कलस्‍सि 1:2 - बान्‍तावा राई

² कलस्‍सेदा कायुङ निनाम्‍हाङ्‌ओ अ़चुम़नाचि खोन्‍कि ख्रिस्‍त मान्‍छित्‍माङ कात़ङ्‌युङ्‌चिएदा ओ छाप्‍लावा छाप्‍चुङ्‌चुवा। आन्‍पापा निनाम्‍हाङ्‌आ खानानिन सोम्‍तुक्‍मा खोन्‍कि सेवाङ्‌नि ऩमुन्‍ने।

कलस्‍सि 1:2 ပူးပေါင်းရင်းမြစ်များ

छाम्‍माय़ङ 9:13

मेन हननियाआ लासुलो, “हाङ्‌पो, मो म़नाआ यरुसलेम्‌दाओ आम्‍नुओ म़नाचि च़लोक अ़त्‍लो मुचिओ अ़ङ्‌का ब़द्‍धेकापाङ्‌दाङ्‌का ओसोओ अ़तुक्‌वादा एनुङ्‌युङ्‌सुङ।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

१ कोरिन्‍थि 1:2

अ़ङ्‌का ओ छाप्‍लावा खानानिन कोरिन्‍थ सहरादा कायुङ निनाम्‍हाङ्‌ओ अ़चुसाम्‍भुङ्‌चिदा छाप्‍नाङ्‌नानिन। खानानिन निनाम्‍हाङ्‌आ अ़चुओ म़सेङ्‌याङ्‌ओ म़नाचि लिसि ऩबुत्‍तिन। हाङ्‌पा येसु ख्रिस्‍तओ अ़चुऩङ काबुत झारादात्‍निओ म़नाचि खोक्‍कोसाआ म़सेङ्‌सुचिओवात्‍नि खानानिन्‌छाङ ख्रिस्‍त येसुलाम्‍पा सेङ्‌लो ऩमुन्‌युङ्‌सिन। येसुङा मोचिओ खोन्‍कि आन्‍हाङ्‌पा म़युङ्‌याङ।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

गलाति 1:3

निनाम्‍हाङ पापा खोन्‍कि आन्‍हाङ्‌पा येसु ख्रिस्‍तदाङ्‌का खानानिन सोम्‍तुक्‍मा खोन्‍कि सेवाङ्‌नि लिसानिन।

गलाति 3:9

खोन्‌ओसा साकोङ्‌छ़ङ कामु म़नाचिआ साकोङ्‌छ़ङ कामु अब्राहाम्‌एनान अ़क्‍नि आसिखा अ़तोक।

एफिसि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

एफिसि 6:21

अ़ङ्‌का दियाको मुङाङा खोन्‍कि दे च़ङाङा, मो खानानिन्‌आछाङ त़सिन्‍तुम्‍ने निकिना सोमातुक्‍तुङ्‌योङ्‌ओ निछा खोन्‍कि हाङ्‌पाएदा सोम्‍कुवा मुमा खान्‍तुओ हाङ्‌पाओ काचि कामु तुखिकस्‌आ झारा य़ङ्‌चि खानानिन खात़एत्‍तिन।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

१ पत्रुस 1:2

निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।

२ पत्रुस 1:2

निनाम्‍हाङ्‌ओ खोन्‍कि आन्‍हाङ्‌पा येसुओ अ़चुतायादा सोमातुक्‍मा खोन्‍कि सेवाङ्‌नि खानानिन्‌एदा च़लोक पोन्‌याङ्‌सा खात्‍ने।

यहुदा 1:2

सोमातुक्‍मा खोन्‍कि सेवाङ्‌नि खानानिन्‌एदा च़लोक पोन्‌याङ्‌सा खात्‍ने।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।