कलस्‍सि 2:8 - बान्‍तावा राई

⁸ चाप्‍चेत्‍तानिन्‍चिन, साङ्‌आछाङ खानानिन म़नाचिएदाङ्‌का ताओ सोज्‍जेओ खोन्‍कि अ़होम्‍पा चिन्‍माय़ङ्‌दाङ्‌का ऩथेम्‍सिन्‍खात्‍तिमिन्‍ने। मो य़ङ्‌चि ख्रिस्‍तदाङ्‌का माआङ, मेन म़नाचिओ अ़चुच़माथाङ्‌मा खोन्‍कि हेन्‍खामादाओ तायादाङ्‌का म़ताओ य़ङ्‌चि ओ।

कलस्‍सि 2:8 ပူးပေါင်းရင်းမြစ်များ

मत्‍ति 10:17

मेन म़नाचिदाङ्‌का खानानिन चाप्‍चेत्‍तानिन्‍चिन, देकिनालो म़नाचिआ खानानिन छ़ङ्‌छेन्‍खाचिदा ऩखात्‍तिन, खोन्‍कि मोचिआ अ़चुओ यावायोक्‍खिम्‌चिदा खानानिन य़हुप ऩपाक्‍तिन।

मत्‍ति 16:6

येसुआ मोचि म़लोचि, “चाप्‍चाप्‍चाप्‌वा युङ्‌निन, फरिसि खोन्‍कि सदुकिचिओ खमिरादाङ्‌का चाप्‍चेत्‍तानिन्‍चिन।”

मत्‍ति 7:15

सोज्‍जेओ निनाम्‍हाङ्‌य़ङ खाकालुचिएदाङ्‌का चाप्‍चेत्‍तानिन्‍चिन। मोचि आम्‍नुओ रादा भेरावाको म़लिकि म़ता, मेन अ़चुकोङ्‌हुत्‌या क़माकात्‍तुओ बेन्‍पाचिवात्‍नि मोचि म़मु।

छाम्‍माय़ङ 17:18

खो देम्‌कापाङ इपिक्‌युरि खोन्‍कि स्‍तोइकि तायाहाङ्‌पाचिएनान्‌छाङ दुम्‍तुसा। खोसाआ मोचि येसु म़खोन्‍तालोन्‍ताओसो अ़तुक्‌वादा खाएत्‍तुचिओसा “ओ याचेक्‌वा दे य़ङ्‌याङ?”नि अ़लोवा। निचि म़य़ङा, “खोसाआ नि म़नाचिओ अ़चुमाङ्‌चिओ अ़तुक्‌वादा आन्‍कान खाम़एत्‌याङ।”

छाम्‍माय़ङ 17:32

स़दाओदाङ्‌का म़ना म़खोन्‍लोन्‌नि पावल य़ङाओ अ़एनाकि खा-खाक्‍कोचिआ खो अ़सुङ्‌ता। मेन निचिआ अ़लोवा, “आन्‍कान्‍का ओ य़ङ्‍ओ अ़तुक्‌वादा अ़क लेन खाना च़लोक लानिखाएत्‍नि।”

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

१ कोरिन्‍थि 10:12

खोन्‌ओसा, साङ नुलोक एप्‍ङाङानि मित्‍नान्‍चिन, मो चाप्‍चेत्‍नान्‍चिन्‍ने माङ्‌नालोना मो धाम।

१ कोरिन्‍थि 8:9

मेन चाप्‍चेत्‍तानिन्‍चिन, आम्‍नुओ ओ ताकावा च़माआ साकोङ्‌छ़ङ्‌दा मान्‍ऱकादाचिओ निम्‍पाङ धुङ्‌खा अ़लिनिन्‍ने।

२ कोरिन्‍थि 10:5

निनाम्‍हाङ्‌ओ अ़चुतायाओ अ़देङ्‌सालाप्‍पा म़लोन्‌ओ दुम्‍छ़न्‍माचि खोन्‍कि ऱक्‍भाक्‌एनान लाम्‍काछेक य़ङ्‌चि आन्‍कान्‍का लुक्‍तुम्‍च़म्‍का, खोन्‍कि आन्‍कान्‍का झारा मिन्‍मा क़म्‍तुम्‍का खोन्‍कि मो ख्रिस्‍तओ अ़चुलोमाय़ङ्‌वा मुमेत्‍तुम्‍च़म्‍का।

गलाति 1:14

आन्‍काओ रावादा, अ़ङ्‌काएनान अ़क्‍निओचि ब़द्‍धेकापाङ्‌दा अ़ङ्‌का यहुदि साम्‌योक्‌दा बुया पोयाङ, खोन्‍किना अ़ङ्‌सुन्‍तुम्‌चिओ अ़चुच़माथाङ्‌मादा अ़ङ्‌का अ़न्‍नुनु राक़स़रिओ मुवाङ्‌याङ।

गलाति 4:3

ओवात्‍निङा आन्‍कान्‌छाङ ख्रिस्‍त तामा बुया छाचिवा मुन्‌येन, आन्‍कान हेन्‍खामादाओ माङ्‌चिओ अ़चुहारुक्‌दा याइन्‌येन।

गलाति 4:9

मेन हान ना खानानिन्‌आ निनाम्‍हाङ त़सिन्‍तुम्‌युङ्‌सुम, माङ्‌लो ब़द्‍धे अ़च़वाङ निनाम्‍हाङ्‌आ खानानिन ऩसिन्‍तिन्‌युङ्‌सिन। हान देत्‍नि खानानिन मान्‍ऱकादा खोन्‍कि बुयाओ अ़चुप्‍पो लाम्‌चिदा त़लासिन? दि खानानिन हान्‍छाङ मोचिओ अ़चुहारुक लिमा त़स़न्‌येन?

