छाम्‍माय़ङ 7:10 - बान्‍तावा राई

¹⁰ खोन्‍कि खोसोओ झारा अ़दुखाचिदाङ्‌का अ़रात्‍ता। निनाम्‍हाङ्‌आ योसेफ अ़नुवाक खारु अ़पुवाकि मिस्र हेन्‍कोप्‌दाओ हाङ फारोआ खो अ़ऩङानुसु। खोन्‍किना खो मिस्र हेन्‍कोप्‌दाओ खोन्‍कि हाङ्‌ओ झारा अ़खिम्‍लुम्‍पादाओ हाङ्‌काचि कामु अ़मुवा।

छाम्‍माय़ङ 7:10 ပူးပေါင်းရင်းမြစ်များ

२ तिमोथि 4:18

हाङ्‌पाआ अ़ङ्‌का झारा अ़अ़त्‍पाचिदाङ्‌का ऩलेन्‍ङा, खोन्‍कि खोक्‍कोसोओ निनाम्‍मादुओ अ़चुहाङ्‌होन्‌ओ निम्‍पाङ अ़ङ्‌का ऩलेन्‍ङा। खोक्‍कोसोओ अ़धुन-अ़धुन्‌तारि अ़चुऩङ लोङ्‌युङ्‌ने। मोवात्‍निङा लिने।

याकुब 5:11

खानानिन त़सिन्‍तुम्‌योम, काहुङ्‌चि आन्‍कान आलाङ्‌मिओनि लोम्‍च़म। खानानिन्‌आ अय्‍युब्‌ओ अ़हुङ्‌माय़ङ खोन्‍कि हाङ्‌पाओ अ़चुमित्‍चिऩङ त़एनुम्‌युङ्‌सुम। आदेङ हाङ्‌पाआ देत्‍नि नुलोक अ़मुवा मो त़सिन्‍तुम्‌योम। देकिनालो हाङ्‌पा अ़न्‍नुनु नुलोक कामित खोन्‍कि सोमाकातुक म़मुयाङ।

खाङ्‌मुमा 7:14

खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।