कलस्‍सि 1:15 - बान्‍तावा राई

¹⁵ ख्रिस्‍त अ़दात्‍निन्‌ओ निनाम्‍हाङ्‌ओ दात्‌ओ अ़चुकात्‍मा खोन्‍कि झारा मुन्‍माय़ङ्‌चिओदाङ्‌का बुयाङा म़युङाङा। खोन्‍कि खोक्‍को झारादाङ्‌का तोक्‍पो म़मुवाङा

कलस्‍सि 1:15 ပူးပေါင်းရင်းမြစ်များ

युहन्‍ना 1:1

अ़पुङ्‌चिपुक्‌दा य़ङ म़युङाङा। मो य़ङ निनाम्‍हाङ्‌एनान म़युङाङा, खोन्‍कि मो य़ङ निनाम्‍हाङ्‌ङा ओ।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

युहन्‍ना 14:9

येसुआ अ़लासालोवा, “फिलिप, ओन्‌तारि अ़ङ्‌का खानानिन झाराएनान युङ्‌ङाङा खोन्‍नुछाङ खाना अ़ङ्‌का त़सिन्‍ऩङ? साङ्‌आ अ़ङ्‌का अ़खाङ्‌युङ्‌साङ, मोसाआ अ़ङ्‌पापा खायुङ्‌सु, मेन देकि खाना त़य़ङ्‌याङ, ‘आन्‍कान्‍का पापा निनाम्‍हाङ खाङ्‌मेत्‍नि’?

युहन्‍ना 15:24

साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

फिलिप्‍पि 2:6

ख्रिस्‍त अ़नुछ्‍याङा निनाम्‍हाङ म़मुवाङानुछाङ, खोक्‍कोसाआ निनाम्‍हाङ्‌एनान अ़क्‍निवा लिमा अ़क्‌तात लाप्‍मायुङ्‌मादोत्‌ओ सामावात्‍नि मान्‍मित्‌अ़दा।

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

१ तिमोथि 6:16

खोक्‍को ओन्‍ङा अ़धुन काह़ङ्‌युङ म़युङ्‌याङ, खोन्‍कि खोक्‍को साम्‌दा म़याक, खोक्‍कोसोओ अ़चुसाम्‌दा साङ्‌छाङ खात्‍मा अ़ऱन्‍मिन। खोक्‍को साङ्‌आछाङ देम्‍खाछाङ मान्‍खाङ्‌युक्‍तु माङ्‌लो साङ्‌आछाङ खोक्‍को खाङ्‌मा अ़ऱन। खोक्‍कोसोओ अ़चुसाऩङ्‌वा लिने खोन्‍कि खोक्‍को अ़धुन सावापोरिओ म़मुने! मोवात्‍निङा लिने।

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

हिब्रु 1:6

निनाम्‍हाङ्‌आ बुया लिसाओ अ़चुछा हेन्‍खामादा अ़ताराहिदा खोक्‍को म़य़ङा, “निनाम्‍हाङ्‌ओ झारा अ़चुकाफाचिआ खोक्‍कोङा अ़ब़क्‍ने।”

हिब्रु 11:27

हाङ्‌ओ अ़माइसुङ्‌दा मान्‍क़माङ साकोङ्‌छ़ङ्‌लाम्‍पा खोसाआ मिस्र हेन्‍कोप छिरुदो। देकिनालो खोसाआ अ़दात्‍निन्‌ओ निनाम्‍हाङ खान्‌वात्‍नि खो लामान्‍चिन छुन्‍ता।

खाङ्‌मुमा 3:14

लाउदिकियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान आमेन निओदाङ्‌का ओ, साङ सोम्‍कुवा मुमा खान्‍तुओ अ़छ़ङ सालुम्‍स़ङ काप़पा खोन्‍कि निनाम्‍हाङ्‌ओ अ़चुमुन्‍माय़ङ्‌चिदाओ हाङ्‌काचि कामुदाङ्‌का ओ।