छाम्‍माय़ङ 7:8 - बान्‍तावा राई

⁸ खोन्‍किना निनाम्‍हाङ्‌आ अब्राहाम हिप्‍तुओ मित्‍तुने निकिना सिप्‍मायाम्‍बुन पाक्‌अ़मेत्‍ता। खोन्‍किना अब्राहाम इसहाक्‌ओ अ़पा लिसाकि इसहाक पुक्‍तान्‍चिन्‌ओ आथ्‌कालेन्‌ओलेन्‌दा अ़सिप्‍मायाम्‍बुन पाक्‍तु। आदेङ इसहाक याकुब्‌ओ अ़पा लिसाकि मोवात्‍निङा मु, खोन्‍कि याकुब बारकाभुङ्‌ओङा अ़चुपा लिसाकि मोवात्‍निङा मुचि।

छाम्‍माय़ङ 7:8 ပူးပေါင်းရင်းမြစ်များ

मत्‍ति 1:2

अब्राहाम इसहाक्‌ओ अ़पा ओ। इसहाक याकुब्‌ओ अ़पा ओ, याकुब यहुदाओ अ़पा ओ, खोन्‍कि यहुदाओ अ़द़क्‍छा-बुवाचिओ अ़चुपा ओ।

युहन्‍ना 7:22

मेन मोसाआ खानानिन सिप्‍मायाम्‍बुन मुमा थाप्‍स़ङ ऩप़न (अ़नुछ्‍याङा मो मोसालाम्‍पाओ माआङ, मेन आम्‍नुओ सुन्‍तुम्‌चिआ अ़पुङ्‌सा ओ), खोन्‌ओसा सावातोम्‍खा-लेन्‌दा खानानिन्‌छाङ म़नाचि सिप्‍मायाम्‍बुन त़पाक्‍तुम्‍च़म।

छाम्‍माय़ङ 2:29

यहुदि ब़ब़, नाना खोन्‍कि निछाचि ओ, आन्‍सुन्‍तुम दाउद्‌ओ अ़तुक्‌वादा अ़ङ्‌का खानानिन राक्‌एनान खाएत्‍मा ऱनानिन। खो सुवादाकि अ़खुम्‍ता, खोन्‍कि खोसोओ अ़एप्‍मा आय़ओ लेन्‌तारि ओदा आन्‍कान्‌एदाङा युङ्‌याङ।

रोमि 4:10

खोन्‍नालो देम्‍खा खो साम्‌योक्‍मि काइसा? खो बुया सिप्‍मायाम्‍बुन पाक्‍ताचिआकि हे आदेङ्‌माङ ओ? खोसोओ अ़सिप्‍मायाम्‍बुन लिसाचिआकि माआङ मेन बुयाङा ओ।

गलाति 3:15

ब़ब़, नाना खोन्‍कि निछाचि ओ, अ़लेन्‍खिन्‍तुम्‌ओ ह़ङ्‌म़ङ्‌दाङ्‌का अ़क्‌तात अ़मात्‍ऩङ खाङ्‌मेत्‍नानिन्‍ने। अ़क्‍दु अ़छ़ङ लिसाचिआओ म़नाओ हिप्‍माय़ङ्‌दा साङ्‌आछाङ क़प्‍मा अ़ऱन, ना मोदा अ़क्‍चित तेप्‍माङा ऱ।

गलाति 3:17

अ़ङ्‌य़ङ्‌माओ अ़तुप्‍माय़ङ ओङा ओ, निनाम्‍हाङ्‌आ अ़छ़ङ अ़मुवाओ हिप्‍माय़ङ चार सये तिस्‌कादोङ आदेङ्‌ओ य़ङ्‌हुप्‌आ अ़क़प्‍तुन, माङ्‌लोना हिप्‍माय़ङ सोज्‍जे लिसाओ।

हिब्रु 7:4

हान मिनानिन, मल्‍किसेदेक देम तोक्‍पो मुवाङा! अब्राहाम आन्‍सुन्‍तुम्‌आछाङ ङेन्‌दा छोसाकि तोक्‍तुओ सामाचिओ दस्‌कालोक्‌ओ अ़क लोक खो प़।