छाम्‍माय़ङ 5:16 - बान्‍तावा राई

¹⁶ यरुसलेम च़क्‍चिदात्‍निओ तेन्‍चिदाङ्‌काछाङ ब़द्‍धे म़नाचिआ कातुक म़नाचि खोन्‍कि पोप्‍ताओ लावाचिआ म़लाउचिओचि म़तारुङुचि, खोन्‍कि मोचि झारा निनाम्‍हाङ्‌आ म़नुसुचि।

छाम्‍माय़ङ 5:16 ပူးပေါင်းရင်းမြစ်များ

मत्‍ति 2:16

खोन्‍किना सालुत्‍लिचिआ अ़म़प्‍ताओ य़ङ हेरोद्‌आ सिन्‍तुकि अ़माइसुङ्‌आ पुन्‍तुदो। खोन्‍कि सालुत्‍लिचिदाङ्‌का सिन्‍तुओ ग़रिदा बेथलेहेम खोन्‍कि मोसोओ अ़च़क्‌दाओ तेन्‌दाओ ह्‍वा दोङ खोन्‍कि ह्‍वा दोङ्‌दाङ्‌का अ़चुप्‍पो झारा दुवाछा छाचि सेत्‍मेत्‍तुचि।

मत्‍ति 4:24

खोक्‍कोसोओ अ़तुक्‌वादाओ य़ङ्‌खान सिरिया धिखाहुप भेप्‍लोतारिछाङ थ़ङा, खोन्‍कि म़तुआङाओचि, माङ्‌लो अ़खाला-अ़खालाओ सारिमाआ दुखा कातोक्‌चि, चाकावालावाआ लाउचिओ, खोन्‍कि स़दावाखेन्‌आ लाउचिओचि खोन्‍कि ख़न्‍माखात्‍मा सारिमाआ लाउचिओचि, झारा म़नाचि खोक्‍कोएदा म़तारुचि खोन्‍कि खोक्‍कोसाआ मोचि म़नुसुचि।

मत्‍ति 8:16

खोन्‍किना मो अ़नाम्‍प़क, म़नाचिआ येसुएदा ब़द्‍धेकापाङ चाकावालावाआ लाउचिओ म़नाचि म़तारुचि। खोन्‍कि येसुआ अ़चुलोमाय़ङ्‌लाम्‍पा चाकावालावाचि म़लोइसुखाइसुचि, खोन्‍कि झारा कातुक्‌चि म़नुसुचि।

लुका 5:17

अ़क्‌लेन येसुआ म़नाचि म़चिन्‍तुङुचिहिदा अ़क्‍चित फरिसिचि खोन्‍कि य़ङ्‌हुप काचिन्‍पाचि येसुओ अ़चुच़क्‌दा म़युङाङा। मोचि गालिल खोन्‍कि यहुदिया धिखाहुप्‌दाओ झारा तेन्‍चिदाङ्‌का खोन्‍कि यरुसलेम सहरादाङ्‌का म़तायुङ्‌सा। येसुएदा कातुक्‌चि नुमा निनाम्‍हाङ्‌ओ अ़चुसावा याआङा।

लुका 6:18

मोचि येसुओ अ़ताया एन्‍सि खोन्‍कि सारिमाचिदाङ्‌का नुलुसि निम्‍पाङ म़तायुङ्‌सा। खोन्‍कि पोप्‍ताओ लावाआ लाउचिकि दुखा म़तोक्‍ताङाओ म़नाचिछाङ म़नुवा।

लुका 9:11

मेन ओ य़ङ अ़सिन्‍ताकि म़ना मुक्‍लाचिआ येसुओ अ़चुदेङ्‌देङ अ़त़ङ्‌ता। खोक्‍कोसाआ मोचि साया म़मेत्‍तुचि, खोन्‍कि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खाम़एत्‍तुचि, खोन्‍कि खा-खाक्‍कोचि नुमा म़दोराङा, मोचि म़नुसुचि।

युहन्‍ना 14:12

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌का साकोङ्‌छ़ङ अ़मुङा, मोसाआ अ़ङ्‌का मुङ्‌च़ङ्‍ओ काचिचि हान मुचि, खोन्‍कि ओचिदाङ्‌का अ़धिवा काचिचिछाङ मुचि, देकिनालो अ़ङ्‌का अ़ङ्‌पापाएदा खात्‍ङाङा।

छाम्‍माय़ङ 4:30

खोन्‍कि सेङ्‌याङ्‌ओ हारुक येसुओ अ़चुऩङ्‌लाम्‍पा कातुक म़नाचि नुखा खोन्‍कि बुन्‌चि खोन्‍कि म़दोम्‍दाओ काचिचि मुमादा आम्‍नुओ सावा आन्‍कान्‍का प़नि।”

छाम्‍माय़ङ 5:15

छाम्‍माय़ङ्‌चिआ म़दोम्‍दाओ काचिचि म़मुङुचिओसा म़नाचिआ कातुक्‌चि मुलो लाम्‌चिदा म़तारुचिकि पत्रुस बान्‌याङ्‌हिदा अ़लावाछामित ओन्‍ङानुछाङ मोचिएदा छुक्‌कि म़नुने निकिना अ़चुइम्‍खाचिदा खोन्‍कि फेङ्‌लाचिदा म़युङ्‌सुदोङुचि।

छाम्‍माय़ङ 5:17

खोन्‍किना मुलो काब़क्‍पा खोन्‍कि सदुकि रुहुप्‌दाओ खोसोओ झारा अ़यावाचिआ छाम्‍माय़ङ्‌चिओ अ़चुदेङ्‌सालाप्‍पादा च़लोक ऩङ्‌च़ म़मुवा।

१ कोरिन्‍थि 12:9

खा-खाक्‍को मोक्‍को सेङ्‌लावालाम्‍पाङा सोम्‍कुवा मुमा, खा-खाक्‍को अ़क्‌तात सेङ्‌लावालाम्‍पाङा नुमा सावाचि म़पुवायुङ्‌सा।

याकुब 5:16

खोन्‌ओसा अ़क्‍छा निएदा आम्‍नुओ हेवा खालुसानुम, खोन्‍कि अ़क्‍छा निओ निम्‍पाङ यामारानिन, खोवात्‍निनालो खानानिन त़नुन। साम्‌योक्‍मि म़नाओ अ़यामात्‍मा सावापोरि खोन्‍कि नुलोक काचि मु।