छाम्‍माय़ङ 4:29 - बान्‍तावा राई

²⁹ खोन्‍कि हान हाङ्‌पो, मोचिओ अ़चुदुङ्‌तिम एन्‍निप़नि। खोन्‍कि आन्‍कान्‍का आम्‍नुओ हारुक्‌चि आम्‍नुओ य़ङ राक्‌एनान खालुमा सावा प़नि।

छाम्‍माय़ङ 4:29 ပူးပေါင်းရင်းမြစ်များ

छाम्‍माय़ङ 13:46

मेन पावल खोन्‍कि बारनाबास्‌आ राक्‌एनान अ़लासालोवाचुचिन, “निनाम्‍हाङ्‌ओ अ़चुय़ङ झारादाङ्‌का बुया खानानिन्‌ङा खाएत्‍मा दोराङाओ। मेन खानानिन्‌आ ओ ऩङात़छिरुम, खोन्‍कि खानानिन आप्‍पिङा अ़लुक्‍निन्‌ओ ह़ङ्‌म़ङ्‌आ त़खान्‍तिमिन्‌ओ त़काइसिन्‍चिन, खोन्‌ओसा हान आन्‍काच्‍या निरावाचिएदा लाच्‍या।

छाम्‍माय़ङ 14:3

खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

छाम्‍माय़ङ 19:8

खोन्‍किना पावल यहुदिचिओ अ़चुयावायोक्‍खिम्‌दा खाराकि यहुदिचिएनान सुम्‌कादोङ्‌वात्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा राक्‌एनान दुम्‍चामेत्‌याङ्‌सा दुम्‍तुसा।

छाम्‍माय़ङ 26:26

हाङ अग्रिपाआ ओ य़ङ्‌चिओ अ़तुक्‌वादा नुलोक अ़सिन्‌याङ, खोन्‍कि अ़ङ्‌का दिसुवा मान्‍मिन्‍माङ खोएनान हान्‍मा ऱङा। अ़ङ्‌का सिन्‍तुङ्‌योङ खानानिन्‌आ ओ म़लिसाओ य़ङ्‌चि झारा त़सिन्‍तुम्‌युङ्‌सुम्‍च़म, देकिनालो ओ य़ङ्‌चि अ़क्‌तात खुचुरोङ्‌दा म़लिसाओ माआङ।

छाम्‍माय़ङ 28:31

खोसाआ राक्‌एनान निनाम्‍हाङ्‌ओ अ़चुहाङ्‌होन खालुसुङु, खोन्‍कि हाङ्‌पा येसु ख्रिस्‍तओ अ़तुक्‌वादा झारा चिन्‍तुङुचि, खोन्‍कि साङ्‌आछाङ खो मान्‍छेक्‌अ़दाङा।

छाम्‍माय़ङ 4:13

यहुदि बुसुवाचिआ पत्रुस खोन्‍कि युहन्‍ना मान्‍खिप्‍चिओ खोन्‍कि ताक्‍पेत्‍निओनि म़सिन्‍तुचि। मोवात्‍नि खोचिओ अ़चुराक अ़खाकिना मोचि दोम्‍तुदोचि। खोन्‍कि मोचि बुयादाङ्‌का येसुएनान अ़क्‍नि म़युङाङाओ खोचिआ म़सिन्‍तुचि,

छाम्‍माय़ङ 4:21

खोन्‍किना यहुदि बुसुवाचिआ पत्रुस खोन्‍कि युहन्‍ना दन्‍दा प़खा लाम दित्‍छाङ मान्‍धित्‌अ़दाकि च़लोक म़दुङ्‌तुचिकि खोचि म़लेरुखाइसुचि, देकिनालो पेसोला म़ना नुवाओ अ़खाकि झारा म़नाचिआ निनाम्‍हाङ अ़चोन्‍ताङा।

छाम्‍माय़ङ 4:31

याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।

छाम्‍माय़ङ 9:27

मेन बारनाबास्‌आ सावल छाम्‍माय़ङ्‌चिएदा खात्‍तु। खोन्‍कि सावल्‌आ लाम्‌दा येसु देत्‍नि खाओ, खोन्‍कि हाङ्‌पा खोएनान म़हान्‍ताओ, खोन्‍कि खो दमस्‍कस्‌दा राक्‌एनान येसुओ अ़चुतुक्‌वादा खालुसुओ य़ङ मोचि खाएत्‍तुचि।

छाम्‍माय़ङ 9:28

खोन्‍किना सावल काखेङ्‌चिएनान अ़क्‍नि युङाकि झारा यरुसलेम्‌दा राक्‌एनान हाङ्‌पा येसुओ अ़चुतुक्‌वादा नुय़ङ्‌खान खालुवायुङ्‌साङा।

१ कोरिन्‍थि 14:13

खोन्‌ओसा, नि य़ङ काचेप्‌आ मोसोओ अ़तुप्‍माय़ङ फान्‍मा ऱमाओ निम्‍पाङ यामात्‍ने।

२ कोरिन्‍थि 3:12

खोन्‌ओसा, आन्‍काओ ओवाको सोम्‍कुवा मुयाङ्‌ओसा अ़न्‍नुनु आन्‍काओ राक याक्‌याङ।

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

२ तिमोथि 4:17

मेन झारा निरावाचिआ नुय़ङ्‌खान एन्‍मा अ़ऱने निकिना हाङ्‌पा अ़ङ्‌काएनान म़युङा, खोन्‍कि अ़ङ्‌का सावा ऩपुवाङ। मोवात्‍नि खोक्‍कोसाआ अ़ङ्‌का धिनाराओ अ़दोदाङ्‌का अ़लेइसाङ।