छाम्‍माय़ङ 9:16 - बान्‍तावा राई

¹⁶ देकिनालो अ़ङ्‌ऩङ्‌ओ निम्‍पाङ खोसाआ देम दुखा आङ्‌मादोत, अ़ङ्‌का खो खाङ्‌मेत्‍तुङ।”

छाम्‍माय़ङ 9:16 ပူးပေါင်းရင်းမြစ်များ

मत्‍ति 24:9

खोन्‍किना म़नाचिआ खानानिन चाअ़त्‍लो दुखा प़सि निचिओ अ़चुछुक्‌दा ऩप़न, खोन्‍कि खानानिन ऩसेरिन, खोन्‍कि अ़ङ्‌का कात़ङ्‌चिओसा झारा रावाचिआ खानानिन ऩङाऩछिरिन।

मत्‍ति 5:11

खानानिन अ़ङ्‌का कात़ङ्‌चिओसा म़नाचिआ खानानिन ऩसुङ्‌तिन खोन्‍कि ऩल़क्‍तिन खोन्‍कि सोज्‍जेओ चेप्‌याङ्‌सा आम्‍नुओ देङ्‌सालाप्‍पादा झाराकापाराओ अ़त्‍लो ऩलोन्‌नालो खानानिन आसिखा कातोक्‌चि ओ।

युहन्‍ना 15:20

अ़ङ्‌का खानानिन लोनानिन्‌ओ य़ङ मित्‍तानुम, ‘हारुक अ़हाङ्‌पाएदाङ्‌का तोक्‍पो अ़लिनिन।’ मोचिआ अ़ङ्‌का दुखा ऩपुवाङ्‌नालो खानानिन्‌छाङ दुखा ऩप़न। मोचि अ़ङ्‌चिन्‍माय़ङ म़काङ्‌साओ दे आम्‍नुओ य़ङ्‌छाङ म़काङ।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

छाम्‍माय़ङ 21:11

खोन्‍कि खोसाआ पावल्‌ओ अ़छिप्‍माय़ङ क़क्‍तुकि अ़छुक खोन्‍कि अ़लाङ छ़सुकि य़ङा, “सेङ्‌लावाआ, ‘ओ छिप्‍माय़ङ्‌ओ अ़हाङ्‌पा यहुदिचिआ ओवात्‍निङा यरुसलेम्‌दा अ़छ़ खोन्‍कि रोमिचिओ अ़चुछुक्‌दा अ़पाक’नि म़य़ङ्‌याङ।”

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

छाम्‍माय़ङ 21:4

मोदा कायुङ काखेङ्‌चि धिरुम्‍च़म्‍का खोन्‍कि अ़क सातातारि आन्‍कान्‍का खोचिएनान युङिन्‍का। मोचिआ पावल “यरुसलेम मान्‍खात्‍दानिन”नि सेङ्‌लावालाम्‍पा अ़लोवा।

छाम्‍माय़ङ 9:14

खोन्‍कि झारा खानानिन साकोङ्‌छ़ङ कामुचि लाप्‍माचि निकिना मुलो काब़क्‍पाचिदाङ्‌का पाङ तोक्‍तुकि ओदा तायुङ्‌सा।”

छाम्‍माय़ङ 9:6

हान पुवालोन्‍ताकि सहरादा खारा, खोन्‍कि खाना दि मुमादोत, मोदा खाना खाऩएत।”

२ कोरिन्‍थि 6:4

मेन निनाम्‍हाङ्‌ओ अ़चुकाब़त्‍पाचिओसा झाराकापाराआ आन्‍कान्‍का आप्‍पि निनाम्‍हाङ्‌ओ अ़नुवाक म़नाचि निकिना आन्‍कान्‍का च़लोक आङ्‌मादा, दुखाचिदा, मान्‍ऱदामाचिदा, छ़ङ्‌मादिमाचिदा खाङ्‌मुसिन्‍चिन्‍का।

१ थेसलोनिकि 3:3

खोन्‌ओसा दुखाचिआ आम्‍नुओ साङ्‌कोछाङ राक अ़स़निन्‍ने। खानानिन्‌ङा त़सिन्‍तुम्‌योम, ओवाको दुखाचि ना आन्‍कान आङ्‌माङादोत।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।

१ पत्रुस 4:14

ख्रिस्‍तओ अ़चुऩङ्‌दा खानानिन ऩसुङ्‌तिन्‌नालो खानानिन आसिखा कातोक ओ! देकिनालो निनाम्‍हाङ्‌ओ साम्‍स़रिओ अ़चुलावा खानानिन्‌एदा म़याक।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।