छाम्‍माय़ङ 9:27 - बान्‍तावा राई

²⁷ मेन बारनाबास्‌आ सावल छाम्‍माय़ङ्‌चिएदा खात्‍तु। खोन्‍कि सावल्‌आ लाम्‌दा येसु देत्‍नि खाओ, खोन्‍कि हाङ्‌पा खोएनान म़हान्‍ताओ, खोन्‍कि खो दमस्‍कस्‌दा राक्‌एनान येसुओ अ़चुतुक्‌वादा खालुसुओ य़ङ मोचि खाएत्‍तुचि।

छाम्‍माय़ङ 9:27 ပူးပေါင်းရင်းမြစ်များ

छाम्‍माय़ङ 11:22

ओ य़ङ्‌खान यरुसलेम्‌दाओ साम्‍भुङ्‌दा म़नाचिआ अ़एना, खोन्‍कि मोचिआ बारनाबास एन्‍तिओखियादा अ़छुत्‍ताखाइसा।

छाम्‍माय़ङ 11:25

खोन्‍किना बारनाबास सावल लाम्‍सि तार्सस सहराह्‍यात्‍नि खारा।

छाम्‍माय़ङ 12:25

बारनाबास खोन्‍कि सावल्‌आ अ़चुकाचि अ़चिआचुकि यरुसलेम्‌दाङ्‌का एन्‍तिओखिया लासाचि। खोचिआ युहन्‍नानि लोवाङाओ मर्कुस्‌छाङ खोचिएनान अ़खात्‍ताचु।

छाम्‍माय़ङ 13:2

मोचिआ हाङ्‌पा ब़क्‌याङ्‌सा खोन्‍कि मान्‍चामाङ म़युङाङाओ ग़रि सेङ्‌लावाआ मोचि लोचि, “खाक्‍को काचिओ निम्‍पाङ बारनाबास खोन्‍कि सावल अ़ङ्‌का बुत्‍तुङ्‌युङ्‌सुङ्‌च़ङ, मो काचिदा पाआनुम्‍च़म।”

छाम्‍माय़ङ 15:2

पावल खोन्‍कि बारनाबास मो य़ङ्‌दा मोचिएनान मान्‍तोङ्‌चिकि चाअ़त्‍लो दुम तुसाचि। खोन्‌ओसा मोदाओ साकोङ्‌छ़ङ कामुचिआ आदेङ पावल खोन्‍कि बारनाबास्‌किना निचिछाङ ओ सेन्‍माय़ङ्‌ओसो अ़तुक्‌वादा छाम्‍माय़ङ्‌चि खोन्‍कि ताङ्‌पाचिएनान यायोक्‍सि यरुसलेम खान्‍माचि निकिना म़छेन्‍तुचि।

छाम्‍माय़ङ 4:13

यहुदि बुसुवाचिआ पत्रुस खोन्‍कि युहन्‍ना मान्‍खिप्‍चिओ खोन्‍कि ताक्‍पेत्‍निओनि म़सिन्‍तुचि। मोवात्‍नि खोचिओ अ़चुराक अ़खाकिना मोचि दोम्‍तुदोचि। खोन्‍कि मोचि बुयादाङ्‌का येसुएनान अ़क्‍नि म़युङाङाओ खोचिआ म़सिन्‍तुचि,

छाम्‍माय़ङ 4:29

खोन्‍कि हान हाङ्‌पो, मोचिओ अ़चुदुङ्‌तिम एन्‍निप़नि। खोन्‍कि आन्‍कान्‍का आम्‍नुओ हारुक्‌चि आम्‍नुओ य़ङ राक्‌एनान खालुमा सावा प़नि।

छाम्‍माय़ङ 4:36

साइप्रस खाम्‍दाक्‌दाओ अ़क्‍छा लेबि भुङ्‌दाओ योसेफ अ़ऩङ मुवाङाओ म़ना युङाङा। छाम्‍माय़ङ्‌चिआ खो बारनाबास्‌नि अ़ऩङ अ़वात्‍ता, मोसोओ अ़तुप्‍माय़ङ राक काप़।

छाम्‍माय़ङ 9:17

खोन्‍किना हननिया खाराकि यहुदाओ अ़खिम्‌दा वाङा। खोन्‍कि सावल्‌एदा अ़छुक युङ्‌सुकि लो, “सावल निछा, हाङ्‌पा येसु खाना त़बानाङाओ लाम्‌दा खानाएदा खाङ्‌म़मुसान्‍चिन, खोसाआङा अ़ङ्‌का खाना लामाखाखाङ्‌मा त़ऱने खोन्‍कि सेङ्‌लावाआ त़भेप्‍ने निकिना अ़ङ्‌का ऩछुत्‍ताङ्‌युङ्‌साङ।”

छाम्‍माय़ङ 9:29

सावल ग्रिक य़ङ काचेप यहुदिचिएनान चेप्‌याङ्‌सा दुम्‍तुसा, खोन्‌ओसा मोचिआ खो सेत्‍मा अ़लाप्‍ताङा।

१ कोरिन्‍थि 15:8

खोन्‍कि झारादाङ्‌का आदेङ अ़ग़रि मान्‍तामाङ पुक्‍तान्‍चिन्‌ओ म़नावाको अ़ङ्‌काएदाछाङ खोक्‍को खाङ्‌म़मुसान्‍चिन।

१ कोरिन्‍थि 9:6

माङ्‌लो दि अ़ङ्‌का खोन्‍कि बारनाबास्‌आ ओन्‍ङा ह़ङ्‌माओ निकिना काचि मुमादोत्‌ओ कि?

गलाति 2:13

खोन्‍कि नि यहुदिचिछाङ खोसोओ अ़कोङ्‌क़त्‌वादा म़वाङा। खोन्‌ओसा मोचिओ अ़चुकोङ्‌क़त्‌वाआ बारनाबास्‌छाङ धा।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।