छाम्‍माय़ङ 4:13 - बान्‍तावा राई

¹³ यहुदि बुसुवाचिआ पत्रुस खोन्‍कि युहन्‍ना मान्‍खिप्‍चिओ खोन्‍कि ताक्‍पेत्‍निओनि म़सिन्‍तुचि। मोवात्‍नि खोचिओ अ़चुराक अ़खाकिना मोचि दोम्‍तुदोचि। खोन्‍कि मोचि बुयादाङ्‌का येसुएनान अ़क्‍नि म़युङाङाओ खोचिआ म़सिन्‍तुचि,

छाम्‍माय़ङ 4:13 ပူးပေါင်းရင်းမြစ်များ

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 26:71

मो बुक्‍लुङ्‌दाओ अ़वाङ्‌खा लाम्‌दा खारा। नि हारुक्‍माआ खा, खोन्‍कि मोदा कायुङ म़नाचि लोचि, “ओ म़ना नासरत्‌ओ येसुएनान युङाङाओ।”

मत्‍ति 26:73

अ़क्‍दुकि मोदा खाकाखाङ्‌चिआछाङ अ़च़क्‌दा म़ताकि पत्रुस अ़लोवा, “अ़नुछ्‍या, खानाछाङ मोचिएदाओ अ़क्‍छा ओ, देकिनालो आम्‌य़ङ्‌आङा खाना गालिल्‌दाओनि खाङ्‌त़मु।”

लुका 22:8

येसुआ पत्रुस खोन्‍कि युहन्‍ना ओवात्‍नि लोयाङ्‌सा म़छुत्‍तुचि, “खाराचिकि आन्‍को निकि काक्‍माखात्‍मा चानुचा चामा चुम्‍साचु।”

युहन्‍ना 19:26

खोन्‍कि येसुआ अ़चुमा खोन्‍कि खोक्‍कोसाआ सोमाअ़तुक्‍ताङाओ अ़चुकाखेङ्‌पा अ़चुच़क्‌दा म़एवाङाओ अ़खाकि खोक्‍कोसाआ अ़चुमा अ़लोवा, “आमो, खा-खानुम, आम्‍नुओ छा!”

युहन्‍ना 7:15

यहुदि बुसुवाचि दोम्‍तुदोचि खोन्‍कि म़य़ङा, “देम्‍खाछाङ मान्‍खिप्‌ओ ओ म़ना देत्‍नि काले लिसा?”

युहन्‍ना 7:49

मेन ओ मुक्‍लादाओ साङ्‌आ य़ङ्‌हुप अ़लेसुन, मो माङ्‌हिम्‍सायुङ्‌सा।”

छाम्‍माय़ङ 4:14

मेन मो नुवाओ म़ना पत्रुस खोन्‍कि युहन्‍नाओ अ़चुच़क्‌दा एवाङाओ अ़खाकि बुसुवाचिआ खोचिओ अ़चुदेङ्‌सालाप्‍पादा देत्‍छाङ लोमा मान्‍ऱम़दोचि।

छाम्‍माय़ङ 4:19

मेन पत्रुस खोन्‍कि युहन्‍नाआ मोचि अ़लासालोवाचुचिन, “निनाम्‍हाङ्‌ओ अ़चुबुदा आम्‍नुओ य़ङ एन्‍मा अ़नुवाक हे, निनाम्‍हाङ्‌ओ अ़चुय़ङ एन्‍मा अ़नुवाक? खानानिन्‌ङा अ़छ़ङ मुवानुम।

छाम्‍माय़ङ 4:29

खोन्‍कि हान हाङ्‌पो, मोचिओ अ़चुदुङ्‌तिम एन्‍निप़नि। खोन्‍कि आन्‍कान्‍का आम्‍नुओ हारुक्‌चि आम्‍नुओ य़ङ राक्‌एनान खालुमा सावा प़नि।

छाम्‍माय़ङ 4:31

याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।

छाम्‍माय़ङ 9:27

मेन बारनाबास्‌आ सावल छाम्‍माय़ङ्‌चिएदा खात्‍तु। खोन्‍कि सावल्‌आ लाम्‌दा येसु देत्‍नि खाओ, खोन्‍कि हाङ्‌पा खोएनान म़हान्‍ताओ, खोन्‍कि खो दमस्‍कस्‌दा राक्‌एनान येसुओ अ़चुतुक्‌वादा खालुसुओ य़ङ मोचि खाएत्‍तुचि।

छाम्‍माय़ङ 9:28

खोन्‍किना सावल काखेङ्‌चिएनान अ़क्‍नि युङाकि झारा यरुसलेम्‌दा राक्‌एनान हाङ्‌पा येसुओ अ़चुतुक्‌वादा नुय़ङ्‌खान खालुवायुङ्‌साङा।

१ कोरिन्‍थि 1:27

मेन निनाम्‍हाङ्‌आ ताया कातोक्‌चि लेजो मेत्‍माचि निकिना हेन्‍खामादाओ खामान्‍सिन य़ङ्‌चि म़छेन्‍तुचि, खोन्‍कि काछोचि लेजो मेत्‍माचि निकि हेन्‍खामादाओ मान्‍ऱकादा य़ङ्‌चि म़छेन्‍तुचि।

१ कोरिन्‍थि 14:25

मोसोओ अ़साकोङ्‌वा हुत्‌याओ य़ङ्‌चि खाङ्‌म़मुनान्‍चिन, खोन्‍कि बोम्‍नान्‍चिन्‌कि मोसाआ निनाम्‍हाङ ब़क्‍तु, खोन्‍कि मोसाआ “निनाम्‍हाङ आम्‍नुओ रादा म़युङ्‌याङ”नि खालुसु।

२ कोरिन्‍थि 3:12

खोन्‌ओसा, आन्‍काओ ओवाको सोम्‍कुवा मुयाङ्‌ओसा अ़न्‍नुनु आन्‍काओ राक याक्‌याङ।