छाम्‍माय़ङ 2:39 - बान्‍तावा राई

³⁹ ओ हिप्‍माय़ङ आम्‍नुओ खोन्‍कि आम्‍नुओ छाचिओ निकिना ओ, खोन्‍कि अ़थाया कायुङ्‌चि झारा साङ-साङ आन्‍हाङ्‌पा निनाम्‍हाङ्‌आ अ़चुम़ना लिसि म़बुत्‍तुचि, खोक्‍कोसाआ मोचि सेङ्‌लावा म़प़चि।”

छाम्‍माय़ङ 2:39 ပူးပေါင်းရင်းမြစ်များ

छाम्‍माय़ङ 10:45

खोन्‍कि सेङ्‌लावाओ आसिखा निरावाचिछाङ निनाम्‍हाङ्‌आ म़प़चिओ अ़खाकि पत्रुस्‌एनान अ़क्‍नि काबान यहुदि साकोङ्‌छ़ङ कामुचि दोम्‍तुदोचि,

छाम्‍माय़ङ 14:27

खोचि एन्‍तिओखियादा लासाताचिकिना साम्‍भुङ अ़बुत्‍ताचु, खोन्‍कि निनाम्‍हाङ्‌आ खोचिएदा अ़मुवाओ झारा काचिचिओ अ़तुक्‌वादा खोन्‍कि देत्‍नि निनाम्‍हाङ्‌आ निरावाचिछाङ साकोङ्‌छ़ङ मुखालाम म़होत्‍तुप़चिओ मो खाअ़एत्‍ताचुचिन।

छाम्‍माय़ङ 15:14

निनाम्‍हाङ्‌आ बुयाओदु निरावाचि सोमाम़तुक्‍तुचिकि देत्‍नि मोचिएदाओचि खोसोओ निम्‍पाङ म़नाचि म़छेन्‍तुचि, मोसोओ अ़तुक्‌वादा सिमोन्‌आ आन्‍कान खाम़एत्‍तायुङ्‌सा।

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 15:8

आन्‍साकोङ्‌वादाओ य़ङ कासिन निनाम्‍हाङ्‌आ निरावाचिछाङ आन्‍कान म़पुवावाङा सेङ्‌लावा म़प़चिकि खोक्‍कोसा मोचि म़लोउचिओ काचि खाङ्‌अ़मुसा।

रोमि 11:29

देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

रोमि 8:30

साङ-साङ खोक्‍कोसाआ बुयाङा म़छेन्‍तुचि, मोचि खोक्‍कोसाआ म़बुत्‍तुचिछाङ। खोन्‍कि साङ्‌चि खोक्‍कोसाआ म़बुत्‍तुचि, मोचि खोक्‍कोसाआ साम्‌योक्‍मिछाङ म़काइसुचि, खोन्‍कि साङ-साङ साम्‌योक्‍मि म़काइसुचि, मोचि खोक्‍कोसाआ साम्‍स़रिओछाङ म़मुचि।

रोमि 9:24

खोक्‍कोसाआ आन्‍कान्‌छाङ मो रुहुप्‌दा म़पाआ। खोक्‍कोसाआ यहुदिचि ओन्‍ङा माआङ, मेन निरावाचिछाङ म़बुत्‍तुयुङ्‌सुचि।

रोमि 9:4

मोचि इस्राएलिचि ओ, खोन्‍कि मोचि निनाम्‍हाङ्‌आ म़छेन्‍तुचिओ अ़चुतात्‍मा छाचि ओ। निनाम्‍हाङ्‌आ मोचि खोक्‍कोसोओ अ़चुसाम खाङ्‌म़मेत्‍तुचि। खोक्‍कोसाआ मोचि अ़छ़ङ म़हिप्‍तुचि, खोन्‍कि य़ङ्‌हुप म़प़चि। खोक्‍कोसाआ खोक्‍को ब़क्‍मा खोन्‍कि हिप्‍माय़ङ्‌चि तोक्‍माओ अ़वाखाम म़प़चि।

१ कोरिन्‍थि 7:14

देकिनालो साकोङ्‌छ़ङ मान्‍मुकादा अ़खिम्‍हाङ्‌पा साकोङ्‌छ़ङ कामु अ़खिम्‍हाङ्‌मालाम्‍पा निनाम्‍हाङ्‌एदा लोक्‍माखान्‍तुओ मु खोन्‍कि साकोङ्‌छ़ङ मान्‍मुकादा अ़खिम्‍हाङ्‌मा मोसोओ साकोङ्‌छ़ङ कामु अ़खिम्‍हाङ्‌पालाम्‍पा निनाम्‍हाङ्‌एदा लोक्‍माखान्‍तुओ मु। माङ्‌नालोना मोचिओ अ़चुछाचि म़पोप, मेन अ़नुछ्‍याङा मोचि निनाम्‍हाङ्‌एदा लोक्‍मा खान्‍तुचिओ म़मुयाङ।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 2:12

मित्‍तानुम, मोन्‍ग़रि खानानिन ख्रिस्‍त मात्‍द़ङ त़युङिन्‌येन। इस्राएल्‌दाओ ताङ्‌युङ्‌दाङ्‌का ऩलोइसिन्‍खाइसिन, खोन्‍कि हिप्‍माय़ङ्‌ओ अ़छ़ङ दुम्‌चिदाङ्‌का तावाङ्‌चि, सोम्‍कुवा मात्‍द़ङ्‌ओ खोन्‍कि ओ हेन्‍खामादा निनाम्‍हाङ मात्‍द़ङ त़लिसिन्‌युङ्‌सिन।

एफिसि 4:4

पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

२ थेसलोनिकि 1:11

खोन्‌ओसा आम्‍नुओ निकि आन्‍कान्‍का अ़धुन यामारिन्‍का, आन्‍निनाम्‍हाङ्‌आ खानानिन ऩबुत्‍तिन्‌ओदा अ़नुवाक ह़ङ्‌म़ङ ह़ङ ऩमेत्‍तिन्‍ने। खोन्‍कि झारा आम्‍नुओ अ़नुवाक मित्‍चिऩङ खोन्‍कि साकोङ्‌छ़ङ्‌ओ काचि खोक्‍कोसोओ अ़चुसावालाम्‍पा ऩयाङ्‌सिन्‍प़न्‍ने।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 9:15

खोन्‌ओसा खोक्‍को निनाम्‍हाङ खोन्‍कि म़नाओ अ़चुरादाओ अ़ऩङ्‌वा य़ङ्‌छ़ङ कातुम म़मुयाङ। मोवात्‍नि म़बुत्‍तुचिओचिआ निनाम्‍हाङ्‌आ म़हिप्‍तुचिओ अ़धुन्‌ओ आसिखाचि तोक्‍मा अ़ऱ। देकिनालो बुयाओ य़ङ्‌छ़ङ्‌दा मोचिआ अ़फिसाओ हेवाओ दन्‍दादाङ्‌का फोङ्‌सि येसु म़सुवाचिआयुङ्‌सा।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 19:9

खोन्‍किना मो निनाम्‍हाङ काफाआ अ़ङ्‌का अ़लोवाङ, “ओ छाप्‍तु, थुबाछाओ अ़चुसायाकाम्‍खाओ खाबाचादा बुत्‍माय़ङ्‌चि निनाम्‍हाङ्‌आ झारा आसिखा म़प़चि।” निनाम्‍हाङ काफाआ अ़लासाङ्‌लोवाङ, “निनाम्‍हाङ म़य़ङाओ ओ य़ङ्‌चि अ़छ़ङ ओ।”