छाम्‍माय़ङ 26:17 - बान्‍तावा राई

¹⁷ अ़ङ्‌का खाना यहुदि आम्‍म़नाचि खोन्‍कि निरावाचिएदाङ्‌का रात्‍ना। अ़ङ्‌का खाना मोचिएदाङा छुत्‍नाङ्‌ना।

छाम्‍माय़ङ 26:17 ပူးပေါင်းရင်းမြစ်များ

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 16:39

खोन्‍किना मोचि म़ताकि पावल खोन्‍कि सिलास्‌एदा लेत्‍प़म़लुवा। खोन्‍कि खोचि छेक्‍खाखिम्‌दाङ्‌का बुङ्‌खाया म़लोत्‍तुचिकि “सहरा छित्‍निदानिप़नि”नि म़लोचि।

छाम्‍माय़ङ 17:10

साकोङ्‌छ़ङ कामुचिआ खाखुत्‍ताङावा पावल खोन्‍कि सिलास बेरिया सहरादा म़छुत्‍तुखाइसुचि। खोन्‍कि मोदा तालाचिकि खोचि यहुदिचिओ अ़चुयावायोक्‍खिम्‌दा खाराचि।

छाम्‍माय़ङ 17:14

खोन्‍किना साकोङ्‌छ़ङ कामुचिआ धियाङ्‌वामाओ अ़केम्‌दा च़क्‍नि पावल अ़छुत्‍ताखाइसा। मेन सिलास खोन्‍कि तिमोथि बेरियादाङा युङालाराचि।

छाम्‍माय़ङ 18:10

देकिनालो अ़ङ्‌का खानाएदा याक्‍ङाङा, खोन्‍कि साङ्‌आछाङ खाना ऩझोम्‌कि देत्‍छाङ मुमा ऩऱनान, देकिनालो ओ सहरादा ब़द्‍धे अ़ङ्‌म़नाचि म़युङ्‌याङ।”

छाम्‍माय़ङ 25:3

मोचिआ पावल यरुसलेम छुत्‍निछोक्‍निनि फेस्‍तसएदा छुक म़फाङ्‌ता। देकिनालो मोचिआ लाम्‌दाङा सुक्‍माकि पावल सेत्‍मा थालि म़बाङ्‌ताङा।

छाम्‍माय़ङ 28:28

खानानिन्‌छाङ सिन्‍मादोत, निनाम्‍हाङ्‌ओ अ़लेन्‍मा निरावाचिएह्‍यात्‍नि अ़खाइसायुङ्‌सा, खोन्‍कि मोचिआ अ़एन।” [

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 11:13

हान खानानिन निरावाचिओ निम्‍पाङ अ़ङ्‌का चेप्‍ङाङा। अ़ङ्‌का निरावाचिओ निम्‍पाङ छाम्‍माय़ङ्‌ओसा अ़ङ्‌का अ़ङ्‌काचिदा झारा अ़ङ्‌मिन्‍मा पाक्‍तुङ।

रोमि 15:16

निनाम्‍हाङ्‌ओ अ़चुआसिखालाम्‍पा अ़ङ्‌का येसु ख्रिस्‍तओ अ़चुतुक्‌वादा निरावा म़नाचि नुय़ङ्‌खान खाएत्‍तुङ्‌च़ङ। ओवात्‍नि, अ़ङ्‌का अ़क्‍छा काब़क्‍पा लिसाङ्‌किना निनाम्‍हाङ्‌ओ अ़चुऩङानुओ हेन्‍खोक्‌वा प़सि निरावाचि खोक्‍कोसोओ अ़चुबुदा बात्‍तुङ्‌च़ङ। मोचि सेङ्‌लावाआ सेङ्‌लो म़मुयुङ्‌सुचिओ।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

२ तिमोथि 1:11

खोन्‍कि ओ नुय़ङ्‌खान्‌ओ निम्‍पाङ अ़ङ्‌का अ़क्‍छा खाकालु, खोन्‍कि छाम्‍माय़ङ खोन्‍कि काचिन ऩछेन्‍ताङ।

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।