छाम्‍माय़ङ 24:25 - बान्‍तावा राई

²⁵ मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”

छाम्‍माय़ङ 24:25 ပူးပေါင်းရင်းမြစ်များ

मत्‍ति 22:5

मेन मोचिआ मान्‌एन्‍सुलावा मुयाङ्‌सा अ़क्‍छा अ़व़क्‌दा नितात अ़खित्‍खा-अ़इन्‍खादात्‍नि खारा।

युहन्‍ना 16:8

खोन्‍कि खोक्‍को म़ताकिना हेन्‍खामादाओ म़नाचि हेवा, अ़नुवाक लिमा खोन्‍कि छ़ङ्‌छेन्‍माओ अ़तुक्‌वादा मोचिआ अ़फियाङ निकिना खाङ्‌म़मेत्‍तुचि।

छाम्‍माय़ङ 10:42

खोन्‍कि येसुआ आन्‍कान्‍का ऩलोन्‌युङ्‌सिन्‍का, ‘निनाम्‍हाङ्‌आ अ़ङ्‌का अ़ह़ङ्‌चि खोन्‍कि म़सुवादाओचिओ अ़चुछ़ङ्‌छेइसि अ़छेन्‍ताओ निकिना खालुसानुम खोन्‍कि सालुम्‍स़ङ पुवानुम।’

छाम्‍माय़ङ 17:13

थेसलोनिकेदा म़युङाङाओ यहुदिचि बेरियादाछाङ म़तालाकि पावल्‌आ निनाम्‍हाङ्‌ओ अ़चुय़ङ खालुसुङुनिओ य़ङ अ़एनाकि पावल्‌ओ अ़देङ्‌सालाप्‍पादा मुक्‍लाचि म़चोङ्‌सुचि।

छाम्‍माय़ङ 17:2

पावल अ़धुन चुवाङावा यावायोक्‍खिम्‌दा वाङा। खोसाआ सुम्‌कासातातारि साम्‍कालिन्‌ओ अ़तुक्‌वादा मोदाओ म़नाचिएनान दुम्‍म़तुसा।

छाम्‍माय़ङ 17:32

स़दाओदाङ्‌का म़ना म़खोन्‍लोन्‌नि पावल य़ङाओ अ़एनाकि खा-खाक्‍कोचिआ खो अ़सुङ्‌ता। मेन निचिआ अ़लोवा, “आन्‍कान्‍का ओ य़ङ्‍ओ अ़तुक्‌वादा अ़क लेन खाना च़लोक लानिखाएत्‍नि।”

छाम्‍माय़ङ 2:37

पत्रुस य़ङाओ य़ङ म़नाचिआ अ़एनाकिना अ़चुसाकोङ्‌वा अ़न्‍नुनु चाअ़त्‍सा, खोन्‍किना मोचिआ पत्रुस खोन्‍कि नि छाम्‍माय़ङ्‌चि म़सेनुचि, “ब़ब़-निछाचि ओ, खोन्‍नालो आन्‍कान्‍का दे च़मादोत?”

छाम्‍माय़ङ 24:15

अ़ङ्‌का मो म़नाचिवाङा साम्‌योक्‍मि खोन्‍कि मान्‍साम्‌योक्‍मि ह्‍वातात्‍माङ म़स़दाओदाङ्‌का म़लाखोन्‍लोन निकिना निनाम्‍हाङ्‌एदा सोम्‍कुवा मुयाङ्‌सा हुङुङ्‌योङ।

छाम्‍माय़ङ 24:26

फेलिक्‍स्‌आ पावल्‌दाङ्‌का फेक्‌वा तोक्‍तुङ हे निकिनाछाङ तामित्‍मा मुवाङा, खोन्‌ओसा खोसाआ अ़दु-अ़दु खो खुत्‍लुवाकि खोएनान हान्‍ताङाचि।

छाम्‍माय़ङ 26:28

अग्रिपाआ पावल लासुलो, “ओन च़क्‍नि दि खाना अ़ङ्‌का सोन्‍माकि ख्रिस्‍तियान मुमा ऱङ्‌नि त़मित्‍ङाङा?”

छाम्‍माय़ङ 9:6

हान पुवालोन्‍ताकि सहरादा खारा, खोन्‍कि खाना दि मुमादोत, मोदा खाना खाऩएत।”

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 14:12

खोन्‌ओसा आन्‍कान झारासाआ आ-आप्‍पि मुम्‌ओ आन्‍काचिओ अ़खिप निनाम्‍हाङ प़मादोत।

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

२ कोरिन्‍थि 6:2

देकिनालो खोक्‍को म़य़ङ्‌याङ, “तोङाङाओ ग़रिदा अ़ङ्‌का आम्‍बुत्‍माय़ङ एनुङ, खोन्‍कि लेन्‍माओ लेन्‌दा अ़ङ्‌का खाना फाना।” खाखो, तोङ्‌ओ ग़रि ओन्‍ग़रिङा ओ, लेन्‍माओ लेन ओन्‍ग़रिङा ओ।

