छाम्‍माय़ङ 6:6 - बान्‍तावा राई

⁶ मोचिआ मो म़छेन्‍तुचिओ म़नाचि छाम्‍माय़ङ्‌चिओ अ़चुबुदा म़तारुचि। खोन्‍किना छाम्‍माय़ङ्‌चिआ यामात्‍प़याङ्‌सा अ़चुछुक मोचिओ अ़चुताङ्‌दु म़युक्‍तुप़चि।

छाम्‍माय़ङ 6:6 ပူးပေါင်းရင်းမြစ်များ

मर्कुस 5:23

खोन्‍कि अ़साकोङ्‌वाहुत्‌याङ्‌काङा खोक्‍को लो, “अ़चुप्‍पो अ़ङ्‌मेत्‍छाछा छा तुक्‍कि स़मादामा मुयाङ। बानानिन्‌कि मोएदा आम्‍नुओ छुक युक्‍निप़नि, खोन्‌ओसा मो नुकि ह़ङ्‌ने।”

छाम्‍माय़ङ 1:24

खोन्‍किना मोचि अ़नुवाक म़ना छेन्‍मा निकिना झारा याम़मारा। मोचि म़य़ङा, “हाङ्‌पो, खानानिन झारा म़नाचिओ अ़चुसाकोङ्‌वा त़सिन्‍तुम्‌योम, ओ ह़वाङ्‌दा खाक्‍को खानानिन त़छेन्‍तुम्‌ओ, आन्‍कान्‍का खाङ्‌मेत्‍नि,

छाम्‍माय़ङ 13:3

खोन्‍किना मोचि चा मान्‍चामाङ म़युङाकिना याम़माराचिआकि बारनाबास खोन्‍कि सावल्‌एदा अ़चुछुक म़युक्‍तुचिकि खोचि म़छुत्‍तुखाइसुचि।

छाम्‍माय़ङ 19:6

खोन्‍किना पावल्‌आ अ़छुक मोचिएदा युङ्‌सुहिदा सेङ्‌लावा मोचिएदा म़धा, खोन्‍कि मोचि नि य़ङ्‌चिदा चेप्‍मा अ़पुङ्‌साकि निनाम्‍हाङ्‌य़ङ म़चेवा।

छाम्‍माय़ङ 8:17

खोन्‍किना पत्रुस खोन्‍कि युहन्‍नाआ अ़चुछुक मोचिएदा अ़युङ्‌साचु, खोन्‍कि मोचिआ सेङ्‌लावा अ़तोक्‍ता।

छाम्‍माय़ङ 9:12

खोसाआ हननिया अ़ऩङ मुवाङाओ अ़क्‍छा म़ना ताकि खो लामाखाङ्‌मा ऱने निकिना खोएदा अ़छुक युङ्‌सुओ अ़सेन्‍चिदा अ़ङ्‌का खाङ्‌मेत्‍तुङ्‌युङ्‌सुङ।”

छाम्‍माय़ङ 9:17

खोन्‍किना हननिया खाराकि यहुदाओ अ़खिम्‌दा वाङा। खोन्‍कि सावल्‌एदा अ़छुक युङ्‌सुकि लो, “सावल निछा, हाङ्‌पा येसु खाना त़बानाङाओ लाम्‌दा खानाएदा खाङ्‌म़मुसान्‍चिन, खोसाआङा अ़ङ्‌का खाना लामाखाखाङ्‌मा त़ऱने खोन्‍कि सेङ्‌लावाआ त़भेप्‍ने निकिना अ़ङ्‌का ऩछुत्‍ताङ्‌युङ्‌साङ।”

१ तिमोथि 4:14

खानाएदा याक्‌याङ्‌ओ लावामि सावा मान्‍मान्‍केदो, मो सावा ताङ्‌पाचिआ खोचिओ अ़चुछुक खानाएदा अ़युङ्‌साहिदा निनाम्‍हाङ्‌य़ङ खालुमालाम्‍पा खाना त़तोक्‍तुओ।

१ तिमोथि 5:22

साङ्‌एदाछाङ छुक युङ्‌मादा मान्‍हेङ्‌दा, खोन्‍कि साङ्‌कोछाङ अ़हेवादा मान्‍होन्‍दान्‍चिन। खाना आप्‍पि अ़च़क़ल़क लिसा।

२ तिमोथि 1:6

खोन्‌ओसा अ़ङ्‌का खाना मित्‍मेत्‍ना, अ़ङ्‌का खानाएदा अ़ङ्‌छुक युङ्‌सुङ्‌हिदा खाना त़तोक्‍तुओ निनाम्‍हाङ्‌ओ लावामि सावा लेइसुयुङ्‌सु।

हिब्रु 6:2

वास़मा थाप्‍स़ङ्‌चि, छुक युङ्‌मा थाप्‍स़ङ, म़सुवादाओचिओ अ़चुलामाखोन्‍मालोन्‍मा खोन्‍कि अ़लुक्‍निन्‌ओ दन्‍दाओ अ़तुक्‌वादा अ़दु-अ़दु मान्‍चिन्‌युङ्‌दानिन्‍चिन।