छाम्‍माय़ङ 4:31 - बान्‍तावा राई

³¹ याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।

छाम्‍माय़ङ 4:31 ပူးပေါင်းရင်းမြစ်များ

मत्‍ति 21:22

साकोङ्‌छ़ङ त़मुन्‍कि खानानिन यात़मारिन खोन्‍कि दि त़दोरुम मो खानानिन त़तोक्‍तुम।”

युहन्‍ना 14:12

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌का साकोङ्‌छ़ङ अ़मुङा, मोसाआ अ़ङ्‌का मुङ्‌च़ङ्‍ओ काचिचि हान मुचि, खोन्‍कि ओचिदाङ्‌का अ़धिवा काचिचिछाङ मुचि, देकिनालो अ़ङ्‌का अ़ङ्‌पापाएदा खात्‍ङाङा।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 15:7

खानानिन अ़ङ्‌काएदा त़याइन्‌कि अ़ङ्‌य़ङ खानानिन्‌एदा याक्‌नालो खानानिन दे त़मिनिन, मो दोरानुम, खोन्‍कि मो आम्‍नुओ निम्‍पाङ मु।

छाम्‍माय़ङ 14:3

खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

छाम्‍माय़ङ 2:1

पेन्‍तिकोस्‌नि अ़लोवाङाओ यहुदिचिओ अ़चुचानुचाओ लेन ताहिदा हाङ्‌पा येसुएदा साकोङ्‌छ़ङ कामुचि अ़क्‌तेप्‌दा म़कोवान्‍चिन।

छाम्‍माय़ङ 2:2

खोन्‍कि मोदा म़प्‍च़क़क्‌दा नाम्‍चोक्‌दुङ्‌का अ़धिवाङ ह़क साप्‍तिन्‌वा साप्‍तुय़रु, खोन्‍कि मो ह़क्‌ओ अ़साप्‍माआ मोचि म़युङाङाओ खिम्‌ङा झारा साप्‍तुखात्‍तु।

छाम्‍माय़ङ 2:4

खोन्‍किना मोचि झारा सेङ्‌लावाआ भेप्‍तुचिकि लावाआ सावा म़प़चि, खोन्‍कि मोचिआ नि य़ङ्‌चिदा चेप्‍मा अ़पुङ्‌सा।

छाम्‍माय़ङ 4:13

यहुदि बुसुवाचिआ पत्रुस खोन्‍कि युहन्‍ना मान्‍खिप्‍चिओ खोन्‍कि ताक्‍पेत्‍निओनि म़सिन्‍तुचि। मोवात्‍नि खोचिओ अ़चुराक अ़खाकिना मोचि दोम्‍तुदोचि। खोन्‍कि मोचि बुयादाङ्‌का येसुएनान अ़क्‍नि म़युङाङाओ खोचिआ म़सिन्‍तुचि,

छाम्‍माय़ङ 4:29

खोन्‍कि हान हाङ्‌पो, मोचिओ अ़चुदुङ्‌तिम एन्‍निप़नि। खोन्‍कि आन्‍कान्‍का आम्‍नुओ हारुक्‌चि आम्‍नुओ य़ङ राक्‌एनान खालुमा सावा प़नि।

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

याकुब 1:5

खानानिन्‌एदा साङ खारु अ़तोक्‍निनिन्‌नालो निनाम्‍हाङ्‌एदा दोत्‍ने, खोन्‍कि खोक्‍कोसाआ तोक्‍पो मिन्‍माआ यामान्‍सान्‍माङ मो अ़प़।