कलस्‍सि 1:22 - बान्‍तावा राई

²² मेन खोक्‍कोसोओ अ़चुछाओ अ़चुपोक्‌ओ हेन्‍खोक्‌वालाम्‍पा निनाम्‍हाङ्‌ओ अ़चुयावा ऩमुन्‌युङ्‌सिन। खोन्‌ओसा ख्रिस्‍तआ खानानिन निनाम्‍हाङ्‌ओ अ़चुबुदा ऩतारिन्‌हिदा सेङ्‌लो, थुपि मात्‍द़ङ्‌ओ खोन्‍कि मान्‍फिकादा त़लिसिन्‍ने।

कलस्‍सि 1:22 ပူးပေါင်းရင်းမြစ်များ

लुका 1:75

मोवात्‍नि आन्‍कान ह़ङिन्‌येन्‌ओन खोक्‍कोसोओ अ़चुबुदा सेङ्‌लो खोन्‍कि साम्‌योक काचि मुयाङ्‌सा ह़ङिन्‌येन्‌ओन खोक्‍को ब़क्‍मा ऱम्‍ने।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

२ कोरिन्‍थि 11:2

निनाम्‍हाङ्‌वात्‍निङा अ़ङ्‌का खानानिन खाङ्‌नायुङ्‌नानिन। अ़क्‍छा खिम्‍हाङ्‌पाओ सेङ्‌याङ्‌ओ वारिसावात्‍नि खानानिन खाङ्‌मुमाओ निकि अ़ङ्‌का ख्रिस्‍तओ निम्‍पाङ खानानिन दोत्‍नाप़नायुङ्‌नानिन।

२ कोरिन्‍थि 4:14

आन्‍कान्‍का सिन्‍तुम्‌योम्‍का, हाङ्‌पा येसु अ़ह़ङ कामुआ, आन्‍कान्‍काछाङ येसुएनान अ़ह़ङ ऩमुन्‍का, खोन्‍कि खोक्‍कोसाआङा आन्‍कान्‍का खानानिन्‌एनान खोक्‍कोसोओ अ़चुबुदा ऩतारिन्‍का।

२ कोरिन्‍थि 5:18

ओ झारा निनाम्‍हाङ्‌एदाङ्‌का ओ। खोक्‍कोसाआ आन्‍कान ख्रिस्‍तलाम्‍पा खोक्‍कोएनान म़लासातोङ्‌सा, खोन्‍कि आन्‍कान्‍का नि म़नाचिएनान खोक्‍कोएदा लामातोङ्‌माओ काचि ऩप़न्‍का।

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 5:27

खोन्‍कि खोक्‍कोसाआ थुपि मात्‍द़ङ्‌ओ खोन्‍कि मान्‍चुन्‌युक्‍तुओ माङ्‌लो दियाकोछाङ मान्‍फिकादा साम्‍स़रिओ साम्‍भुङ खोक्‍कोसाआ आप्‍पि खाङ्‌मुमा निम्‍पाङ ओ, खोन्‍किना मो सेङ्‌याङ्‌ओ खोन्‍कि थुपि मात्‍द़ङ्‌ओ लिने।

कलस्‍सि 1:28

ख्रिस्‍त कात़ङ झारा म़नाचि आन्‍कान्‍का निनाम्‍हाङ्‌ओ अ़चुबुदा खात्‍तुम्‌योम्‍च़म्‍काहिदा खोचि म़पोन्‍चिन्‍ने निकिना आन्‍कान्‍का झारा म़नाचि चाप्‍चेत्‌याङ्‌सा खोन्‍कि झारा खारुदा चिन्‌याङ्‌सा ख्रिस्‍तओ अ़तुक्‌वादा खालुसुम्‍का।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 10:10

खोन्‍कि मो निनाम्‍हाङ्‌ओ अ़चुमिन्‍मावात्‍नि येसु ख्रिस्‍तआ अ़चुपोक्‌ओ हेन्‍खोक्‌वालाम्‍पा अ़धुन्‌ओ निम्‍पाङ आन्‍कान म़सेङ्‌सायुङ्‌सा।

हिब्रु 10:20

खोक्‍कोसोओ अ़चुस़मालाम्‍पा आन्‍को निम्‍पाङ अ़क्‌तात अ़ऩङ्‌वा लाम म़होत्‍तापुवायुङ्‌सा मोसाआ ह़ङ्‌म़ङ्‌दा म़तित। ओ लाम्‌आ आन्‍कान थेम्‍खातित लियाङ्‌सा तोक्‍पो सेङ्‌याङ्‌ओदा म़तात्‍ला।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।