङ आप्‍पि खोक्‍कोएदाङा ह्‍वा रुहुप म़नाचि अ़क रुहुप अ़ऩङ्‌वा म़ना मुमा दोराङा, ओवात्‍नि खोक्‍कोसाआ अ़चुरादा सेवाङ्‌नि म़मुचि।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

कलस्‍सि 3:14

ओ झारादाङ्‌का च़लोक सोम्‍तुक्‍मा लोआनुम, मोसाआ खानानिन झारा अ़क्‌तात लिमादा अ़क्‍नि म़छुम।

फिलेमोन 1:6

साकोङ्‌छ़ङ कामुचिएनान यावायोक त़मुकि आन्‍कान येसु ख्रिस्‍तदाङ्‌का तोक्‍तुम्‌ओ झारा अ़नुवाक य़ङ्‌चि खाना नुलोक तुप्‍मा त़ऱने निकिना यामात्‍ङा।

हिब्रु 6:6

खोन्‍नुछाङ अ़चुओ साकोङ्‌छ़ङ अ़छित्‌नालो मो म़नाचिओ अ़चुमिन्‍मा लामा अ़ऱन्‍चिमिन। देकिनालो मोचिआ आप्‍पिङा निनाम्‍हाङ्‌ओ अ़चुछा क्रुस्‌दा अ़लाख़न्‌याङ, खोन्‍कि निचिआ खोक्‍कोसोओ अ़चुसाया पेप्‍खालाम अ़मुयाङ।

१ युहन्‍ना 2:3

आन्‍कान खोक्‍कोसोओ अ़चुलोमाय़ङ्‌चिवा च़न्‌नालो अ़नुछ्‍याङा आन्‍कान खोक्‍को सिन्‍तुम्‌योम निकिना ओ य़ङ्‌दाङ्‌काङा आन्‍कान सिन्‍मा ऱम।

१ युहन्‍ना 2:5

मेन साङ्‌आ खोक्‍कोसोओ अ़चुय़ङ लोउ, खोएदा निनाम्‍हाङ्‌लिप्‍पाओ अ़चुसोम्‍तुक्‍मा अ़नुछ्‍याङा ताला। ओ य़ङ्‌दाङ्‌काङा आन्‍कान खोक्‍कोएदा याइन्‌येन्‌निओ य़ङ्‌दा आन्‍कान अ़छ़ङ लिसिन।

खाङ्‌मुमा 21:5

खोन्‍किना हाङ्‌युङ्‌खादा कायुङ्‌आ अ़ङ्‌का अ़लोवाङ, “खा, अ़ङ्‌का झारा अ़ऩङ्‌वा मुङ्‌च़ङ।” खोक्‍कोसाआ ओवात्‍निछाङ ऩलोवाङ, “ओ छाप्‍तु, देकिनालो ओ य़ङ्‌चि सोम्‍कुवा मुमा खान्‍तुओ खोन्‍कि अ़छ़ङ म़मुयाङ।”