छाम्‍माय़ङ 9:30 - बान्‍तावा राई

³⁰ मेन हाङ्‌पाएदा साकोङ्‌छ़ङ कामुचिआ मो य़ङ्‍ओ अ़तुक्‌वादा अ़सिन्‍तातोक्‍ताकि खो कैसरिया सहराह्‍युत्‍नि अ़धान्‍ता, खोन्‍कि मोदाङ्‌का तार्सस सहराह्‍यात्‍नि खो अ़छुत्‍ताखाइसा।

छाम्‍माय़ङ 9:30 ပူးပေါင်းရင်းမြစ်များ

मत्‍ति 10:23

मोचिआ खानानिन अ़क्‌तात सहरादा दुखा ऩप़न्‌हिदा खानानिन नि सहरादा फुङ्‌सानिन। देकिनालो अ़नुछ्‍या अ़ङ्‌का खानानिन लोनानिन, म़नाओ अ़छा तामा बुया खानानिन्‌आ इस्राएल्‌दाओ झारा सहराचिदा आम्‍नुओ काचि त़मुन्‍चिइमिन।

मत्‍ति 16:13

येसु कैसरिया फिलिप्‍पि धिखाहुप्‌दा म़ताला, मोदा खोक्‍कोसाआ अ़चुकाखेङ्‌पाचि म़सेनुचि, “म़नाचिआ म़नाओ अ़छा साङ्‌नि अ़लोयाङ?”

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

छाम्‍माय़ङ 11:25

खोन्‍किना बारनाबास सावल लाम्‍सि तार्सस सहराह्‍यात्‍नि खारा।

छाम्‍माय़ङ 17:10

साकोङ्‌छ़ङ कामुचिआ खाखुत्‍ताङावा पावल खोन्‍कि सिलास बेरिया सहरादा म़छुत्‍तुखाइसुचि। खोन्‍कि मोदा तालाचिकि खोचि यहुदिचिओ अ़चुयावायोक्‍खिम्‌दा खाराचि।

छाम्‍माय़ङ 17:15

पावल छोङ्‌दासि काखात्‌चिआ खो एथेन्‍स सहरादातारि अ़छोङ्‌सादा। खोन्‍किना पावल्‌आ “सिलास खोन्‍कि तिमोथि ऱचि ओन च़क्‍नि बान्‍चिने”नि छोङ्‌सि काखात्‌चि लोबाइसुचि।

छाम्‍माय़ङ 28:14

मोदा आन्‍कान्‍का अ़क्‍चित्‌कापाङ हाङ्‌पा येसुएदा साकोङ्‌छ़ङ कामुचि धिरुम्‍च़म्‍का। आन्‍कान्‍का खोचिएनान अ़क्‍साता युङ्‌सि ऩबुत्‍तिन्‍का। खोन्‍किना आन्‍कान्‍का रोम सहराह्‍यात्‍नि खारिन्‍का।

छाम्‍माय़ङ 8:40

मेन फिलिप अस्‍दोद सहरादा तालाओ सिन्‍तान्‍चिन। खोन्‍कि खो कैसरिया सहरादा मान्‍तालायुक्‍तातारि झारा सहराचिदा नुय़ङ्‌खान खालुयाङ्‌सा खारा।

छाम्‍माय़ङ 9:11

खोन्‍कि हाङ्‌पाआ खो अ़लोवा, “पुवालोन्‍ताकि द़क्‍बानिओ अ़धिवा लाम्‌दा खारा, खोन्‍कि यहुदाओ अ़खिम्‌दा सावल अ़ऩङ मुयाङ्‌ओ तार्सस सहरादाओ अ़क्‍छा म़ना सेनु, देकिनालो खो ओन्‍ग़रि यामात्‌याङ।

गलाति 1:21

खोन्‍किना अ़ङ्‌का सिरिया खोन्‍कि किलिकियाओ धिखाहुप्‌चिदा खाराङ।