छाम्‍माय़ङ 9:29 - बान्‍तावा राई

²⁹ सावल ग्रिक य़ङ काचेप यहुदिचिएनान चेप्‌याङ्‌सा दुम्‍तुसा, खोन्‌ओसा मोचिआ खो सेत्‍मा अ़लाप्‍ताङा।

छाम्‍माय़ङ 9:29 ပူးပေါင်းရင်းမြစ်များ

छाम्‍माय़ङ 11:20

मेन मोचिएदा खा-खाक्‍को साइप्रस खोन्‍कि कुरेनिदाओ साकोङ्‌छ़ङ कामुचि एन्‍तिओखियादा म़खाराकि ग्रिक्‌चिछाङ हाङ्‌पा येसुओ अ़चुनुय़ङ्‌खान खाम़एत्‍तुचि।

छाम्‍माय़ङ 17:17

खोन्‌ओसा यहुदिचिओ यावायोक्‍खिम्‌दा खाराकि यहुदिचि खोन्‍कि निनाम्‍हाङ काब़क ग्रिक्‌चिएनान खोन्‍कि अ़लेन्‍खिन्‍तुम हाता रादा तुउचिओ झारा म़नाचिएनान्‌छाङ खो दुम्‍तुसायुङ्‌साङा।

छाम्‍माय़ङ 18:19

मोचि एफिसस सहरादा म़तालाकिना पावल्‌आ प्रिस्‍किला खोन्‍कि अकिलास वाप्‍तेला नान्‍खादाङा छिरुदोचि। खोन्‍किना पावल यहुदिचिओ अ़चुयावायोक्‍खिम्‌दा वाङाकि मोचिएनान दुम्‍तुमा पुक्‍तु।

छाम्‍माय़ङ 19:8

खोन्‍किना पावल यहुदिचिओ अ़चुयावायोक्‍खिम्‌दा खाराकि यहुदिचिएनान सुम्‌कादोङ्‌वात्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा राक्‌एनान दुम्‍चामेत्‌याङ्‌सा दुम्‍तुसा।

छाम्‍माय़ङ 22:18

हाङ्‌पा अ़ङ्‌काएदा म़चेवा। ‘हेङाकि यरुसलेम च़क्‍नि छिरुदो, देकिनालो अ़ङ्‌तुक्‌वादा त़प़ओ आम्‍सालुम्‍स़ङ ओदाओ म़नाचिआ साकोङ्‌छ़ङ ऩमुन।’

छाम्‍माय़ङ 6:1

मो लेन्‍चिदा ख्रिस्‍त काखेङ्‌चिओ अ़चुखिप्‍मा च़लोक पोन्‌याङ्‌सा खाराङा। खोन्‍कि हिब्रु य़ङ काचेप साकोङ्‌छ़ङ कामु यहुदिचिओ अ़चुदेङ्‌सालाप्‍पादा ग्रिक य़ङ काचेप साकोङ्‌छ़ङ कामु यहुदिचि छुऩङ्‌वा म़मुवा, देकिनालो अ़लेन्‍खिन्‍तुम चामायु अ़हासाङाहिदा ग्रिक य़ङ काचेप यहुदिचिओ अ़चुमेन्‍मित्‍माचिआ तोक्‍मा दोराङाओ ओन चामायु मान्‍तोक्‌अ़दाङा।

छाम्‍माय़ङ 9:27

मेन बारनाबास्‌आ सावल छाम्‍माय़ङ्‌चिएदा खात्‍तु। खोन्‍कि सावल्‌आ लाम्‌दा येसु देत्‍नि खाओ, खोन्‍कि हाङ्‌पा खोएनान म़हान्‍ताओ, खोन्‍कि खो दमस्‍कस्‌दा राक्‌एनान येसुओ अ़चुतुक्‌वादा खालुसुओ य़ङ मोचि खाएत्‍तुचि।

छाम्‍माय़ङ 9:28

खोन्‍किना सावल काखेङ्‌चिएनान अ़क्‍नि युङाकि झारा यरुसलेम्‌दा राक्‌एनान हाङ्‌पा येसुओ अ़चुतुक्‌वादा नुय़ङ्‌खान खालुवायुङ्‌साङा।

२ कोरिन्‍थि 11:26

अ़ङ्‌का अ़दु-अ़दु अ़ङ्‌कोन्‍खादा याङ्‌वामाचिओ क़मादा, काङाप्‌चिओ क़मादा, यहुदि आप्‍पि अ़ङ्‌म़नाचिदा खोन्‍कि निरावाचिओ क़मादा छुक्‍मादोरा। मोवात्‍निङा अ़ङ्‌ह़ङ्‌म़ङ सहराओ क़मादा, लेक्‍लेक्‍लेक्‌वाओ क़मादा, धियाङ्‌वामाओ क़मादा, सोज्‍जेओ ब़ब़, नाना खोन्‍कि निछाचिएदाङ्‌काओ क़मादा छुक्‍ताङ।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।

यहुदा 1:9

मेन अ़धिवा निनाम्‍हाङ काफा मिखाएल्‌आछाङ निनाम्‍हाङ्‌य़ङ खाकालु मोसाओ अ़स़पोक्‌ओ अ़तुक्‌वादा सैतानाएनान दुम्‍तुसाङाचिहिदा मोसोओ अ़देङ्‌सालाप्‍पादा सुङ्‌याङ्‌सा लाहिपाक्‍मा राक मान्‍मु, मेन खोसाआ “निनाम्‍हाङ्‌आ खाना ऩरेन्‍ने”नि लो।