गलाति 3:22

मेन साम्‍कालिन्‌आ खालुसु, झारा हेन्‍खामा हेवाआ क़म्‍तुयुङ्‌सु, खोन्‌ओसा खाक्‍को हिप्‍माय़ङ येसु ख्रिस्‍तएदा साकोङ्‌छ़ङ्‌लाम्‍पा प़माय़ङ्‌ओ, मो साकोङ्‌छ़ङ कामुचि म़प़ने।

गलाति 5:23

सिम्‍मान्‍चिन, क़म्‍मान्‍चिन ओ। ओवाको य़ङ्‌चिओ अ़चुदेङ्‌सालाप्‍पादा य़ङ्‌हुप मात्‍द़ङ।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

तितस 1:8

खोक्‍को तावाङ्‌चि साऩङ्‌वा कामेत खोन्‍कि अ़नुवाक य़ङ ऩङाकानु खोन्‍किना अ़खारु च़ङ्‌तुकि काचि कामु, अ़नुवाक काचि कामु, निनाम्‍हाङ कामित खोन्‍कि आप्‍पि क़म्‍मान्‍चिन काऱ लिमादोत।

हिब्रु 12:21

मो दाराङाओ अ़न्‍नुनु क़माकात्‍तुओ मुवाङाकि “अ़ङ्‌का अ़ङ्‌क़माआ अ़धुन्‍ङाङा”नि निनाम्‍हाङ्‌य़ङ खाकालु मोसा य़ङा।

हिब्रु 3:13

मेन “आय़ओ लेन”निओ य़ङ युङ्‌याङ्‌तारि अ़लेन्‍खिन्‍तुम अ़क्‍छा निएदा राक प़मुवानिन, खोन्‌ओसा हेवाओ म़प्‍माआ आम्‍नुओ साङ्‌कोछाङ साकोङ्‌वा छाक्‍लो अ़लिनिन्‍ने।

हिब्रु 4:1

निनाम्‍हाङ्‌ओ अ़चुसावातोम्‍खादा वाङ्‌माओ हिप्‍माय़ङ हान्‍छाङ युङ्‌याङ। खोन्‌ओसा आन्‍कान चाप्‍चेत्‍मान्‍चिन्‍दोत खोन्‍कि खानानिन्‌एदाङ्‌का साङ्‌छाङ मो हिप्‍माय़ङ सावातोम्‍खादा मान्‍तालामादामादा त़छुक्‍तिमिन्‍ने।

हिब्रु 6:2

वास़मा थाप्‍स़ङ्‌चि, छुक युङ्‌मा थाप्‍स़ङ, म़सुवादाओचिओ अ़चुलामाखोन्‍मालोन्‍मा खोन्‍कि अ़लुक्‍निन्‌ओ दन्‍दाओ अ़तुक्‌वादा अ़दु-अ़दु मान्‍चिन्‌युङ्‌दानिन्‍चिन।

हिब्रु 9:27

देत्‍नि म़नाचि अ़क्‍दु स़माङादोत, खोन्‍कि आदेङ निनाम्‍हाङ्‌आ छ़ङ म़छेन्‍तुचि,

याकुब 2:19

खानानिन अ़क्‌तात निनाम्‍हाङ म़युङ्‌याङ निकिना साकोङ्‌छ़ङ त़मुन। मो अ़नुवाक ओ! चाकावालावाचिछाङ साकोङ्‌छ़ङ म़मु, खोन्‍कि अ़चुक़माआ सिन्‍लुक्‍लुक्‌वा धुन्‍तुचि।

१ पत्रुस 3:15

मेन आम्‍नुओ साकोङ्‌वादा ख्रिस्‍त हाङ्‌पा निकिना साया मेत्‍तानुम। खानानिन्‌एदा याक्‌याङ्‌ओ आम्‍नुओ सोम्‍कुवाओ अ़तुक्‌वादा नि म़नाचिआ ऩसेनिन्‌नालो मोसोओ अ़तुक्‌वादा खालुमाओ निकि अ़धुन चुम्‍सान्‌युङ्‌सानिन्‍चिन।

२ पत्रुस 1:6

तायादा क़म्‍तानिन्‍चिन खोन्‍कि क़म्‍मान्‍चिन्‌दा आङ्‌मा, आङ्‌मादा साम्‌योक्‍मि,

१ युहन्‍ना 3:10

निनाम्‍हाङ्‌ओ अ़चुछाचि साङ्‌चि ओ, खोन्‍कि सैतानाओ अ़छाचि साङ्‌चि ओ, ओदाङ्‌काङा आन्‍कान सिन्‍तुम, साङ नुलोक काचि अ़मुनिन माङ्‌लो साङ्‌आ खोसोओ ख्रिस्‍तियान अ़यावाचि सोमाअ़तुक्‍तुन्‍चिन।

१ युहन्‍ना 3:7

सोमातुक्‍नाङ्‌नानिन्‌ओ अ़चुप्‍पो छाचि ओ, खाक्‍कोछाङ म़नाआ खानानिन ऩधान्‍तिमिन्‍ने! साङ अ़नुवाक काचि मु, मोङा साम्‌योक्‍मि ओ, येसु साम्‌योक्‍मि म़मुयाङ।