छाम्‍माय़ङ 2:5 - बान्‍तावा राई

⁵ मोन्‍ग़रि हेन्‍खामादाओ झारा हेन्‍कोप्‌चिदाङ्‌का निनाम्‍हाङ कामित यहुदिचि यरुसलेम्‌दा म़ताकि म़युङाङा।

छाम्‍माय़ङ 2:5 ပူးပေါင်းရင်းမြစ်များ

मत्‍ति 24:14

खोन्‍कि निनाम्‍हाङ्‌होन्‌ओ ओ नुय़ङ्‌खान झारा हेन्‍खामादा झारा रावाचि सालुम्‍स़ङ्‌ओ निम्‍पाङ खालु, खोन्‍किना अ़लुक्‍मा ता।”

लुका 17:24

देकिनालो देत्‍नि नाम्‍चिम्‍पेलेक बान्‌हिदा नाम्‍चोक्‌दु अ़क्‌चोम्‌दाङ्‌का निचोम्‌तारि झिलिप्‍नि उप्‍तुदिसु, मोवात्‍निङा म़नाओ अ़छाओ अ़तामा लेन्‌छाङ झारासाआ अ़खाङ्‌याङ्‌लो लि।

लुका 2:25

मोन्‍ग़रि यरुसलेम्‌दा अ़क्‍छा सिमियोन अ़ऩङ मुवाङाओ म़ना युङाङा। खो साम्‌योक्‍मि खोन्‍कि निनाम्‍हाङ कामित म़ना युङाङा। खोसाआ इस्राएलिचिओ कालेन्‍पा म़ना तामा ग़रि हुङुयुङ्‌सुङु, खोन्‍कि सेङ्‌लावा खोएदा याआङा।

लुका 24:18

मोचि ह़वाङ्‌दा क्‍लेओपास्‌नि अ़ऩङ मुवाङाओ म़नाआ लो, “यरुसलेम त़युङिन्‍लान्‍किछाङ आइमित मोया दे लिसाचिआयुङ्‌सानि खानानिन त़सिन्‍नानानिमिन?”

युहन्‍ना 12:20

चानुचादा निनाम्‍हाङ ब़क्‍सि काखात्‍चिएदाओ खा-खाक्‍कोचि ग्रिक य़ङ काचेप्‌चिछाङ म़याआङा।

छाम्‍माय़ङ 10:2

खो खोन्‍कि खोसोओ अ़खिम्‌दाओचि झारासाआ निनाम्‍हाङ अ़मित्‍ताङा, खोन्‍कि अ़कित्‍ताङा। खोसाआ मान्‍तोक्‍कादा यहुदिचि सोमातुक्‍तुचिकि फासुङुचि, खोन्‍कि खो अ़धुन निनाम्‍हाङ्‌एदा यामाराङा।

छाम्‍माय़ङ 10:7

खोन्‍किना कर्नेलियस्‌एनान काचेप निनाम्‍हाङ काफा खारालावाकिना खोसाआ अ़हारुक्‌चिएदाओ ह़वाङ, खोन्‍कि खोसोओ अ़रात्‍खामिचिएदाओ अ़क्‍छा निनाम्‍हाङ कामित म़ना बुत्‍तु।

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 2:1

पेन्‍तिकोस्‌नि अ़लोवाङाओ यहुदिचिओ अ़चुचानुचाओ लेन ताहिदा हाङ्‌पा येसुएदा साकोङ्‌छ़ङ कामुचि अ़क्‌तेप्‌दा म़कोवान्‍चिन।

छाम्‍माय़ङ 22:12

हननिया अ़ऩङ मुवाङाओ अ़क्‍छा म़ना मोदा युङाङा। खो निनाम्‍हाङ्‌य़ङ खाकालु मोसाओ अ़य़ङ्‌हुप्‌वा काच़ निनाम्‍हाङ कामित मुवाङा, खोन्‍कि दमस्‍कस्‌दा कायुङ झारा यहुदिचिआ अ़न्‍नुनु साया अ़मेत्‍ताङा।

छाम्‍माय़ङ 8:2

खोन्‍कि खा-खाक्‍को निनाम्‍हाङ कामित्‍चिआ स्‍तिफनस अ़खुम्‍ता, खोन्‍कि खोसोओ निम्‍पाङ ओत्‌ओत्‌ओत्‌वा म़खावा।

छाम्‍माय़ङ 8:27

खोन्‍किना फिलिप चुम्‍सान्‍चिन्‌कि खाराङाहिदा इथियोपिया हेन्‍कोप्‌दाओ हाङ्‌मा कन्‍दाकिओ अ़क्‍छा अ़सावाऱक क़प्‍माय़ङ अ़धिवाङ छान्‍हाङ्‌पा खोन्‍कि झारा अ़छेन्‍बि काखाङ धिरु। खो यरुसलेम्‌दा निनाम्‍हाङ ब़क्‍सि खारायुङ्‌साओ,

कलस्‍सि 1:23

मोवात्‍नि लिमाओ निम्‍पाङ खानानिन आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङ्‌मादोत, खोन्‍कि खानानिन्‌आ नुय़ङ्‌खान त़एनुम्‌हिदा निनाम्‍हाङ्‌आ ऩहिप्‍तिन्‌ओ य़ङ खोसाआ ऩप़न्‌निओ य़ङ्‌दा अ़छ़ङ लिमाकि युङ्‌मायुङ्‌मादोत। मो नुय़ङ्‌खान हेन्‍खामादाओ झारा म़नाचि खाम़एत्‍तायुङ्‌सा। अ़ङ्‌का पावल मो नुय़ङ्‌खान खाकालु हारुक लिसाङ्‌युङ्‌साङ।