छाम्‍माय़ङ 4:30 - बान्‍तावा राई

³⁰ खोन्‍कि सेङ्‌याङ्‌ओ हारुक येसुओ अ़चुऩङ्‌लाम्‍पा कातुक म़नाचि नुखा खोन्‍कि बुन्‌चि खोन्‍कि म़दोम्‍दाओ काचिचि मुमादा आम्‍नुओ सावा आन्‍कान्‍का प़नि।”

छाम्‍माय़ङ 4:30 ပူးပေါင်းရင်းမြစ်များ

युहन्‍ना 4:48

येसुआ मो अ़लोवा, “खानानिन झारा बुन खोन्‍कि म़दोम्‍दाओ काचिचि मान्‍खाङ्‌माङ्‌तारि साकोङ्‌छ़ङ त़मुन्‍मिन।”

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

छाम्‍माय़ङ 2:43

ख्रिस्‍तओ अ़चुछाम्‍माय़ङ्‌चिआ ब़द्‍धे म़दोम्‍दाओ काचिचि मुयाङ्‌सा बुन्‌चि खाङ्‌म़मुसुचि, खोन्‍कि झारा यरुसलेम्‌दाओ म़नाचिआ निनाम्‍हाङ च़लोक अ़कित्‍ता।

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

छाम्‍माय़ङ 3:16

येसुओ अ़चुऩङ्‌दा साकोङ्‌छ़ङ मुन्‍काओसा ओ पेसोला म़ना नुवायुङ्‌सा। ओ पेसोला बुया देत्‍नि मुवाङाओ खानानिन त़खाम्‌ओङा ओ, खोन्‍कि त़सिन्‍तुम्‌योम्‌ओङा ओ। खो येसुएदा साकोङ्‌छ़ङ मुवाओसा खानानिन्‌आ त़खाम्‌योम्‌हिदाङा निनाम्‍हाङ्‌आ खो नुलोक अ़नुसा।

छाम्‍माय़ङ 3:6

खोन्‍किना पत्रुस्‌आ खो लो, “अ़ङ्‌काएदा हाराक्‌वा खोन्‍कि रुपा ना मात्‍द़ङ, मेन दि अ़ङ्‌काएदा युङ्‌याङ, मो अ़ङ्‌का खाना प़ना। नासरत्‌ओ येसु ख्रिस्‍तओ अ़चुऩङ्‌दा कोला!”

छाम्‍माय़ङ 4:10

खानानिन खोन्‍कि इस्राएल्‌दाओ झारा म़नाचिआ सिन्‍तानुम, खानानिन्‌आ क्रुस्‌दा त़ख़न्‍तुम्‍सेरुम्‌ओ नासरत्‌ओ येसु ख्रिस्‍त निनाम्‍हाङ्‌आ म़सुवादाओदाङ्‌का अ़ह़ङ्‌सालोइसा, येसुओ अ़चुऩङ्‌दा ओ म़ना नुवाकि आम्‍नुओ बुदा एप्‌याङ।

छाम्‍माय़ङ 4:27

अ़नुछ्‍याङा खानानिन्‌आ त़छेन्‍तुम्‌ओ म़सेङ्‌याङ्‌ओ आम्‍नुओ हारुक येसुओ अ़चुदेङ्‌सालाप्‍पादा थालि बाङ्‌सि हाङ हेरोद खोन्‍कि पन्‍तियस पिलातस इस्राएलि म़नाचि खोन्‍कि निरावाचिएनान म़तोङाकि ओ सहरादा म़कोवान्‍चिन।

छाम्‍माय़ङ 5:12

छाम्‍माय़ङ्‌चिआ ब़द्‍धे बुन्‌चि खोन्‍कि म़दोम्‍दाओ काचिचि म़नाचिओ अ़चुरादा म़मुचि। खोन्‍कि झारा साकोङ्‌छ़ङ कामुचि निनाम्‍हाङ ब़क्‍खाखिम्‌ओ सोलोमन्‌ओ अ़सिकुवादा अ़धुन अ़क्‍मिन्‍माआ म़कोवान्‌यान्‍चिन।

छाम्‍माय़ङ 6:8

खोन्‍कि निनाम्‍हाङ्‌आ स्‍तिफनस च़लोक आसिखा अ़पुवाकि सावाआ भेप्‍तु, खोन्‍कि म़नाचिओ अ़चुरादा अ़धिवा-अ़धिवा म़दोम्‍दाओ काचिचि खोन्‍कि बुन्‌चि मुचि।