छाम्‍माय़ङ 21:16 - बान्‍तावा राई

¹⁶ खोन्‍कि कैसरियादाङ्‌का थोरेत्‌कापाङ काखेङ्‌चि आन्‍कान्‍काएनान अ़क्‍नि म़खारा, खोन्‍कि खोचिआ आन्‍कान्‍का साइप्रस्‌दाओ अ़क्‍छा बुयादाङ्‌का साकोङ्‌छ़ङ कामु मनासोन्‌ओ अ़खिम्‌दा ऩखातिन्‍का, मोदा आन्‍कान्‍का याक्‍मादोराङा।

छाम्‍माय़ङ 21:16 ပူးပေါင်းရင်းမြစ်များ

छाम्‍माय़ङ 10:24

अ़छिन्‍तुओ लेन मोचि कैसरियादा म़ताला। कर्नेलियस्‌आ अ़दाक्‍मित्‌चि खोन्‍कि म़तोङाङाओ अ़यावाचि अ़क्‍नि बुत्‍तुचिकि पत्रुस अ़हुङाङा।

छाम्‍माय़ङ 10:48

खोन्‌ओसा पत्रुस्‌आ मोचि “येसु ख्रिस्‍तओ अ़चुऩङ्‌दा बप्‍तिस्‍मा लोआनिन”नि लोचि। मोचिआ पत्रुस “अ़क्‍चित लेन युङिन्‍ने”नि अ़लोवा।

छाम्‍माय़ङ 11:19

स्‍तिफनस अ़सेराकि दुखा प़मा म़पुक्‍तुचिओ ग़रि साकोङ्‌छ़ङ कामुचि झारादात्‍नि म़रिसाखाराओचिआ यहुदिचिओ अ़चुरादा ओन्‍ङा नुय़ङ्‌खान खाएत्‌याङ्‌सा फोनिके, साइप्रस खोन्‍कि एन्‍तिओखियातारि म़कोला।

छाम्‍माय़ङ 15:39

पावल खोन्‍कि बारनाबास चाअ़त्‍लो दुम तुसाचि, खोन्‌ओसा खोचि अ़क्‍छा निएदाङ्‌का फेआचिचिन। बारनाबास्‌आ मर्कुस अ़क्‍नि खात्‍तुकि साइप्रस खारा।

छाम्‍माय़ङ 15:7

ब़द्‍धे दुम अ़तुसाचिआकि पत्रुस पुवालोन्‍ताकि मोचि लोचि, “ब़ब़, नाना खोन्‍कि निछाचि ओ, खानानिन त़सिन्‍तुम्‌योम्‌ङा, बुयाङा अ़ङ्‌दोदाङ्‌का निरावाचिआ नुय़ङ्‌खान अ़एन्‌कि साकोङ्‌छ़ङ म़मुने निकिना आम्‍नुओ रादाङ्‌का अ़ङ्‌का निनाम्‍हाङ्‌आ ऩछेन्‍ताङ।

छाम्‍माय़ङ 21:8

अ़माङ्‌कोलेन तोलेमाइस सहरा छिरुम्‍दोम्‍काकि आन्‍कान्‍का कैसरिया सहरादा तान्‍लान्‍का। आन्‍कान्‍का मोदा नुय़ङ्‌खान खाकालु फिलिप्‌ओ अ़खिम्‌दा याइन्‍का। खो सात्‌कापाङ साम्‍भुङ्‌काफाचिदाङ्‌का अ़क्‍छा ओ।

छाम्‍माय़ङ 4:36

साइप्रस खाम्‍दाक्‌दाओ अ़क्‍छा लेबि भुङ्‌दाओ योसेफ अ़ऩङ मुवाङाओ म़ना युङाङा। छाम्‍माय़ङ्‌चिआ खो बारनाबास्‌नि अ़ऩङ अ़वात्‍ता, मोसोओ अ़तुप्‍माय़ङ राक काप़।

छाम्‍माय़ङ 8:40

मेन फिलिप अस्‍दोद सहरादा तालाओ सिन्‍तान्‍चिन। खोन्‍कि खो कैसरिया सहरादा मान्‍तालायुक्‍तातारि झारा सहराचिदा नुय़ङ्‌खान खालुयाङ्‌सा खारा।

रोमि 16:7

एन्‍द्रोनिकस खोन्‍कि युनियस यहुदि अ़ङ्‌दाक्‍मित्‌चि ओ, मोचि अ़ङ्‌काएनान अ़क्‍नि छेक्‍खादा याआङाचि, मोचि सेवानि लोत्‍निप़नि। मोचि छाम्‍माय़ङ्‌चिओ अ़चुरादा अ़चुऩङ्‌ऱङाओचि ओ खोन्‍कि अ़ङ्‌कादाङ्‌का बुया मोचि ख्रिस्‍तदा साकोङ्‌छ़ङ मुवाचिओ।

फिलेमोन 1:9

मेन सोमातुक्‍नाओसा मोवात्‍नि मान्‍लोमाङ खानाएदा छुक फाङ्‌ङाङा। हान अ़ङ्‌का पावल खोक्‍पा म़ना खोन्‍कि आइमित येसु ख्रिस्‍तओ निकि छेक्‍ताङ्‌ओ म़ना लिसाङ्‌कि ओनेसिमस्‌ओ निकि खानाएदा छुक फाङ्‌ङाङा। अ़ङ्‌का छेक्‍खाखिम्‌दा युङाङ्‌याङ्‌हिदा खो येसुएदा साकोङ्‌छ़ङ मुमेत्‍तुङ्‌कि अ़ङ्‌छावात्‍नि मुङ्‌युङ्‌सुङ।