छाम्‍माय़ङ 28:7 - बान्‍तावा राई

⁷ आन्‍कान्‍का लोन्‍तिन्‍काओ मो खाम्‍दाक्‌ओ अ़च़क्‌दा अ़धुवाताङ पब्‍लियस अ़ऩङ मुवाङाओसो अ़व़क छुक्‍ताङा। खोसाआ आन्‍कान्‍का सोमाअ़तुक्‍तिन्‍काकि अ़खिम्‌दा साऩङ्‌वा अ़मेत्‍तिन्‍का खोन्‍कि सुम्‌कालेन्‌तारि तावाङ अ़मुन्‍काकि आन्‍काओ ऩङाअ़नुसिन्‍का।

छाम्‍माय़ङ 28:7 ပူးပေါင်းရင်းမြစ်များ

छाम्‍माय़ङ 13:7

मो म़क्‍फेङ कामु धिखाहुप्‌हाङ सर्गियस पावलस्‌एनान युङाङा। सर्गियस पावलस खारु कातोक याआङा। खो निनाम्‍हाङ्‌ओ अ़चुय़ङ एन्‍मानि मिनाङाओसा सावल खोन्‍कि बारनाबास बुत्‍तुचि।

छाम्‍माय़ङ 18:12

मेन गलियोन अखैया धिखाहुप्‌दाओ हाङ्‌काचि कामु लिसाहिदा यहुदिचि म़तोङाकि पावल अ़लावा, खोन्‍कि खो छ़ङ्‌छेन्‍खादा अ़तारा।

छाम्‍माय़ङ 23:24

खोन्‍किना पावल रात्‌याङ्‌सा धिखाहुप काखाङ फेलिक्‍सएदा छोङ्‌सादानुम। पावल्‌ओ निम्‍पाङ्‌छाङ युक्‌वाचि तोङ्‌सानुम्‍च़म।”

छाम्‍माय़ङ 28:2

मो खाम्‍दाक्‌दाओ म़नाचिआ आन्‍कान्‍का अ़न्‍नुनु सोमाऩतुक्‍तिन्‍का। मोन्‍ग़रि वा ताकि चुङा लुवाङाओसा मोचिआ मि म़तुम्‍ता खोन्‍कि आन्‍कान्‍का झारा भुक्‍सि ऩबुत्‍तिन्‍का।

छाम्‍माय़ङ 28:6

खोन्‍कि म़नाचिआ पावल होम्‍लोन माङ्‌लो च़क्‍नि तेन्‌कि स़दा निकिना अ़हुङाङा। मेन ब़द्‍धेतारि अ़हुङाकिछाङ खो देत्‍छाङ मान्‍लिओ अ़खाकिना मोचिआ अ़चुमिन्‍मा अ़फान्‍ताकि “ओ ना माङ ओ!”नि मोचि म़य़ङा।

छाम्‍माय़ङ 28:8

मोन्‍ग़रि पब्‍लियस्‌ओ अ़पा माङ्‌धिन खोन्‍कि कोङ्‌लेन्‍मा सारिमाआ तुआकि इम्‍साङा। खोन्‍कि पावल खो तुप्‍सि खाराकि यामात्‍तु प़ खोन्‍कि अ़छुक खोएदा युङ्‌सुकि खो नुसु।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

हिब्रु 13:2

प़न्‍था काकोत्‌चि ब़त्‍मा ऩङामान्‍छित्‌दानुम्‍च़म। ओवात्‍निङा खा-खाक्‍कोचिआ मान्‍सिन्‍माङ निनाम्‍हाङ काफाचि साऩङ्‌वा म़मेत्‍तुयुङ्‌सुचि।