छाम्‍माय़ङ 20:19 - बान्‍तावा राई

¹⁹ अ़ङ्‌का हाङ्‌पाओ अ़काचि सिम्‍नान्‍चिन्‍सा खोन्‍कि म़क्‌वा धान्‌याङ्‌सा मुङ्‌युङ्‌सुङ। यहुदिचिलाम्‍पाओ थालि बाङ्‌माय़ङ चिन्‍माखाङ्‌माचि अ़ङ्‌काएदा तानुछाङ अ़ङ्‌का आङ्‌तुङ्‌युङ्‌सुङ्‌च़ङ।

छाम्‍माय़ङ 20:19 ပူးပေါင်းရင်းမြစ်များ

लुका 19:41

येसु यरुसलेम च़क्‌दा म़तादिसाकि मो सहरा अ़खाकि मोसोओ निकि खाप्‌याङ्‌सा म़लोचि,

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

छाम्‍माय़ङ 17:13

थेसलोनिकेदा म़युङाङाओ यहुदिचि बेरियादाछाङ म़तालाकि पावल्‌आ निनाम्‍हाङ्‌ओ अ़चुय़ङ खालुसुङुनिओ य़ङ अ़एनाकि पावल्‌ओ अ़देङ्‌सालाप्‍पादा मुक्‍लाचि म़चोङ्‌सुचि।

छाम्‍माय़ङ 17:5

मेन यहुदिचि ऩङ्‌च़ म़मुवा, खोन्‌ओसा हाताचिदाओ नामान्‍ल़क म़नाचि म़बुत्‍तुचिकिना रुहुप म़मुचि खोन्‍कि सहरादा अ़धिवाङ काचेङ्‌वा मुम़मेत्‍तुचि। मोचिआ पावल खोन्‍कि सिलास म़ना मुक्‍लाचिएदा लाम्‍माकि सात्‍मातात्‍माचि निकिना यासोन्‌ओ अ़खिम्‌दा म़झोम्‍तुचि।

छाम्‍माय़ङ 20:3

खो सुम्‌कादोङ्‌वात मोदाङा युङा। खोन्‍कि खो सिरियाह्‍यात्‍नि वाप्‍तेलालाम्‍पा खात्‍मा मुवाङाहिदा यहुदिचिआ खोसोओ अ़देङ्‌सालाप्‍पादा थालि म़बाङ्‌ताङाओ सिन्‍तुओसा खो माकेदोनिया लियाङ्‌सा लामाखात्‍मा अ़छ़ङ मु।

छाम्‍माय़ङ 20:31

खोन्‌ओसा चाप्‍चेत्‍तानिन्‍चिन! सुम्‌कादोङ्‌तारि अ़खोलेन अ़खाखुत म़क्‌वा धान्‌याङ्‌सा अ़ङ्‌का खानानिन झारा चिन्‍नानिन्‌ओ मित्‍तायुङ्‌सानुम।

छाम्‍माय़ङ 21:27

म़सेङ्‌सान्‍चिन्‌ओ सात्‌कालेन तामालामा मुवाङाहिदा एसिया धिखाहुप्‌दाओ यहुदिचिआ पावल ब़क्‍खाखिम्‌दा अ़खा। खोन्‍कि मोचिआ झारा म़ना मुक्‍लाचि खोसोओ अ़देङ्‌सालाप्‍पादा म़चोङ्‌सुचिकि खो अ़लावा।

छाम्‍माय़ङ 27:23

अ़ङ्‌का निनाम्‍हाङ्‌ओ अ़चुम़ना ओ, खोन्‍कि खोक्‍कोङा अ़ङ्‌का ब़क्‍तुङ। निनाम्‍हाङ काफा आय़ अ़खाखुत अ़ङ्‌च़क्‌दा म़एवा,

रोमि 1:1

अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 12:11

राक्‌दा देम्‍खाछाङ देङ्‌मान्‍लादानिन, मेन हाङ्‌पा झारा साकोङ्‌वाआ ब़रानुम।

२ कोरिन्‍थि 2:4

आम्‍नुओ राक सेत्‍मा माआङ, मेन खानानिन्‌एदा याक्‌याङ्‍ओ अ़ङ्‌को च़लोक अ़ङ्‌सोमातुक्‍मा खानानिन सिन्‍तानुम निकिना अ़ङ्‌साकोङ्‌वादाओ ब़द्‍धे दुखा खोन्‍कि अ़ङ्‌योक्‍मा खोन्‍कि ब़द्‍धे अ़ङ्‌म़क्‌वाएनान अ़ङ्‌का खानानिन छाप्‍नानिन्‌ओ।

