छाम्‍माय़ङ 9:23 - बान्‍तावा राई

²³ ब़द्‍धेकालेन खाराकिना सावल सेत्‍मा निकि यहुदिचि थालि म़बाङ्‌ता।

छाम्‍माय़ङ 9:23 ပူးပေါင်းရင်းမြစ်များ

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 14:2

मेन साकोङ्‌छ़ङ मान्‍मुकादा यहुदिचिआ निरावाचि म़थेन्‍तुचिकि हाङ्‌पाएदा साकोङ्‌छ़ङ कामुचिओ अ़चुदेङ्‌सालाप्‍पादा अ़चुमिन्‍मा अ़त्‍लो म़मेत्‍तुप़चि।

छाम्‍माय़ङ 15:26

बारनाबास खोन्‍कि पावल आन्‍हाङ्‌पा येसु ख्रिस्‍तओ निम्‍पाङ स़माछाङ मान्‍क़चिङ्‌चि।

छाम्‍माय़ङ 20:3

खो सुम्‌कादोङ्‌वात मोदाङा युङा। खोन्‍कि खो सिरियाह्‍यात्‍नि वाप्‍तेलालाम्‍पा खात्‍मा मुवाङाहिदा यहुदिचिआ खोसोओ अ़देङ्‌सालाप्‍पादा थालि म़बाङ्‌ताङाओ सिन्‍तुओसा खो माकेदोनिया लियाङ्‌सा लामाखात्‍मा अ़छ़ङ मु।

छाम्‍माय़ङ 23:12

अ़माङ्‌कोलेन अ़वाय़ङ यहुदिचि म़कोवान्‍चिन्‌कि पावल्‌ओ अ़देङ्‌सालाप्‍पादा थालि म़बाङ्‌ता। खोन्‍कि मोचिआ पावल मान्‍सेत्‍माङ्‌तारि दित्‍छाङ मान्‍चादामाकिना मान्‍दुङ्‌दामा किरे म़चा।

छाम्‍माय़ङ 9:16

देकिनालो अ़ङ्‌ऩङ्‌ओ निम्‍पाङ खोसाआ देम दुखा आङ्‌मादोत, अ़ङ्‌का खो खाङ्‌मेत्‍तुङ।”

छाम्‍माय़ङ 9:22

मेन सावल्‌ओ अ़खालुमा च़लोक सावापोरि लियाङ्‌साखारा, खोन्‍कि “येसुङा ख्रिस्‍त ओ” निकिना सालुम्‍स़ङ प़चिकि दमस्‍कस्‌दा कायुङ यहुदिचि दोम्‍पुवाचिचि मुचि।

२ कोरिन्‍थि 11:26

अ़ङ्‌का अ़दु-अ़दु अ़ङ्‌कोन्‍खादा याङ्‌वामाचिओ क़मादा, काङाप्‌चिओ क़मादा, यहुदि आप्‍पि अ़ङ्‌म़नाचिदा खोन्‍कि निरावाचिओ क़मादा छुक्‍मादोरा। मोवात्‍निङा अ़ङ्‌ह़ङ्‌म़ङ सहराओ क़मादा, लेक्‍लेक्‍लेक्‌वाओ क़मादा, धियाङ्‌वामाओ क़मादा, सोज्‍जेओ ब़ब़, नाना खोन्‍कि निछाचिएदाङ्‌काओ क़मादा छुक्‍ताङ।