छाम्‍माय़ङ 3:19 - बान्‍तावा राई

¹⁹ खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

छाम्‍माय़ङ 3:19 ပူးပေါင်းရင်းမြစ်များ

मत्‍ति 13:15

देकिनालो ओ म़नाचिओ अ़चुओ मिन्‍माचि मान्‍तुप्‍कादा लिसायुङ्‌सा। खोन्‍कि मोचिओ अ़चुओ नाबाक खामान्‌एन्‍कादा लिसायुङ्‌सा। खोन्‍कि मोचिआ अ़चुओ म़क अ़सिप्‍तायुङ्‌सा। माङ्‌नालो मोचिआ अ़चुओ म़क्‌आ खाङ्‌मा अ़रुवाओ, खोन्‍कि अ़चुओ नाबाक्‌आ अ़एनाओ, खोन्‍कि अ़चुसाकोङ्‌वाआ अ़तुप्‍ताओ। खोन्‍कि अ़ङ्‌काएदात्‍नि म़लासाओ, खोन्‍कि अ़ङ्‌का मोचि नुसुङ्‌च़ङ्‌ओ’।

मत्‍ति 18:3

खोन्‍किना येसुआ म़लोचि, “अ़नुछ्‍या अ़ङ्‌का खानानिन लोनानिन, आम्‍नुओ मिन्‍मा त़फान्‍तुम्‌कि मो छावात्‍नि त़लिसिमिन्‌नालो खानानिन देम्‍खाछाङ निनाम्‍मादुओ अ़चुहाङ्‌होन्‌दा वाङ्‌मा त़ऱन्‍मिन।

लुका 1:16

खोसाआ इस्राएल्‌ओ अ़छाचि ब़द्‍धेकापाङ अ़चुहाङ्‌पा निनाम्‍हाङ्‌ह्‍यात्‍नि म़लासुचि।

लुका 22:57

मेन पत्रुस्‌आ अ़ऩङाछिरुकि य़ङा, “मेत्‍छामो, अ़ङ्‌का ना खो अ़सिन्‍ऩङ।”

छाम्‍माय़ङ 1:6

खोन्‍किना छाम्‍माय़ङ्‌चि आदेङ्‌माङ अ़क्‍नि म़कोवान्‍चिन्‌हिदा खोचिआ येसु अ़सेना, “हाङ्‌पो, दि खानानिन ओन्‍ग़रिङा हाङ त़लिसिन्‌किना रोमिचिदाङ्‌का आन्‍काओ हेन्‍कोप आन्‍कान्‍का इस्राएलिचि त़लानिप़निङ्‌नि?”

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 11:21

खोन्‍कि हाङ्‌पाओ अ़सावा मोचिएदा याआङाओसा ब़द्‍धेकापाङ म़नाचि साकोङ्‌छ़ङ म़मुवाकि हाङ्‌पाएदात्‍नि म़लासा।

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 17:26

खोन्‍कि झारा हेन्‍खामादा म़युङ्‌ने निकिना निनाम्‍हाङ्‌आ अ़क्‍छा म़नाएदाङ्‌का झारा रावाचि म़मुयुचि। खोक्‍कोसाआ बुयाङा अ़चुह़ङ्‌मा खोन्‍कि अ़चुस़माओ ग़रिकिना अ़चुयाक्‍खा युङ्‌खाओ अ़इन्‌चिछाङ अ़छ़ङ म़मेत्‍तुप़चि।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 28:27

देकिनालो ओ म़नाचिओ अ़चुओ मिन्‍माचि मान्‍तुप्‍कादा लिसायुङ्‌सा। खोन्‍कि मोचिओ अ़चुओ नाबाक खामान्‌एन्‍कादा लिसायुङ्‌सा, खोन्‍कि मोचिआ अ़चुओ म़क अ़सिप्‍तायुङ्‌सा। माङ्‌नालो मोचिआ अ़चुओ म़क्‌आ खाङ्‌मा अ़रुवाओ, खोन्‍कि अ़चुओ नाबाक्‌आ अ़एनाओ, खोन्‍कि अ़चुसाकोङ्‌वाआ अ़तुप्‍ताओ। खोन्‍कि अ़ङ्‌काएदात्‍नि म़लासाओ, खोन्‍कि अ़ङ्‌का मोचि नुसुङ्‌च़ङ्‌ओ।’

