छाम्‍माय़ङ 22:25 - बान्‍तावा राई

²⁵ रात्‍खामिचिआ पावल य़हुप पाक्‍माओ निकि साहोक्‌वाओ माक्‌य़आ अ़छ़साङाहिदा अ़च़क्‌दा एवाङाओ रात्‍खामिचिओ अ़चुकप्‍ताना पावल्‌आ सेनु, “रोमि ताङ्‌युङ, खोन्‍कि अ़लाहि मान्‍धित्‌ओ म़ना खानानिन्‌आ य़हुप पाक्‍मा य़ङ्‌हुप्‌आ त़प़न कि?”

छाम्‍माय़ङ 22:25 ပူးပေါင်းရင်းမြစ်များ

मत्‍ति 10:17

मेन म़नाचिदाङ्‌का खानानिन चाप्‍चेत्‍तानिन्‍चिन, देकिनालो म़नाचिआ खानानिन छ़ङ्‌छेन्‍खाचिदा ऩखात्‍तिन, खोन्‍कि मोचिआ अ़चुओ यावायोक्‍खिम्‌चिदा खानानिन य़हुप ऩपाक्‍तिन।

मत्‍ति 27:54

कप्‍ताना खोन्‍कि येसु काहुङ रात्‍खामिचिआ लुत्‍लि खोन्‍कि मोदा झारा म़लिसाङाओचि म़खाचि, खोन्‍किना अ़न्‍नुनु अ़चुक़माकाराकि मोचि ओवात्‍नि म़य़ङा, “अ़नुछ्‍याङा, ओ म़ना ना निनाम्‍हाङ्‌ओ अ़चुछा ओ।”

मत्‍ति 8:8

मेन कप्‍तानाआ लासुलो, “हाङ्‌पो, अ़ङ्‌खिम्‌दा खानानिन वाक्‍मा अ़खान्‍ङाओ अ़ङ्‌का अ़मुऩङ्‌ऩङ। मेन खानानिन्‌आ ‘नुवाखारा!’नि लोनिप़नि खोन्‍कि अ़ङ्‌हारुक नुखात।

छाम्‍माय़ङ 10:1

कैसरिया सहरादा कर्नेलियस अ़ऩङ मुवाङाओ अ़क्‍छा म़ना युङाङा। खो इतालिया रात्‍खामि रुहुप्‌नि अ़लोवाङाओदाओ अ़क्‍छा अ़चुकप्‍ताना याआङा।

छाम्‍माय़ङ 16:37

मेन पावल्‌आ मो रात्‍खामिचि लोचि, “आन्‍काच्‍या रोमि ताङ्‌युङ्‌नुछाङ खोचिआ छ़ङ मान्‍छेन्‍प़माङ म़नाचिओ अ़चुबुदा आन्‍काच्‍या ऩधात्‍ताच्‍या, खोन्‍कि छेक्‍खाखिम्‌दा आन्‍काच्‍या ऩछेक्‍ताचिया। खोन्‍कि ओन्‍ग़रि दि आन्‍काचिया वाइवेत लोन्‍मा ऩलाप्‍चिङ्‌च्‍या? ओवात्‍नि अ़नुनिन! हाङ्‌काचि कामुचिङा म़ताने खोन्‍कि आन्‍काच्‍या ऩलोन्‍चियाने।”

छाम्‍माय़ङ 22:26

रात्‍खामिचिओ अ़चुकप्‍तानाआ मो य़ङ एनुकिना मुकुधुम्‌एदा खाराकि लो, “खानानिन दे त़च़न? ओ म़ना ना रोमि ताङ्‌युङ ए!”

छाम्‍माय़ङ 23:17

खोन्‍किना पावल्‌आ कप्‍तानाचिदाओ अ़क्‍छा बुत्‍तुकि लो, “ओ थाङाछा आम्‍मुकुधुम्‌एदा छोङ्‌सुदो, देकिनालो ओसाआ खो दि-दि खाएत्‍मादोत।”

छाम्‍माय़ङ 23:27

ओ म़ना यहुदिचिआ अ़लावाकि सेत्‍मा अ़मुवाङा, मेन खो रोमि ताङ्‌युङ्‌नि अ़ङ्‌का सिन्‍तुङ्‌किना अ़ङ्‌रात्‍खामिचिएनान खाराङ्‌कि खो रात्‍तुङ।

छाम्‍माय़ङ 25:16

मेन अ़ङ्‌का मोचि लोङ्‌च़ङ, ‘खाक्‍कोछाङ म़ना मान्‍चिन्‍खाङ्‌माङ्‌तारि रोमि य़ङ्‌हुप्‌आ दन्‍दा प़मा अ़प़ऩङ। म़ह़त्‍तुचिओचिआ काह़त म़नाचिओ अ़चुदेङ्‌सालाप्‍पादा रात्‍मान्‍चिन्‌ओ निम्‍पाङ चेप्‍मा अ़वाखाम तोक्‍मादोत।’

छाम्‍माय़ङ 27:1

खोन्‍किना आन्‍कान्‍का वाप्‍तेलालाम्‍पा इतालिया खात्‍माओ अ़छ़ङ लिसाकिना खोचिआ पावल खोन्‍कि खा-खाक्‍को नि काछेक्‌चि तोक्‍पोहाङ अगस्‍तस्‌ओ अ़रात्‍खामि अ़क्‍छा कप्‍ताना युलियस्‌ओ अ़पाङ्‌दा अ़पाक्‍तापुवा।

छाम्‍माय़ङ 27:3

अ़माङ्‌कोलेन आन्‍कान्‍का सिदोन सहरादा तान्‍लान्‍का। कप्‍ताना युलियस्‌आ पावल सोमातुक्‍तुकि अ़यावाचि तुप्‍सि खात्‍ने खोन्‍कि खो दोत्‌याङ्‌ओ सामाचि अ़प़ने निकिना खो अ़वाखाम प़।

छाम्‍माय़ङ 27:43

मेन रात्‍खामि कप्‍तानाआ पावल लेन्‍मानि मिनाङा, खोन्‌ओसा खोसाआ साङ्‌छाङ सेत्‍मा मान्‍प़दोचि। खोन्‍कि खोसाआ “वाप्‍मा काले बुयाङा वाप्‍तेलादाङ्‌का छुक्‍ताधानिन्‌कि वाप्‍सा अ़केम्‌दा लोन्‍तानिन”नि लोचि।