कलस्‍सि 2:23 - बान्‍तावा राई

²³ ओ थाप्‍स़ङ्‌चि नुलोक दात्‍मा म़ऱ, देकिनालो मोचिआ म़नाचि साम्‌योक्‍मि खाङ्‌म़मुसुचि, सिम्‍सिन्‍चिन्‌वा खाङ्‌म़मुसुचि, खोन्‍कि अ़चुपोक्‌चि दुखा प़मा म़चिन्‍तुचि। खोन्‍नुछाङ ओ थाप्‍स़ङ्‌चिआ म़नाचिओ अ़चुअ़त्‍लो मित्‍माचि क़म्‍मा अ़फासुन्‍चिन।

कलस्‍सि 2:23 ပူးပေါင်းရင်းမြစ်များ

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

एफिसि 5:29

देकिनालो खाक्‍कोछाङ म़नाआ देम्‍खाछाङ आप्‍पि अ़पोक अ़चिप्‍मा अ़कात्‍तुन, मेन मोसाआ चामायु प़, खोन्‍कि मो खा खोन्‍कि मोवात्‍निङा ख्रिस्‍तआछाङ अ़चुसाम्‍भुङ्‍ओ निम्‍पाङ अ़मु।

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

कलस्‍सि 2:22

ओ झारा थाप्‍स़ङ्‌चि थुत्‍मेत्‍लो म़याङ्‌कि म़लुक्‍खात। देकिनालो ओ य़ङ्‌चि म़नाचिआ म़मुचिओ लोमाय़ङ्‌चि खोन्‍कि चिन्‍माय़ङ्‌चि ओन्‍ङा ओ।

कलस्‍सि 2:8

चाप्‍चेत्‍तानिन्‍चिन, साङ्‌आछाङ खानानिन म़नाचिएदाङ्‌का ताओ सोज्‍जेओ खोन्‍कि अ़होम्‍पा चिन्‍माय़ङ्‌दाङ्‌का ऩथेम्‍सिन्‍खात्‍तिमिन्‍ने। मो य़ङ्‌चि ख्रिस्‍तदाङ्‌का माआङ, मेन म़नाचिओ अ़चुच़माथाङ्‌मा खोन्‍कि हेन्‍खामादाओ तायादाङ्‌का म़ताओ य़ङ्‌चि ओ।

१ तिमोथि 4:3

मोचिआ म़नाचि सायाकाम्‍मा ऩप़न्‍चिन, खोन्‍कि साकोङ्‌छ़ङ कामुचि खोन्‍कि अ़छ़ङ कासिन्‌चिआ आलाङ्‌एनान लोक्‍मादोत्‌ओ निनाम्‍हाङ्‌आ अ़मुयाओ चामायुदाङ्‌का अ़थाया युङ्‌म़मेत्‍तुचि।

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।