गलाति 5:15

मेन खानानिन अ़क्‍छाआ नि धेक्‍काधेक, ख़ङ्‌का-ख़ङ त़मुन्‌नालो ना चाप्‍तेत्‍तानिन्‍चिन, खानानिन अ़क्‍छा निएदाङ्‌काङा लुक्‍मा अ़दोत्‍निन्‍ने।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

एफिसि 4:20

मेन ख्रिस्‍तओ अ़तुक्‌वादा खानानिन्‌आ मोवात्‍नि मान्‍सिन्‍त़युक्‍तुम।

एफिसि 5:6

साङ्‌आछाङ खानानिन सोज्‍जेओ य़ङ्‌आ ऩधान्‍तिमिन्‍ने, देकिनालो मो य़ङ्‍ओ अ़तुक्‌वाआ लोमान्‍तेत्‍चिएदा निनाम्‍हाङ्‌ओ अ़चुच़ऱपा छुक।

फिलिप्‍पि 3:2

कुतिवाचिदाङ्‌का चाप्‍चेत्‍तानिन्‍चिन, अ़त्‍लो काचि कामुएदाङ्‌का चाप्‍चेत्‍तानिन्‍चिन, पोक काक़प्‌चिएदाङ्‌का चाप्‍चेत्‍तानिन्‍चिन।

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

कलस्‍सि 2:20

खानानिन ख्रिस्‍तएनान त़स़न्‌ओसा हेन्‍खामादाओ लावाचिओ तायाओ अ़क़म्‍मादा त़याइमिन्‌येन। खोवात्‍निनालो देकि मोचिओ अ़चुतायाआ त़क़म्‍तिन्‌येन्‌वा हान्‍छाङ “मान्‍लाप्‌दानुम, मान्‍छेम्‍दानुम, मान्‍नोप्‌दानुम”नि म़य़ङ्‌याङ्‌ओ मोचिओ अ़चुथाप्‍स़ङ्‌चि त़त़ङ्‌तुम्‌योम्‍च़म?

कलस्‍सि 2:22

ओ झारा थाप्‍स़ङ्‌चि थुत्‍मेत्‍लो म़याङ्‌कि म़लुक्‍खात। देकिनालो ओ य़ङ्‌चि म़नाचिआ म़मुचिओ लोमाय़ङ्‌चि खोन्‍कि चिन्‍माय़ङ्‌चि ओन्‍ङा ओ।

कलस्‍सि 2:23

ओ थाप्‍स़ङ्‌चि नुलोक दात्‍मा म़ऱ, देकिनालो मोचिआ म़नाचि साम्‌योक्‍मि खाङ्‌म़मुसुचि, सिम्‍सिन्‍चिन्‌वा खाङ्‌म़मुसुचि, खोन्‍कि अ़चुपोक्‌चि दुखा प़मा म़चिन्‍तुचि। खोन्‍नुछाङ ओ थाप्‍स़ङ्‌चिआ म़नाचिओ अ़चुअ़त्‍लो मित्‍माचि क़म्‍मा अ़फासुन्‍चिन।

१ तिमोथि 6:20

तिमोथि, दि खाना खाङ्‌मा ऩपुवायुङ्‌सा, मो रात्‍तुयुङ्‌सु। मान्‍साम्‌योक्‍मि चेप्‍मा खोन्‍कि दुम क़प्‍माय़ङ्‌चिदाङ्‌का अ़थाया युङा। मोचिआ मो य़ङचि “ताया”नि म़य़ङ, मेन मो सोज्‍जेओ ताया ओ।

२ तिमोथि 3:13

मेन अ़अ़त्‍पा म़नाचि खोन्‍कि काधान्‍चिआ निचि म़धान्‍तुचि खोन्‍कि मोचि आप्‍पि म़धान्‍नान्‍चिन्‌कि च़लोक अ़अ़त्‍पा लियाङ्‌सा म़खात।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

१ पत्रुस 1:18

खानानिन त़सिन्‍तुम्‌योम, आम्‍नुओ सुन्‍तुम्‌चिदाङ्‌का त़तोक्‍तुम्‌ओ सोज्‍जेओ च़माथाङ्‌मादाङ्‌का खानानिन ऩफोङ्‌सिन। ओ फोङ्‌मा ना हाराक्‌वा खोन्‍कि रुपावाको लुक्‍खात्‌ओ सामालाम्‍पा आम्‍नुओ लुङ अ़छोराकि त़तोक्‍तुम्‌ओ माआङ।

२ पत्रुस 3:17

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, खानानिन ओ झारा य़ङ बुयाङा सिन्‍तानुम्‍च़म्‌कि चाप्‍चेत्‍तानिन्‍चिन। अ़अ़त्‍पा म़नाचिओ अ़चुफिमादा ऩतित्‍तिन्‍खात्‍तिन्‌कि आम्‍नुओ अ़छ़ङ साकोङ्‌छ़ङ अ़मानिन्‍ने।

२ युहन्‍ना 1:8

खोन्‌ओसा चाप्‍चेत्‍तानिन्‍चिन, दिसु य़ङ्‌ओ निम्‍पाङ आन्‍कान काचि मुम्‌ओ मो मान्‍मादानुम, मेन झारा सिरिफा कातोक त़लिसिन्‍ने।