छाम्‍माय़ङ 3:26 - बान्‍तावा राई

²⁶ खोन्‍कि खानानिन झारा इस्राएलिचि आम्‍नुओ अ़त्‍लो काचिचिदाङ्‌का लामाकि आसिखा प़मा निकिना निनाम्‍हाङ्‌आ अ़छेन्‍ताओ अ़चुछा येसु बुया खानानिन्‌एदा अ़य़सा।”

छाम्‍माय़ङ 3:26 ပူးပေါင်းရင်းမြစ်များ

मत्‍ति 1:21

मोसाआ अ़क्‍छा दुवाछा तोक्‍तु, खोन्‍कि खाना खोक्‍कोसोओ अ़चुऩङ येसु त़पाक्‍तु, देकिनालो खोक्‍कोसाआ अ़चुम़नाचिओ अ़चुहेवाचिदाङ्‌का म़लेइसुचि।”

मत्‍ति 15:24

खोक्‍को म़य़ङा, “अ़ङ्‌का इस्राएल रावादा म़माखाराओ भेराचिओ निम्‍पाङ ओन्‍ङा छुत्‍माय़ङ ओ।”

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

युहन्‍ना 4:22

खानानिन सामरिचि दि त़ब़क्‍तुम्‌योम मो त़सिन्‍तिमिन। आन्‍कान्‍का दि ब़क्‍तुम्‍का मो आन्‍कान्‍का सिन्‍तुम्‍का, देकिनालो कालेन यहुदिचिदाङ्‌का ता।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 13:26

अ़ङ्‍इस्राएलि ब़ब़, नाना खोन्‍कि निछाचि ओ, अब्राहाम्‌ओ अ़छावारिचि खोन्‍कि निनाम्‍हाङ काब़क निरावा यावाचि ओ, निनाम्‍हाङ्‌आ आन्‍कान लेन्‍माओ य़ङ्‌खान अ़तासायुङ्‌सा।

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

छाम्‍माय़ङ 2:32

ओ येसुङा निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोन्‍कि ओ य़ङ्‍ओ आन्‍कान झारा अ़सालुम्‍स़ङ युङिन्‌येन।

छाम्‍माय़ङ 26:20

बुया दमस्‍कस्‌दा कायुङ यहुदिचि खोन्‍कि यरुसलेम्‌दाओचि खोन्‍कि झारा यहुदियादाओचि खोन्‍कि निरावाचिआछाङ ‘हेवा मुमा छिरानुम्‌कि निनाम्‍हाङ्‌एदा लासानिन, खोन्‍कि हेवादाङ्‌का त़लासिन्‌ओ आम्‍नुओ अ़नुवाक काचिचिलाम्‍पा खाङ्‌मुसानुम।’ निकिना अ़ङ्‌का म़नाचि खाएत्‍तुङ्‌च़ङ।

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

छाम्‍माय़ङ 3:20

खोन्‍किना निनाम्‍हाङ्‌आ खानानिन सावातोम्‍मा ऩप़न, खोन्‍कि बुयाङा अ़छेन्‍ताओ कालेन्‍पा ख्रिस्‍त येसु निनाम्‍हाङ्‌आ खानानिन ऩछुत्‍तिन्‍छोक्‍तिन।

छाम्‍माय़ङ 3:22

मोसा य़ङायुङ्‌सा, ‘हाङ्‌पा निनाम्‍हाङ्‌आ अ़ङ्‌का ऩछेन्‍ताङ्‌वात्‍नि आम्‍नुओ म़नाचिदाङ्‌का अ़ङ्‌कावाको अ़क्‍छा निनाम्‍हाङ्‌य़ङ खाकालु अ़छेन। खोक्‍कोसाआ ऩलोन्‌ओ झारा य़ङ्‌चि खानानिन्‌आ नुलोक एन्‍मादोत।

छाम्‍माय़ङ 3:25

खानानिन निनाम्‍हाङ्‌य़ङ खाकालुचिओ अ़चुछाचि ओ, खोन्‍कि निनाम्‍हाङ्‌आ आम्‍नुओ सुन्‍तुम्‌चिएनान अ़मुवाओ हिप्‍माय़ङ खानानिन्‌एदाछाङ अ़ताला। देकिनालो निनाम्‍हाङ्‌आ अब्राहाम लो, ‘अ़ङ्‌का ओ हेन्‍खामादाओ झारा म़नाचि आम्‍छाचिलाम्‍पा आसिखा प़ङ्‌च़ङ।’

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 15:29

अ़ङ्‌का सिन्‍तुङ्‌योङ, अ़ङ्‌का खानानिन्‌एदा बान्‍ङाहिदा ख्रिस्‍तओ च़लोक अ़चुआसिखादा बान्‍ङा।

रोमि 15:8

अ़ङ्‌का खानानिन लोनानिन, ख्रिस्‍त देकि सिप्‍मायाम्‍बुन म़लिसाओचिओ अ़चुहारुक म़लिसाओनालो, आन्‍सुन्‍तुम्‌चिएदा खोक्‍कोसाआ अ़मुवाओ हिप्‍माय़ङ्‌चिदा निनाम्‍हाङ अ़छ़ङ म़मुयाङ निकिना खाङ्‌मुमा ख्रिस्‍त सिप्‍मायाम्‍बुन म़लिसाओ।

एफिसि 1:3

आन्‍हाङ्‌पा येसु ख्रिस्‍तओ अ़चुनिनाम्‍हाङ खोन्‍कि अ़चुपाओ अ़चुऩङ चोन्‍ने, खोक्‍कोसाआ आन्‍कान निनाम्‍मादुओ युङ्‌खाचिदा झारा लावामि आसिखा ख्रिस्‍तदा म़पुवायुङ्‌सा।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।