कलस्‍सि 2:15 - बान्‍तावा राई

¹⁵ निनाम्‍हाङ्‌आ हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचि अ़चुसावा मात्‍द़ङ्‌ओ म़मुचिकि क्रुस्‌दा म़छोसाकि झारासोओ अ़चुबुदा लेजो म़मेत्‍तुचि।

कलस्‍सि 2:15 ပူးပေါင်းရင်းမြစ်များ

मत्‍ति 12:29

मेन साङ्‌आछाङ काछोपा म़नाओ अ़खिम्‌दा वाङ्‌कि अ़चासुम्‍छेन्‍बि ङाप्‍माखात्‍मा अ़ऱन, खोसाआ बुया मो काछोपा म़ना छ़मादोत, खोन्‍किना ओन्‍ङा खोसाआ मोसोओ अ़खिम्‌दाओ अ़चासुम्‍छेन्‍बि ङाप्‍माखात्‍मा ऱ।

लुका 10:18

खोसाआ मोचि म़लोचि, “सैताना निनाम्‍मादुङ्‌का नाम्‍चिम्‍पिलेक्‌वात्‍नि धाङाओ अ़ङ्‌का खाङ।

लुका 11:22

मेन मोएदाङ्‌का काछो म़ना ताकि मो झोम्‍तुकिना मो छोनालो मोसाआ सोम्‍कुवा मुओ मोसोओ अ़बान्‌चि ङाप्‍तुचि खोन्‍कि अ़खाम्‍माखुयाचि अ़यावाचिएनान हासुचि।

युहन्‍ना 16:11

छ़ङ्‌छेन्‍माओ अ़तुक्‌वादा निनाम्‍हाङ्‌आ ओ हेन्‍खामादाओ हाङ्‌कामु बुयाङा छ़ङ्‌अ़छेन्‍तायुङ्‌सा। ओ काचि यायोक काप़आ खाङ्‌म़मेत्‍तुचि।

युहन्‍ना 19:30

येसुआ सुन्‍ताङाओ अङ्‌गुरा माङ्‌वा अ़दुङा, खोन्‍कि खोक्‍को म़य़ङा, “हान चिआ।” खोन्‍कि खोक्‍कोसाआ अ़चुताङ अ़पोम्‍सा, खोन्‍कि अ़चुसाक्‍मा खारा।

१ कोरिन्‍थि 15:24

खोन्‍किना अ़लुक्‍मा ता, खोन्‍कि खोक्‍कोसाआ झारा हाङ्‌काचिचि, पाङ्‌चि खोन्‍कि सावाचि म़लुक्‍तुचिकिना पापा निनाम्‍हाङ हाङ्‌होन अ़प़।

२ कोरिन्‍थि 2:14

मेन निनाम्‍हाङ आलाङ्‌ने, खोक्‍कोसाआ आन्‍कान्‍का ख्रिस्‍तदा अ़धुन छोमादा म़तित, खोन्‍कि खोक्‍कोसोओ अ़चुताया आन्‍कान्‍कालाम्‍पा झारादात्‍नि अ़फे।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

एफिसि 3:10

खोन्‍कि खोक्‍कोसोओ अ़चुमित्‍चिऩङ साम्‍भुङ्‌लाम्‍पा निनाम्‍हाङ्‌ओ ब़द्‍धेकाखालाओ ताया निनाम्‍मादुओ युङ्‌खाचिदा हाङ्‌काचि कामुचि खोन्‍कि पाङ्‌कातोक्‌चिओ अ़चुरादा खाङ्‌मुमा दोराङा।

एफिसि 4:8

खोन्‌ओसा ओवात्‍नि म़य़ङायुङ्‌सा, “खोक्‍को झोन्‌याङ्‌ओदु म़वाङाखाराहिदा काछेक्‌चि म़छेक्‍तुखात्‍तुचि, खोन्‍कि म़नाचि आसिखा म़प़चि।”

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

कलस्‍सि 1:16

देकिनालो निनाम्‍मादुओ खोन्‍कि हेन्‍खामादाओ, म़दात्‌याङ्‌ओ खोन्‍कि ऩदात्‍निनिन्‌ओ झारा सामाचि खोक्‍कोलाम्‍पाङा म़मुयाओ। लावामि सावाचि, हाङ्‌युङ्‌मिताङ्‌चि, हाङ्‌काचि कामुचि, खोन्‍कि पाङ्‌चि, ओ झारा य़ङ्‌चि खोक्‍कोलाम्‍पा खोन्‍कि खोसोओ निम्‍पाङ अ़मुयाओ।

कलस्‍सि 2:10

खोन्‍कि खानानिन ख्रिस्‍तआ त़भेप्‍तिन्‌युङ्‌सिन। खोक्‍कोङा झारा हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचिओ अ़चुछोङ म़युङ्‌याङ।

हिब्रु 2:14

मो छाचिएदा सा खोन्‍कि ह़ओ पोक याक्‌याङ्‌ओसा, येसुछाङ सा खोन्‍कि ह़ओ पोक म़लिसा। मोवात्‍नि खोक्‍कोसोओ अ़चुस़मालाम्‍पा स़मा सावाकातोक मो सैताना खोक्‍कोसाआ लुक्‍मा अ़ऱने।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।

खाङ्‌मुमा 20:10

मोचि काधान मो सैताना लेराङाओ गन्‍दक्‌ओ मिराक्‌दा वेइसादिसा, मोदा मो साक्‍स़ङ खोन्‍कि सोज्‍जेओ निनाम्‍हाङ्‌य़ङ खाकालुछाङ याआङा। मोदा मोचिआ अ़खोलेन अ़खाखुत अ़धुन्‌ङा दुखा अ़आङ्‌युङ।