कलस्‍सि 2:1 - बान्‍तावा राई

¹ अ़नुछ्‍याङा आम्‍नुओ निम्‍पाङ, लाउदिकियादाओ साम्‍भुङ्‌ओ निम्‍पाङ, खोन्‍कि अ़ङ्‌का मान्‍सिन्‍कादा झारासोओ निम्‍पाङ अ़ङ्‌का देम चात्‍लो दुखा मुवाङ्‌युङ्‌साङ्‌ओ खानानिन त़सिन्‍तुम्‍नेनि अ़ङ्‌का मिन्‍ङा।

कलस्‍सि 2:1 ပူးပေါင်းရင်းမြစ်များ

लुका 22:44

खोन्‍कि अ़न्‍नुनु चाअ़त्‍लो अ़चुमिन्‍मा तुआकि येसु अ़क्‍चित क़न्‍नान्‍चिन्‍सा याम़मारा। खोक्‍कोसोओ अ़चुहाक्‍नुङ्‌वा ह़ओ अ़चोक्‌वात्‍नि लिसाकि बाखादा चोक्‍ताङा।

छाम्‍माय़ङ 20:25

हान एनानुम, अ़ङ्‌का निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खाएत्‌याङ्‌सा झारासो आम्‍नुओ रादा कोलाङ्‌युङ्‌साङ, अ़ङ्‌का सिन्‍तुङ्‌योङ, खानानिन अ़ङ्‌का देम्‍खाछाङ त़लाऩङ्‌खाङ्‌ऩङ्‌ऩम़ङ।

छाम्‍माय़ङ 20:38

“अ़ङ्‌का देम्‍खाछाङ त़लाऩङ्‌खाङ्‌ऩङ्‌ऩम़ङ”नि य़ङाओदा मोचि चाअ़त्‍लो अ़चुमिन्‍मा तुआ। खोन्‍किना मोचिआ खो वाप्‍तेलायुतारि अ़छोङ्‌सादा।

गलाति 4:19

सोमातुक्‍निङ्‌निओ अ़ङ्‌छाचि ओ, ख्रिस्‍तओ अ़चुच़माथाङ्‌मा खानानिन्‌एदा मान्‍पोन्‌युक्‌तारि हान्‍छाङ छातोक्‍मा सारिमाआ लाउओ अ़क्‍छा मेत्‍छामावात्‍नि अ़ङ्‌का दुखा तोक्‍ङा।

फिलिप्‍पि 1:30

खोन्‍कि मो मुमा खानानिन्‌आ अ़ङ्‌काएदा त़खाम, खोन्‍कि अ़ङ्‌काएदा युङ्‌याङ निकिना आइमित त़एनुम्‌योम, मो य़ङ्‌दाङा खानानिन त़वाङिन्‌युङ्‌सिन।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

कलस्‍सि 2:5

पोक्‌दा अ़ङ्‌का अ़थादा युङ्‌ङाङानुछाङ लावादा ना अ़ङ्‌का खानानिन्‌एनान युङ्‌ङाङा। खानानिन देत्‍नि ह़ङ्‌मादोरा, मोवात्‍नि त़ह़ङिन्‌येन्‌ओ खोन्‍कि ख्रिस्‍तएदाओ आम्‍नुओ साकोङ्‌छ़ङ नुलोक मुयाङ्‌ओ अ़ङ्‌का तुप्‍तुङ्‌किना ब़द्‍धे अ़ङ्‌ऩङानुवायुङ्‌सा।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

हिब्रु 5:7

येसु अ़चुपोक्‌दा म़युङाङाहिदा खोक्‍को स़मादाङ्‌का साङ्‌आ लेन्‍मा अ़ऱ, खोक्‍कोएदा अ़न्‍नुनु पात्‌याङ्‌सा खोन्‍कि अ़चुम़क्‌वाएनान याम़मारा। खोन्‍किना खोक्‍कोसाआ सिम्‍नान्‍चिन्‍सा निनाम्‍हाङ साया अ़मेत्‍ताओसाआ अ़चुयामात्‍मा अ़एना।

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”