छाम्‍माय़ङ 26:10 - बान्‍तावा राई

¹⁰ अ़ङ्‌का मुलो काब़क्‍पाचिलाम्‍पा पाङ तोक्‍तुङ्‌कि यरुसलेम्‌दाओ ब़द्‍धे साकोङ्‌छ़ङ कामुचि छेक्‍खाखिम्‌दा छेक्‍सि खाइसुङ्‌च़ङ्‌ओ ओन्‍ङा माआङ, मेन खोचि सेत्‍मादाछाङ काङ्‌साङ।

छाम्‍माय़ङ 26:10 ပူးပေါင်းရင်းမြစ်များ

छाम्‍माय़ङ 7:58

मोचिआ स्‍तिफनस सहरादाङ्‌का बुङ्‌खाया अ़सारालोत्‍ता, खोन्‍कि लुङ्‌ताक्‌आ अ़कोवा। खोन्‍कि मोन्‍ग़रि सालुम्‍स़ङ्‌चिआ अ़चुबोप्‍खुचि म़हुरुचिकि सावल अ़ऩङ मुवाङाओ थाङाछाओ अ़लाङ च़क्‌दा म़युङ्‌सुचि।

छाम्‍माय़ङ 8:1

स्‍तिफनस लुङ्‌ताक्‌आ वेन्‍मासेत्‍मादा सावल काङ्‌सा। मो लेन्‌ङा यरुसलेम्‌दा साम्‍भुङ्‍ओ अ़देङ्‌सालाप्‍पादा म़नाचिआ चाअ़त्‍लो दुखा प़मा म़पुक्‍तुचि। खोन्‍कि छाम्‍माय़ङ्‌चिदाङ्‌का नि झारा साकोङ्‌छ़ङ कामुचि यहुदिया खोन्‍कि सामरिया धिखाहुप्‌चिदात्‍नि म़रिसाखारा।

छाम्‍माय़ङ 8:3

मेन सावल्‌आ साम्‍भुङ्‌चि लुक्‍मा लाप्‍तुङुचि। खोसाआ खिम-खिम्‌दा खात्‌याङ्‌सा दुवाछाचि खोन्‍कि मेत्‍छामाचि सात्‍खात्‌याङ्‌सा छेक्‍खाखिम्‌दा छेक्‍तुङुचि।

छाम्‍माय़ङ 9:21

खोन्‍कि झारा खोसोओ अ़य़ङ काएन्‌चि दोम्‍तुदोचिकि मोचि, “ओ म़ना येसुएदा साकोङ्‌छ़ङ कामुचि यरुसलेम्‌दा कालुक खोन्‍कि ओदाछाङ मोचि छ़माचिकि मुलो काब़क्‍पाचिएदा खात्‍माचि मिन्‍माआ बानाओ माआङ कि?”नि म़य़ङा।

छाम्‍माय़ङ 9:26

सावल यरुसलेम्‌दा तालाकि काखेङ्‌चिएनान होन्‍मान्‍चिन लामा, मेन मो काखेङ्‌चि सावल्‌दाङ्‌का म़क़सा, देकिनालो मोचिआ खो अ़नुछ्‍याओ काखेङ निकिना साकोङ्‌छ़ङ मान्‍मुअ़दा।

छाम्‍माय़ङ 9:32

अ़क्‍दु पत्रुस झारा साकोङ्‌छ़ङ कामुचि तुप्‌याङ्‌सा कोलालुक्‍ताङाहिदा लुद्‍दा सहरादा कायुङ निनाम्‍हाङ्‌ओ अ़चुम़नाचिछाङ तुप्‍सि धा।

छाम्‍माय़ङ 9:41

खोन्‍कि पत्रुस्‌आ मोसोओ अ़छुक्‌दा लाउकि पुउलोइसु। खोन्‍किना खोसाआ साकोङ्‌छ़ङ कामुचि खोन्‍कि मेन्‍मित्‍माचि बुत्‍तुचिकि मो लासाह़ङाओ मोचि खाङ्‌मेत्‍तुचि।

१ कोरिन्‍थि 15:9

छाम्‍माय़ङ म़नाचिएदाङ्‌काओ अ़ङ्‌का अ़चुप्‍पाङ ओ। अ़ङ्‌का छाम्‍माय़ङ म़नानि लोमा अ़खान्‍ऩङ, देकिनालो अ़ङ्‌का निनाम्‍हाङ्‌ओ अ़चुसाम्‍भुङ दुखा प़ङ।

गलाति 1:13

अ़ङ्‌का यहुदि साम्‌योक्‌दा याआङ्‌याङ्‌हिदा बुया अ़ङ्‌का द्‍याक्‍को मुवाङ्‌याङ्‌निओ य़ङ्‌ओ अ़तुक्‌वादा खानानिन्‌आ त़एनुम्‌युङ्‌सुम, देत्‍नि अ़ङ्‌का निनाम्‍हाङ्‌ओ अ़चुसाम्‍भुङ्‌चि चाअ़त्‍लो दुखा प़ङ्‌च़ङ, खोन्‍कि मोचि लुक्‍मा लाप्‍तुङ्‌च़ङ।

एफिसि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

खाङ्‌मुमा 17:6

येसुएदा मोचि सोम्‍कुवा म़मुवाओसा मेत्‍छामाआ साकोङ्‌छ़ङ कामुचि सेरुचिओ खोन्‍कि मोसाआ अ़चुह़ दुङुकि सेरुओ खाङ्‌कि अ़ङ्‌का चाअ़त्‍लो अ़दोम्‍ताङ्‌दाङ।