छाम्‍माय़ङ 21:13 - बान्‍तावा राई

¹³ मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

छाम्‍माय़ङ 21:13 ပူးပေါင်းရင်းမြစ်များ

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 20:37

मोचि झारा चाअ़त्‍लो म़खावा, खोन्‍कि पावल अ़हेप्‍ताकि चुप्‍मा अ़मेत्‍ता।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

छाम्‍माय़ङ 9:16

देकिनालो अ़ङ्‌ऩङ्‌ओ निम्‍पाङ खोसाआ देम दुखा आङ्‌मादोत, अ़ङ्‌का खो खाङ्‌मेत्‍तुङ।”

१ कोरिन्‍थि 15:31

ब़ब़, नाना खोन्‍कि निछाचि ओ, देम च़लोक आन्‍हाङ्‌पा ख्रिस्‍त येसुएदा आम्‍नुओ तुक्‌वाआ अ़ङ्‌ऩङानुङान्‍च़ङ, खोन च़लोक सोम्‍कुवाएनान अ़ङ्‌का य़ङ्‌ङा, अ़लेन्‍खिन्‍तुम अ़ङ्‌का स़ङा!

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

फिलिप्‍पि 2:26

खोसाआ खानानिन झारा अ़न्‍नुनु तुप्‍मा स़याङ। खो तुआओ य़ङ्‌खान खानानिन्‌आ त़एनुम्‌ओसा खो चाअ़त्‍लो लिसायुङ्‌सा।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

२ तिमोथि 1:4

आम्‍म़क्‌वा मित्‍तुङ्‌हिदा अ़ङ्‌का खाना अ़न्‍नुनु तुप्‍मा स़ङाङा, मोवात्‍नि अ़ङ्‌को ब़द्‍धे अ़ङ्‌ऩङानुने।

२ तिमोथि 4:6

देकिनालो अ़ङ्‌का ना निनाम्‍हाङ्‌ओ निम्‍पाङ अङ्‌गुरा माङ्‌वा थोइन्‌ओवा ब़क्‍खादा हेन्‍खोक्‌वा लिमा मुङाङा, खोन्‍कि अ़ङ्‌हामान्‍चिन ग़रि तायुङ्‌सा।

२ पत्रुस 1:14

देकिनालो अ़ङ्‌का सिन्‍तुङ्‌योङ, आन्‍हाङ्‌पा येसु ख्रिस्‍तआ अ़ङ्‌पोक छित्‍मा ग़रि च़क्‍निङा तायाङ निकिना खाङ्‌ऩमेत्‍ताङ्‌युङ्‌साङ।

खाङ्‌मुमा 12:11

ब़ब़, नाना खोन्‍कि निछाचिआ थुबाछाओ अ़चुह़ खोन्‍कि अ़चुओ सालुम्‍स़ङ य़ङ्‌ओ अ़तुक्‌वाआ मोएदा म़छोसायुङ्‌सा। मोचिआ अ़चुस़मातारिछाङ अ़चुह़ङ्‌म़ङ सोमामान्‍तुक्‌अ़दा।

खाङ्‌मुमा 3:10

हान चिन्‍माय़ङ ओ हेन्‍खामादा कायुङ म़नाचि चिन्‍खाङ्‌सि झारा हेन्‍खामादा तामा मुयाङ। खानानिन्‌आ दुखा आङ्‌तानुम्‌निओ अ़ङ्‌लोमाय़ङ्‌वा त़च़न्‌ओसा चिन्‍माखाङ्‌माओ ग़रिदाङ्‌का अ़ङ्‌का खानानिन लेन्‍नानिन।