छाम्‍माय़ङ 9:10 - बान्‍तावा राई

¹⁰ हननिया अ़ऩङ मुवाङाओ येसुओ अ़क्‍छा अ़चुकाखेङ दमस्‍कस्‌दा युङाङा। हाङ्‌पाआ खो सेन्‍चिदा “हननिया!”नि अ़बुत्‍ता। खोसाआ लो, “ओदा युङ्‌ङाङा हाङ्‌पो।”

छाम्‍माय़ङ 9:10 ပူးပေါင်းရင်းမြစ်များ

छाम्‍माय़ङ 10:3

अ़खोलेन आप्‍फात सुम्‌काकोम साङाहिदा खोसाआ अ़सेन्‍चिदा निनाम्‍हाङ काफा खोएदा ताओ नुलोक खा, खोन्‍कि मो निनाम्‍हाङ काफाआ “कर्नेलियस!”नि बुत्‍तु।

छाम्‍माय़ङ 11:5

“अ़क लेन अ़ङ्‌का योप्‍पा सहरादा यामाराङ्‌याङ्‌हिदा इम्‍सिन्‍दान्‌वा लिसाङ्‌ओ ग़रि अ़ङ्‌का सेन्‍चि खाङ। निनाम्‍मादुङ्‌का अ़क्‌तात अ़धिवाङ तित्‌वाको चारकाचोम्‌दा अ़लावाकि ह्‍युत्‍नि अ़धान्‍ताङाओ खाङ, खोन्‍कि मो अ़ङ्‌च़क्‌दातारि अ़धान्‍ता।

छाम्‍माय़ङ 12:9

खोन्‍कि पत्रुस्‌आ निनाम्‍हाङ काफाओ अ़देङ-अ़देङ त़ङ्‌तुकि छेक्‍खाखिम्‌दाङ्‌का लोन्‍ता। मेन निनाम्‍हाङ काफाआ मुङुओ काचि अ़नुछ्‍या निकिना खोसाआ मान्‍सिन्‍दो। खो ना सेन्‍चि खाङ्‌योङ्‌नि मिनाङा।

छाम्‍माय़ङ 16:10

पावल्‌आ सेन्‍चि खाचिउकि निनाम्‍हाङ्‌आ मोदा नुय़ङ्‌खान म़नाचि खाएत्‌सि निकिना ऩबुत्‍तिन्‌येन्‍काओ आन्‍कान्‍का अ़छ़ङ मुम्‍काओसा च़क्‍नि माकेदोनियाह्‍यात्‍नि खात्‍मा निकिना चुम्‍सिन्‍चिन्‍का।

छाम्‍माय़ङ 16:9

खोन्‍कि मो अ़खाखुत पावल्‌आ अ़सेन्‍चिदा खा, माकेदोनियादाओ अ़क्‍छा म़ना एवाकि खो “माकेदोनियादा बानानिन्‌कि आन्‍कान्‍का फानि”नि बुत्‍तुङु।

छाम्‍माय़ङ 18:9

खोन्‍कि अ़क खाखुत सेन्‍चिदा हाङ्‌पाआ पावल अ़लोवा, “मान्‍क़दा! मेन नुय़ङ्‌खान म़नाचि खाएत्‍तुयुङ्‌सुचि, खोन्‍कि वाइवेत मान्‌युङ्‌दा।

छाम्‍माय़ङ 2:17

‘निनाम्‍हाङ म़य़ङ्‌याङ, आदेङ्‌ओ लेन्‍चिदा, झारा म़नाचि अ़ङ्‌का अ़ङ्‌लावा पाक्‍तुङ्‌प़ङ्‌च़ङ। खोन्‍कि आम्‍नुओ दुवाछा छाचिकि मेत्‍छाछा छाचि निनाम्‍हाङ्‌य़ङ म़चेप, खोन्‍कि आम्‍नुओ थाङाछाचिआ सेन्‍चिचि म़खाचि, खोन्‍कि आम्‍नुओ खोक्‍पा म़नाचिआ सेन्‍माङ्‌चि म़खाचि।

छाम्‍माय़ङ 22:12

हननिया अ़ऩङ मुवाङाओ अ़क्‍छा म़ना मोदा युङाङा। खो निनाम्‍हाङ्‌य़ङ खाकालु मोसाओ अ़य़ङ्‌हुप्‌वा काच़ निनाम्‍हाङ कामित मुवाङा, खोन्‍कि दमस्‍कस्‌दा कायुङ झारा यहुदिचिआ अ़न्‍नुनु साया अ़मेत्‍ताङा।

छाम्‍माय़ङ 9:12

खोसाआ हननिया अ़ऩङ मुवाङाओ अ़क्‍छा म़ना ताकि खो लामाखाङ्‌मा ऱने निकिना खोएदा अ़छुक युङ्‌सुओ अ़सेन्‍चिदा अ़ङ्‌का खाङ्‌मेत्‍तुङ्‌युङ्‌सुङ।”

छाम्‍माय़ङ 9:9

खो सुम्‌कालेन्‌तारि खामान्‍खाङ्‌कादा लिसाकि ना चाङा चा, ना चाक्‌वाङा दुङा।

२ कोरिन्‍थि 11:32

दमस्‍कस्‌दा अरितस हाङ्‌ओ अ़हाङ्‌काचि कामुआ अ़ङ्‌का लाप्‍सि सहरा काहुङ्‌चि हुङ्‌मेत्‍तुयुङ्‌सुचि।

गलाति 1:17

ना अ़ङ्‌कादाङ्‌का बुया छाम्‍माय़ङ म़लिसाओचिएदा यरुसलेम्‌दाङा खाराङ, मेन अ़ङ्‌का च़क्‍नि अरब हेन्‍कोप्‌दा खाराङ, खोन्‍कि आदेङ दमस्‍कस्‌दा लासाङ्‌ताङ।