छाम्‍माय़ङ 20:31 - बान्‍तावा राई

³¹ खोन्‌ओसा चाप्‍चेत्‍तानिन्‍चिन! सुम्‌कादोङ्‌तारि अ़खोलेन अ़खाखुत म़क्‌वा धान्‌याङ्‌सा अ़ङ्‌का खानानिन झारा चिन्‍नानिन्‌ओ मित्‍तायुङ्‌सानुम।

छाम्‍माय़ङ 20:31 ပူးပေါင်းရင်းမြစ်များ

मत्‍ति 13:25

मेन झारा म़इम्‍सादाहिदा खोसोओ अ़ङेङ ता, खोन्‍कि छुमाचाओ अ़रादा सामा वेत्‍तुदो खोन्‍कि खारालोन्‍ता।

मत्‍ति 3:7

मेन फरिसिचि खोन्‍कि सदुकिचिएदाओ ब़द्‍धेकापाङ बप्‍तिस्‍मा लोक्‍सि म़ताङाओ खाचिकि खोसाआ मोचि लोचि, “खानानिन अ़छ़क याक्‌याङ्‍ओ प़ओ अ़छाचि ओ! तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का फुङ्‌मा खानानिन साङ्‌आ चाप्‍ऩचेत्‍तिन?

लुका 21:36

खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

छाम्‍माय़ङ 19:10

ओ चिन्‍मा काचि ह्‍वा दोङ्‌तारि पावल्‌आ मुयुङ्‌सु। खोन्‌ओसा झारा एसियादा कायुङ्‌चि यहुदि खोन्‍कि ग्रिक ह्‍वा रुहुप्‌आङा हाङ्‌पाओ अ़चुय़ङ अ़एना।

छाम्‍माय़ङ 19:8

खोन्‍किना पावल यहुदिचिओ अ़चुयावायोक्‍खिम्‌दा खाराकि यहुदिचिएनान सुम्‌कादोङ्‌वात्‌तारि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा राक्‌एनान दुम्‍चामेत्‌याङ्‌सा दुम्‍तुसा।

छाम्‍माय़ङ 20:11

खोन्‍किना मोचि झारा धाक्‍को छान्‌दु म़लासावाङाकि पेम्‍पाक म़ओराचा। खोन्‍कि पावल खामान्‍दात्‌युक्‍तातारि मोचिएनान हान्‍तायाक्‍ता, खोन्‍किना खो खारा।

छाम्‍माय़ङ 20:19

अ़ङ्‌का हाङ्‌पाओ अ़काचि सिम्‍नान्‍चिन्‍सा खोन्‍कि म़क्‌वा धान्‌याङ्‌सा मुङ्‌युङ्‌सुङ। यहुदिचिलाम्‍पाओ थालि बाङ्‌माय़ङ चिन्‍माखाङ्‌माचि अ़ङ्‌काएदा तानुछाङ अ़ङ्‌का आङ्‌तुङ्‌युङ्‌सुङ्‌च़ङ।

छाम्‍माय़ङ 20:7

साताओ बुयाओ लेन, आन्‍कान्‍का पेम्‍पाक ओत्‍चासि कोविन्‍चिन्‍का। पावल्‌आ मोचिएदा निनाम्‍हाङ्‌ओ अ़चुय़ङ चिन्‍तुचि। अ़माङ्‌कोलेन खो खात्‍मानि मिनाङाओसा अ़दाक्‌वा खाखुत्‍तारि खो चेवायुङ्‌सा।

छाम्‍माय़ङ 24:17

खोन्‍किना ब़द्‍धेकादोङ्‌कि अ़ङ्‌का मान्‍तोक्‍कादा अ़ङ्‌रावाचि फाखा छेन्‍बि छोक्‍सि खोन्‍कि निनाम्‍हाङ छुक्‍दाम प़सि निकिना यरुसलेम बानाङ्‌ओ।

१ कोरिन्‍थि 4:14

खानानिन लेजोदा धान्‍मा निकिना अ़ङ्‌का ओ छाप्‍तुङ्‌योङ्‌ओ माआङ, मेन सोमातुक्‍तुङ्‌योङ्‌च़ङ्‍ओ अ़ङ्‌छाचिवात्‍नि खानानिन यायोक प़मा निम्‍पाङ ओ।

फिलिप्‍पि 3:18

अ़ङ्‌का ब़द्‍धेकादु खाएत्‍नानिन्‌ओ म़नाचिओ अ़तुक्‌वादा हान्‍छाङ खानानिन खाप्‌याङ्‌सा लानालोनाङ्‌नानिन, ब़द्‍धे म़नाचि ख्रिस्‍तओ अ़चुक्रुस्‌ओ ङेङ्‌चिवात्‍नि म़ह़ङ।

कलस्‍सि 1:28

ख्रिस्‍त कात़ङ झारा म़नाचि आन्‍कान्‍का निनाम्‍हाङ्‌ओ अ़चुबुदा खात्‍तुम्‌योम्‍च़म्‍काहिदा खोचि म़पोन्‍चिन्‍ने निकिना आन्‍कान्‍का झारा म़नाचि चाप्‍चेत्‌याङ्‌सा खोन्‍कि झारा खारुदा चिन्‌याङ्‌सा ख्रिस्‍तओ अ़तुक्‌वादा खालुसुम्‍का।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

२ थेसलोनिकि 2:5

अ़ङ्‌का खानानिन्‌एनान युङाङ्‌याङ्‌हिदाङा ओ य़ङ्‌चि लोयाङ्‌सा मुनाङ्‌नानिन ओ, दि खानानिन्‌आ त़मित्‍तुम्‌योम?

२ थेसलोनिकि 3:8

आन्‍कान्‍का साङ्‌कोओछाङ अ़चामायु मोहा मान्‍चात्‍प़दोम्‍का। मेन खानानिन साङ्‌छाङ दुखा अ़लिनिन्‍ने निकिना आन्‍कान्‍का अ़लेन्‍खिन्‍तुम काचि मुन्‍का।

२ तिमोथि 4:5

मेन खाना झारा ग़रि क़म्‍तान्‍चिन। दुखा आङ्‌तु, नुय़ङ्‌खान खालुमा काचि मुवा, खोन्‍कि आम्‍ब़क्‍मा काचि तासुलो।

हिब्रु 13:17

आम्‍नुओ बुसुवाचिआ ऩलोन्‌ओवा चुवानिन, खोन्‍कि मोचिओ अ़चुपाङ्‌दा युङानिन। देकिनालो मोचिओ अ़चुकाचि खानानिन खाङ्‌मा ओ, मोचिआ निनाम्‍हाङ खाएत्‍मादोत। खोन्‌ओसा ओ काचि मोचिआ अ़चुऩङानुयाङ्‌सा अ़मुने, खोन्‍कि ह़त्‍पादा माआङ। माङ्‌नालो खानानिन नुलोक त़लिसिमिन।

खाङ्‌मुमा 16:15

मोचिआ हाङ्‌चि मोदा म़कोउचि मो हिब्रु य़ङ्‌दा ‘आरमागेद्‍दोन’नि लो। हाङ्‌पा म़य़ङ्‌याङ, “खानुम, अ़ङ्‌का काख़पावा ताङा! मो आसिखा कातोक ओ। साङ चाप्‍चाप्‍चाप्‌वा युङ, खोन्‍कि अ़तित हुम्‍सु। मोवात्‍नि मो म़ना अ़कालाङ्‌द़क कोन्‍मा खोन्‍कि अ़लेजो कात्‍मा अ़दोत्‍निन।”