छाम्‍माय़ङ 24:24 - बान्‍तावा राई

²⁴ अ़क्‍चित लेन्‌कि फेलिक्‍स्‌आ यहुदिमा अ़खिम्‍हाङ्‌मा द्रुसिल्‍ला खात्‍तुकि पावल अ़युङ्‌साओदा खाराचि। खोन्‍कि खो छेक्‍ताङाओदाङ्‌का खुत्‍लुवाकिना येसु ख्रिस्‍तएदाओ साकोङ्‌छ़ङ्‌ओ अ़तुक्‌वादा खोएदाङ्‌का अ़एनाचु।

छाम्‍माय़ङ 24:24 ပူးပေါင်းရင်းမြစ်များ

मर्कुस 6:20

देकिनालो युहन्‍ना साम्‌योक्‍मि खोन्‍कि सेङ्‌ताङ्‌पा म़नानि हेरोद्‌आ सिन्‍तुकिना युहन्‍ना सायामेत्‍तुङु, खोन्‍कि खोसाआ खो रात्‍तुयुङ्‌सुङु। हेरोद्‌आ युहन्‍नाओ अ़य़ङ एनुङुहिदा हेरोद्‌ओ अ़मिन्‍मा चाअ़त्‍साङा, खोन्‍नुछाङ खोसोओ अ़य़ङ अ़ऩङानुयाङ्‌सा एनुङु।

लुका 19:3

“येसु साङ ए खा?”निकि जखायस खाङ्‌मा सुवाङा, मेन म़ना मुक्‍लाचिआ अ़इप्‍ताओसा खोसाआ येसु खाङ्‌मा मान्‍तोक्‌दो। देकिनालो खो दुन्‍ताङा।

लुका 23:8

येसु खाकि हेरोद्‌ओ अ़न्‍नुनु अ़ऩङानुवा। देकिनालो मोसाआ बुयादाङ्‌का येसु तुप्‍मानि मिनाङा। मोसाआ येसुओ अ़चुतुक्‌वादा एनुयुङ्‌सुङुओसा “अ़क्‍चित म़दोम्‍दाओ काचि अ़मुओ खाङ्‌मा तोक्‍तुङ हे?”नि मिनाङा।

छाम्‍माय़ङ 16:31

खोन्‍कि खोचिआ अ़लासालोवाचु, “हाङ्‌पा येसुएदा साकोङ्‌छ़ङ मुवा, खाना खोन्‍कि आम्‍खिम्‌दाओचि त़लेरिन।”

छाम्‍माय़ङ 20:21

यहुदिचि खोन्‍कि ग्रिक्‌चि अ़चुहेवादाङ्‌का निनाम्‍हाङ्‌एदा लामादोत, खोन्‍कि आन्‍हाङ्‌पा येसुएदा साकोङ्‌छ़ङ मुमादोत्‌निओसो अ़तुक्‌वादा अ़ङ्‌का खालुसुङ्‌युङ्‌सुङ।

छाम्‍माय़ङ 24:25

मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”

छाम्‍माय़ङ 26:22

मेन आय़ओ लेन्‌तारि अ़ङ्‌का निनाम्‍हाङ्‌आ ऩफासाङ्‌युङ्‌साङ, खोन्‌ओसा अ़ङ्‌का ओदा येसु ख्रिस्‍तओ अ़तुक्‌वादा झारा अ़चुप्‍पो अ़धिवा सालुम्‍स़ङ प़सि ह़ङ्‌ङाङा। अ़ङ्‌का निनाम्‍हाङ्‌य़ङ खाकालुचि खोन्‍कि मोसाओ अ़य़ङ्‌चि म़तालानि य़ङाङ, मोदाङ्‌का अ़ङ्‌का नि य़ङ देत्‍छाङ मान्‌य़ङ्‌युक्‍ङा।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 2:20

अ़ङ्‌का ख्रिस्‍तएनान क्रुस्‌दा ख़न्‍ताङ्‌युङ्‌साङ। हान्‌दाङ्‌का काह़ङ अ़ङ्‌का माआङ, मेन ख्रिस्‍त अ़ङ्‌काएदा म़ह़ङ। ओन्‍ग़रि अ़ङ्‌का पोक्‌दा ह़ङ्‌ङाङा, मो ह़ङ्‌म़ङ निनाम्‍हाङ्‌ओ अ़चुछाएदा सोम्‍कुवालाम्‍पा ह़ङ्‌ङा। खोक्‍कोसाआ अ़ङ्‌का सोमाऩतुक्‍ताङ खोन्‍कि अ़ङ्‌को निम्‍पाङ खोक्‍को आप्‍पि म़पुवान्‍लावान्‍चिन।

गलाति 3:2

ओ ओन्‍ङा अ़ङ्‌का खानानिन सेन्‍मा स़ङाङा, खानानिन्‌आ सेङ्‌लावा य़ङ्‌हुप्‌ओ काचिलाम्‍पा त़तोक्‍तुम हे त़एनुम्‌ओ य़ङ्‌दा साकोङ्‌छ़ङ त़मुन कि?

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।

खाङ्‌मुमा 14:12

निनाम्‍हाङ्‌ओ अ़चुम़नाचि खोचिआ निनाम्‍हाङ्‌ओ अ़चुलोमाय़ङ अ़मु खोन्‍कि येसुएदा साकोङ्‌छ़ङ म़मु, मोचि काहुङ लिमाकि युङ्‌मादोत।