छाम्‍माय़ङ 5:13 - बान्‍तावा राई

¹³ येसुएदा साकोङ्‌छ़ङ मान्‍मुकादाचि साङ्‌छाङ मोचिएदा होन्‍मान्‍चिन राक मान्‍मुचि, खोन्‍नुछाङ म़नाचिआ मो साकोङ्‌छ़ङ कामुचि च़लोक साया म़मेत्‍तुङुचि।

छाम्‍माय़ङ 5:13 ပူးပေါင်းရင်းမြစ်များ

लुका 19:48

खोन्‍नुछाङ मोचिआ येसु सेत्‍माओ अ़लाम दित्‍छाङ मान्‍धित्‌अ़दा। देकिनालो झारा म़नाचि खोक्‍कोसोओ अ़चुय़ङ एन्‌याङ्‌सा खोक्‍कोएनान अ़क्‍नि म़युङायाक्‍ताङा।

युहन्‍ना 12:42

खोन्‍नुछाङ ब़द्‍धे यहुदि बुसुवाचिआ खोक्‍कोएदा साकोङ्‌छ़ङ म़मुवा, मेन फरिसिचिएदाङ्‌का म़क़साकि मोचिआ यावायोक्‍खिम्‌दाङ्‌का म़लोन्‍खान निकिना अ़चुक़माआ मो साङ्‌छाङ खामान्‌एत्‌अ़दा।

युहन्‍ना 19:38

मोन्‍किना अरिमाथियादाओ योसेफ, खो यहुदि बुसुवाचिओ क़माआ सुकुलादा ओन्‍ङा येसुओ अ़चुकाखेङ्‌पा लिसायुङ्‌सा। मोसाआ पिलातस्‌एदा येसुओ अ़चुस़पोक खात्‍मा तोक्‍तुङ्‌ने निकिना दोत्‍तु। पिलातस्‌आ खात्‍मा प़। खोन्‍कि खो ताकि खोक्‍कोसोओ अ़चुस़पोक लारु खात्‍तु।

युहन्‍ना 9:22

मोसोओ अ़मा-अ़पाचि ओवात्‍नि य़ङाचि, देकिनालो खोचि यहुदि बुसुवाचिदाङ्‌का क़साङाचि। देकिनालो साङ्‌आ येसुङा ख्रिस्‍त ओ निकिना लोउनालो मो यावायोक्‍खिम्‌दाङ्‌का लोन्‍माखान्‍मादोत निकिना यहुदिचि बुयाङा याम़योआयुङ्‌सा।

छाम्‍माय़ङ 19:17

ओ य़ङ एफिसस्‌दा कायुङ झारा यहुदि खोन्‍कि ग्रिक्‌चिआ अ़सिन्‍ता। खोन्‍कि मोचि झारा म़क़साकि हाङ्‌पा येसुओ अ़चुऩङ अ़चोन्‍ता।

छाम्‍माय़ङ 2:47

खोन्‍कि अ़धुन निनाम्‍हाङ्‌ओ अ़चुऩङ अ़चोन्‍ताङा खोन्‍कि झारा म़नाचिआ मोचि ऩङाम़नुसुङुचि। खोन्‍कि हाङ्‌पाआ मोचिओ अ़चुरुहुप्‌दा अ़लेन्‍खिन्‍तुम साकोङ्‌छ़ङ कामु म़नाचि म़तेप्‍तुप़ङुचि।

छाम्‍माय़ङ 4:21

खोन्‍किना यहुदि बुसुवाचिआ पत्रुस खोन्‍कि युहन्‍ना दन्‍दा प़खा लाम दित्‍छाङ मान्‍धित्‌अ़दाकि च़लोक म़दुङ्‌तुचिकि खोचि म़लेरुखाइसुचि, देकिनालो पेसोला म़ना नुवाओ अ़खाकि झारा म़नाचिआ निनाम्‍हाङ अ़चोन्‍ताङा।

छाम्‍माय़ङ 5:26

खोन्‍किना रात्‍खामिचिओ अ़चुकप्‍ताना अ़रात्‍खामिचिएनान अ़क्‍नि खाराकि छाम्‍माय़ङ्‌चि बात्‍तुचि। खोन्‍नुछाङ राकाङ्‌थेत्‍नि मुमा मान्‍ऱम़दोचि, देकिनालो म़नाचिआ लुङ्‍आ ऩवेरिन्‍का निकिना मोचिओ अ़चुक़माकारा।

छाम्‍माय़ङ 5:5

ओ य़ङ हननियाआ एनुङुवा बाखादा धुवाखाराकि सुवादा। खोन्‍कि हननिया सुवादाओ य़ङ झारा काएन्‍चिओ अ़न्‍नुनु अ़चुक़माकारा।

२ कोरिन्‍थि 10:15

आन्‍कान्‍का नि म़नाचिओ अ़चुकाचिचिदा तोक्‍पो अ़लिसिमिन्‍का, मेन आन्‍काओ सोम्‍कुवा ओङा ओ, आम्‍नुओ साकोङ्‌छ़ङ पोन्‌याङ्‌सा आम्‍नुओ रादा खात्‌याङ्‌हिदा मोसाआ आन्‍काओ काचि मुखा खाहुप पोइसु।