२ कोरिन्‍थि 3:5

आन्‍कान्‍का आप्‍पिआ ओवाको काचि मुमा अ़खान्‍तिन्‍कानि मित्‍मै अ़मित्‍तिमिन्‍चिन्‍का, मेन ओवाको काचि मुमा आन्‍काओ पाङ निनाम्‍हाङ्‌एदाङ्‌का ता।

२ कोरिन्‍थि 7:5

आन्‍कान्‍का माकेदोनियादा बानिन्‍काहिदा आन्‍कान्‍का सावातोम्‍मा मान्‍तोक्‍दोम्‍का। मेन झारादात्‍निङ्‌का आन्‍कान्‍काएदा दुखा तायुङ्‌सा, बुङ्‌खादा ङेन खोन्‍कि साकोङ्‌वाहुत्‌दा क़मा।

गलाति 1:10

दि अ़ङ्‌का म़नाचिओ अ़चुचोन्‍मा लामुङ्‌योङ ओ, हे निनाम्‍हाङ ओ? माङ्‌लो दि अ़ङ्‌का म़नाचिओ अ़चुऩङानुमा लाप्‍तुङ्‌योङ्‌च़ङ? मोवात्‍नि च़लोक हान्‍छाङ म़नाचिओ अ़चुऩङानुमा लाप्‍तुङ्‌योङ्‌च़ङ्‌नालो अ़ङ्‌का ख्रिस्‍तओ अ़चुहारुक मान्‍लिङा ओ।

एफिसि 6:7

म़नाचिओ निम्‍पाङ माआङ, मेन हाङ्‌पाओवात्‍नि अ़नुवाक मिन्‍माआ काचि मुवानिन।

फिलिप्‍पि 3:18

अ़ङ्‌का ब़द्‍धेकादु खाएत्‍नानिन्‌ओ म़नाचिओ अ़तुक्‌वादा हान्‍छाङ खानानिन खाप्‌याङ्‌सा लानालोनाङ्‌नानिन, ब़द्‍धे म़नाचि ख्रिस्‍तओ अ़चुक्रुस्‌ओ ङेङ्‌चिवात्‍नि म़ह़ङ।

कलस्‍सि 3:24

खानानिन त़सिन्‍तुम्‌योम, निनाम्‍हाङ्‌आ आप्‍पिओ अ़चुम़नाचिओ निम्‍पाङ अ़युङ्‌साओ सिरिफा त़तोक्‍तुम। मित्‍तानुम, खानानिन्‌आ हाङ्‌पा येसु ख्रिस्‍त त़ब़रुम्‌योम।

१ थेसलोनिकि 1:9

देकिनालो देत्‍नि आन्‍कान्‍का खानानिन तुप्‍निहिदा साऩङ्‌वा त़मेत्‍निओ, खोन्‍कि देत्‍नि सेम्‍पोक्‌चिदाङ्‌का अ़ह़ङ खोन्‍कि अ़छ़ङ निनाम्‍हाङ ब़त्‍सि त़लासिन्‌ओ, मोसोओ अ़तुक्‌वादा झारादात्‍निओ म़नाचिआ खाअ़लु।

२ तिमोथि 1:4

आम्‍म़क्‌वा मित्‍तुङ्‌हिदा अ़ङ्‌का खाना अ़न्‍नुनु तुप्‍मा स़ङाङा, मोवात्‍नि अ़ङ्‌को ब़द्‍धे अ़ङ्‌ऩङानुने।

याकुब 1:2

ब़ब़, नाना खोन्‍कि निछाचि ओ, खानानिन्‌एदा अ़पारा-अ़पाराओ चिन्‍माखाङ्‌माचि म़ताहिदा आम्‍नुओ अ़न्‍नुनु ऩङानुने।

१ पत्रुस 1:6

ओन्‍ग़रि थुत्‍मेत्‍लोतारि खानानिन्‌आ अ़खाला-अ़खालाओ चिन्‍माखाङ्‌माचि त़आङ्‌तुम्‍च़म्‌नुछाङ ओ य़ङ्‌चिदा अ़न्‍नुनु ऩङानुसानिन्‍चिन।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

खाङ्‌मुमा 7:15

खोन्‌ओसा मोचि निनाम्‍हाङ्‌ओ अ़चुहाङ्‌युङ्‌खाओ अ़बुदा म़युङ्‌याङ, खोन्‍कि अ़खोलेन, अ़खाखुत खोक्‍कोसोओ अ़चुब़क्‍खाखिम्‌दा खोक्‍को अ़ब़क। साङ हाङ्‌युङ्‌खादा म़युङ्‌याङ खोक्‍कोसाआ मोचि म़रात्‍तुचि खोन्‍कि म़खाचि।