कलस्‍सि 1:16 - बान्‍तावा राई

¹⁶ देकिनालो निनाम्‍मादुओ खोन्‍कि हेन्‍खामादाओ, म़दात्‌याङ्‌ओ खोन्‍कि ऩदात्‍निनिन्‌ओ झारा सामाचि खोक्‍कोलाम्‍पाङा म़मुयाओ। लावामि सावाचि, हाङ्‌युङ्‌मिताङ्‌चि, हाङ्‌काचि कामुचि, खोन्‍कि पाङ्‌चि, ओ झारा य़ङ्‌चि खोक्‍कोलाम्‍पा खोन्‍कि खोसोओ निम्‍पाङ अ़मुयाओ।

कलस्‍सि 1:16 ပူးပေါင်းရင်းမြစ်များ

युहन्‍ना 1:10

मो य़ङ हेन्‍खामादा म़युङाङा, खोन्‍कि मो हेन्‍खामा खोक्‍कोसाआङा अ़मुया। खोन्‍नुछाङ हेन्‍खामादाओ म़नाचिआ खोक्‍को मान्‍सिन्‌अ़दा।

युहन्‍ना 1:3

झारा सामा खोक्‍कोसाआ अ़मुया, खोन्‍कि मुयाओ खाक्‍कोछाङ सामा खोक्‍को मात्‍द़ङ मान्‍मुन।

रोमि 11:36

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

रोमि 8:38

देकिनालो अ़ङ्‌का ओ अ़नुछ्‍या सिन्‍तुङ्‌योङ, ना स़माआ ना ह़ङ्‌म़ङ्‌आ ना निनाम्‍हाङ काफाचिआ ना अ़खान्‍मिन्‌ओ सावाचिआ, ना आइमित्‌ओ य़ङ्‌चिआ ना माय़ङ म़ताओ य़ङ्‌चिआ, ना हेन्‍खामादाओ खाक्‍कोछाङ सावाचिआ,

रोमि 9:5

अ़चुसुन्‍तुम्‌चि अब्राहाम, इसाक खोन्‍कि याकुब ओ। खोन्‍कि ख्रिस्‍त्‌छाङ पोक्‌दा मोचिओ अ़चुरावा ओ। झारादाङ्‌का तोक्‍पो निनाम्‍हाङ्‌ओ अ़धुन अ़चुऩङ चोन्‍ने! मोवात्‍निङा लिने।

१ कोरिन्‍थि 8:6

मेन आन्‍को निम्‍पाङ अ़क्‍छा ओन्‍ङा निनाम्‍हाङ पापा म़युङ्‌याङ। खोक्‍कोङा झारासोओ कामुन्‍पा म़युङ्‌याङ खोन्‍कि खोक्‍कोसोओ निम्‍पाङ आन्‍कान ह़ङिन। अ़क्‍छा ओन्‍ङा आन्‍हाङ्‌पा, येसु ख्रिस्‍त म़युङ्‌याङ। खोक्‍कोलाम्‍पाङा झारा य़ङ्‌चि अ़मुया खोन्‍कि खोक्‍कोलाम्‍पाङा आन्‍कान ह़ङिन।

एफिसि 1:10

ग़रि तालाकिना निनाम्‍मा खोन्‍कि हेन्‍खामादाओ झारा य़ङ्‌चि ख्रिस्‍तओ अ़चुपाङ्‌दा म़ता।

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

फिलिप्‍पि 2:10

मोवात्‍नि निनाम्‍मादु, हेन्‍खामादा माङ्‌लो हेन्‍खामा हुत्‌युओ झारासाआ, येसुओ अ़चुऩङ्‌दा अ़चुतुम्‍प़छ़क तोम्‍मादोत,

कलस्‍सि 1:15

ख्रिस्‍त अ़दात्‍निन्‌ओ निनाम्‍हाङ्‌ओ दात्‌ओ अ़चुकात्‍मा खोन्‍कि झारा मुन्‍माय़ङ्‌चिओदाङ्‌का बुयाङा म़युङाङा। खोन्‍कि खोक्‍को झारादाङ्‌का तोक्‍पो म़मुवाङा

कलस्‍सि 1:20

खोन्‍कि निनाम्‍हाङ्‌आ अ़चुछालाम्‍पा क्रुस्‌दाओ हेन्‍खोक्‌वाआ सेवाङ्‌नि अ़मुवाकि हेन्‍खामादाओने कि निनाम्‍मादुओङाने, खोक्‍कोलाम्‍पाङा झारा य़ङ्‌चि खोक्‍कोएदा तोङ्‌सि म़तारुचि।

कलस्‍सि 2:10

खोन्‍कि खानानिन ख्रिस्‍तआ त़भेप्‍तिन्‌युङ्‌सिन। खोक्‍कोङा झारा हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचिओ अ़चुछोङ म़युङ्‌याङ।

कलस्‍सि 2:15

निनाम्‍हाङ्‌आ हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचि अ़चुसावा मात्‍द़ङ्‌ओ म़मुचिकि क्रुस्‌दा म़छोसाकि झारासोओ अ़चुबुदा लेजो म़मेत्‍तुचि।

हिब्रु 1:2

मेन ओ आदेङ्‌ओ लेन्‍चिदा खोक्‍को अ़चुछालाम्‍पा आन्‍कान्‌एनान म़चेवायुङ्‌सा। अ़चुछाङा खोक्‍कोसाआ झारा य़ङ्‌चिओ पाङ्‌यि कातोक अ़मुवायुङ्‌सा, खोक्‍कोलाम्‍पाङा हेन्‍खामाछाङ अ़मुया।

हिब्रु 2:10

झारा सामाचि निनाम्‍हाङ्‌आ अ़मुया ओ, खोन्‍कि मोचि निनाम्‍हाङ्‌ओङा ओ। ब़द्‍धे म़नाचि साम्‌दा तात्‍मा निम्‍पाङ निनाम्‍हाङ्‌आ येसु स़मा आङ्‍अ़मेत्‍ताकि अ़च़क़ल़क अ़मुवाओ तोङा। देकिनालो म़नाचि लेन्‍मादा कातित येसुङा ओ।

१ पत्रुस 3:22

खोक्‍को निनाम्‍मादु म़खारायुङ्‌सा खोन्‍कि निनाम्‍हाङ काफाचि, पाङ्‌चि खोन्‍कि सावाकातोक लावाचि म़क़म्‍तुचि खोन्‍कि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़युङ्‌याङ।