छाम्‍माय़ङ 3:20

खोन्‍किना निनाम्‍हाङ्‌आ खानानिन सावातोम्‍मा ऩप़न, खोन्‍कि बुयाङा अ़छेन्‍ताओ कालेन्‍पा ख्रिस्‍त येसु निनाम्‍हाङ्‌आ खानानिन ऩछुत्‍तिन्‍छोक्‍तिन।

छाम्‍माय़ङ 3:21

येसु ओन्‍ग़रि निनाम्‍मादु म़युङ्‌याङ। खोन्‍कि निनाम्‍हाङ्‌आ झारा सामाचि अ़ऩङ्‌वा अ़मुकि ओन्‍ङा खोक्‍को म़य़। मो य़ङ आराङ्‌राङ निनाम्‍हाङ्‌आ म़सेङ्‌याङ्‌ओ निनाम्‍हाङ्‌य़ङ खाकालुचिलाम्‍पा म़चेवायुङ्‌सा।

रोमि 11:25

ब़ब़, नाना खोन्‍कि निछाचि ओ, आम्‍नुओ आप्‍पिओ तोक्‍पोदा काले लिमा त़लामिन हे निकिना खानानिन्‌आ ओ अ़कोङ्‌दुम त़तुप्‍तुम्‍नेनि अ़ङ्‌का मिन्‍ङाङा। तामादोत्‌ओ झारा निरावाचि ख्रिस्‍तदा ऩतानिन्‌तारि इस्राएलिचिओ अ़चुसाकोङ्‌वा छाक्‍लो लि।

२ थेसलोनिकि 1:10

मो लेन खोक्‍कोसोओ अ़चुम़नाचिएदाङ्‌का साया मेत्‍लुसि खोन्‍कि खोक्‍कोएदा साकोङ्‌छ़ङ कामुचिएदाङ्‌का चोन्‍लुसि म़ता। खोन्‍कि खानानिन्‌छाङ मो साकोङ्‌छ़ङ कामुचिएदा त़याइन, देकिनालो आन्‍काओ सालुम्‍स़ङ्‌दा खानानिन साकोङ्‌छ़ङ त़मुम।

२ थेसलोनिकि 1:7

खोन्‍कि खानानिन दुखा कातोक्‌चि आन्‍कान्‍काएनान अ़क्‍नि सावा त़तोम्‍सिन। हाङ्‌पा येसु ख्रिस्‍त अ़चुसावापोरिओ निनाम्‍हाङ काफाचिएनान लेत्‌याङ्‌ओ मिदा निनाम्‍मादुङ्‌का खाङ्‌म़मुनान्‍चिन्‌हिदा खोक्‍कोसाआ ओ अ़मु।

२ तिमोथि 2:25

खोन्‍कि सिम्‍नान्‍चिन्‍सा अ़चुमिन्‍मालामाकिना फित्‍चि कामुचि यायोक काप़ लिमादोत। मोवात्‍नि निनाम्‍हाङ्‌आ मोचि अ़छ़ङ तुप्‍मा मिन्‍मा म़प़चि हे।

हिब्रु 4:1

निनाम्‍हाङ्‌ओ अ़चुसावातोम्‍खादा वाङ्‌माओ हिप्‍माय़ङ हान्‍छाङ युङ्‌याङ। खोन्‌ओसा आन्‍कान चाप्‍चेत्‍मान्‍चिन्‍दोत खोन्‍कि खानानिन्‌एदाङ्‌का साङ्‌छाङ मो हिप्‍माय़ङ सावातोम्‍खादा मान्‍तालामादामादा त़छुक्‍तिमिन्‍ने।

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।

२ पत्रुस 3:8

मेन सोमातुक्‍नाङ्‌नानिन्‌ओ अ़ङ्‌यावाचि ओ, अ़क्‌तात य़ङ मान्‍मान्‍केदानुम: हाङ्‌पा निनाम्‍हाङ्‌ओ निम्‍पाङ अ़क लेन अ़क हजाराकादोङ्‌वा, खोन्‍कि अ़क हजाराकादोङ अ़क लेन्‌वात्‍नि मु।

खाङ्‌मुमा 21:4

खोक्‍कोसाआ मोचिओ अ़चुम़क्‌दाओ अ़चुम़क्‌वा झारा म़त़क्‍तुप़चि। मोदा स़माङा मात्‍द़ङ, खोन्‍कि सोखा, खाप्‍मा खोन्‍कि योक्‍माछाङ अ़लिनिन। देकिनालो बुयाओ य़ङ्‌चि म़खाराचिआ।”