छाम्‍माय़ङ 8:9 - बान्‍तावा राई

⁹ मो सहरादा सिमोन अ़ऩङ मुवाङाओ अ़क्‍छा म़ना युङाङा। खोसाआ बुयादाङ्‌काङा मो सहरादा म़क्‍फेङ मुवाकि सामरियादाओ म़नाचि दोम्‍तुदोचिलो मुचिकिना खो तोक्‍पोनि मित्‍तान्‌यान्‍चिन।

छाम्‍माय़ङ 8:9 ပူးပေါင်းရင်းမြစ်များ

युहन्‍ना 7:18

साङ आप्‍पि अ़पाङ्‌लाम्‍पा चेप, मोसाआ आप्‍पिओ अ़साऩङ्‌वा लामु, मेन साङ्‌आ खो काछुत्‌ओ अ़साऩङ्‌वा लामु, मो अ़छ़ङ काचेप ओ, खोन्‍कि खोएदा म़प्‍माय़ङ अ़याक्‍निन।

छाम्‍माय़ङ 13:6

खोचिआ झारा साइप्रस खाम्‍दाक कोत्‌याङ्‌सा पाफोस्‌तारि तालाचि। खोन्‍कि खोचिआ मोदा यहुदि म़क्‍फेङ कामु बार-येसु अ़ऩङ मुवाङाओ अ़क्‍छा सोज्‍जेओ य़ङ खाकालु अ़धिराचु।

छाम्‍माय़ङ 13:8

मेन म़क्‍फेङ कामु एलुमास्‌आ (एलुमास ग्रिक य़ङ्‌दाओ मोसोओ अ़ऩङ ओ) सावल खोन्‍कि बारनाबास फित्‍चि मेत्‍तुचि, खोन्‍कि धिखाहुप्‌हाङ सर्गियस पावलस येसु साकोङ्‌छ़ङ मुमादाङ्‌का लामालाप्‍तुङु।

छाम्‍माय़ङ 5:36

देकिनालो अ़चित्‌कादोङ बुया थुदास तोक्‍पो म़नानि लोनान्‍चिन्‍सा रोमिचिओ अ़चुदेङ्‌सालाप्‍पादा पुवालोन्‍ता। खोन्‍कि आप्‍फात चार सये म़नाचिआ खो अ़त़ङ्‌ता। खो रात्‍खामिचिआ अ़सेरा, खोन्‍कि खो कात़ङ्‌चि झारा म़रिसाखारा, खोन्‍कि मो म़नाचि देत्‍छाङ च़मा मान्‍ऱचि।

छाम्‍माय़ङ 8:11

मोचिआ खोसोओ अ़य़ङ्‌दा मिन्‍मा अ़पाक्‍ताङा, देकिनालो ब़द्‍धे बुयादाङ्‌काङा खोसाआ म़नाचि म़क्‍फेङ मुवाकि दोम्‍तुदोचिलो मुयुङ्‌सुचि।

२ थेसलोनिकि 2:4

खोसाआ निनाम्‍हाङ खोन्‍कि झारा म़नाचिआ म़ब़क्‍तुङुचिओचिओ अ़चुदेङ्‌सालाप्‍पादा फित्‍चि मुचि खोन्‍कि मोचिदाङ्‌का आप्‍पि तोक्‍पो मुनान्‍चिन। खोन्‌ओसा, आप्‍पिङा निनाम्‍हाङ नि झारा खाएत्‌याङ्‌सा निनाम्‍हाङ्‌ओ अ़चुब़क्‍खाखिम्‌दा मो युङ।

२ तिमोथि 3:2

मनाचि आप्‍पि ओन्‍ङा सोमाकातुक्‍नान्‍चिन, फेक्‌वा च़क्‍ख़य़ कामु, ऱफोक्‌वा, राखाङ्‌थेत, कासुङ, अ़चुमापाआ लोमावा मान्‍च़कादा, मान्‌आलाङ्‌मि खोन्‍कि ऩसेङ्‌निनिन्‌ओ म़मु।

२ तिमोथि 3:5

साम्‌योक्‍मिवात्‍नि लिमा म़लाम, मेन मोसोओ अ़सावा ऩङाअ़छित। ओवाको म़नाचिदाङ्‌का अ़थाया युङा।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।