छाम्‍माय़ङ 2:32 - बान्‍तावा राई

³² ओ येसुङा निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोन्‍कि ओ य़ङ्‍ओ आन्‍कान झारा अ़सालुम्‍स़ङ युङिन्‌येन।

छाम्‍माय़ङ 2:32 ပူးပေါင်းရင်းမြစ်များ

युहन्‍ना 15:27

खोन्‍कि खानानिन बुयादाङ्‌का अ़ङ्‌काएनान त़युङिन्‌येन्‌ओसाआ, खानानिन्‌आछाङ अ़ङ्‌सालुम्‍स़ङ प़मादोत।”

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 13:30

खोन्‍नुछाङ निनाम्‍हाङ्‌आ येसु म़सुवादाओदाङ्‌का अ़लासाखोन्‍तालोइसा।

छाम्‍माय़ङ 13:33

निनाम्‍हाङ्‌आ येसु अ़खोन्‍तालोइसाकि मो य़ङ आन्‍कान खोक्‍कोसोओ अ़छाचिओ निकिना अ़तासालायुङ्‌सा। ओवात्‍निङा ह्‍वातात्‌ओतात साम्‍ऱङ्‍ओ अ़धाङ्‌दाछाङ छाप्‍तायुङ्‌सा, ‘खाना अ़ङ्‌दुवाछा छा ओ, अ़ङ्‌का आय़ आम्‍पा लिसाङ्‌युङ्‌साङ।’

छाम्‍माय़ङ 17:31

देकिनालो खोक्‍कोसाआ अ़छेन्‍ताओ अ़क्‍छा म़नालाम्‍पा हेन्‍खामादाओ झारा म़नाचि साम्‌योक्‍मि छ़ङ्‌छेन्‍मा निकिना खोक्‍कोसाआ अ़क्‌लेन अ़छ़ङ अ़मुवायुङ्‌सा। खोक्‍कोसाआ मो म़ना म़सुवादाओदाङ्‌का अ़खोन्‍तालोइसाकि झारा म़नाचि ओसोओ अ़चुसालुम्‍स़ङ अ़पुवायुङ्‌सा।”

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

छाम्‍माय़ङ 3:26

खोन्‍कि खानानिन झारा इस्राएलिचि आम्‍नुओ अ़त्‍लो काचिचिदाङ्‌का लामाकि आसिखा प़मा निकिना निनाम्‍हाङ्‌आ अ़छेन्‍ताओ अ़चुछा येसु बुया खानानिन्‌एदा अ़य़सा।”

छाम्‍माय़ङ 4:10

खानानिन खोन्‍कि इस्राएल्‌दाओ झारा म़नाचिआ सिन्‍तानुम, खानानिन्‌आ क्रुस्‌दा त़ख़न्‍तुम्‍सेरुम्‌ओ नासरत्‌ओ येसु ख्रिस्‍त निनाम्‍हाङ्‌आ म़सुवादाओदाङ्‌का अ़ह़ङ्‌सालोइसा, येसुओ अ़चुऩङ्‌दा ओ म़ना नुवाकि आम्‍नुओ बुदा एप्‌याङ।

छाम्‍माय़ङ 4:33

मो छाम्‍माय़ङ्‌चिआ तोक्‍पो सावाएनान हाङ्‌पा येसु म़खोन्‍तालोन्‍ताओ अ़चुसालुम्‍स़ङ अ़पुवाङा, खोन्‍कि निनाम्‍हाङ्‌आ झारा साकोङ्‌छ़ङ कामुचि ब़द्‍धे आसिखा म़प़चि।

छाम्‍माय़ङ 5:30

आन्‍सुन्‍तुम्‌चिओ अ़चुनिनाम्‍हाङ्‌आ खानानिन्‌आ त़लाउम्‌कि क्रुस्‌दा त़ख़न्‍तुम्‍सेरुम्‌ओ येसु म़सुवादाओदाङ्‌का अ़लासाखोन्‍तालोइसा।

१ कोरिन्‍थि 15:15

मोदाङ्‌का च़लोक, आन्‍कान्‍का निनाम्‍हाङ्‌ओ अ़चुतुक्‌वादा सोज्‍जेओ सालुम्‍स़ङ काप़ लिसिन्‍का देकिनालो ख्रिस्‍त म़सुवादाओदाङ्‌का म़खोन्‍तालोन्‍ताओ आन्‍कान्‍का निनाम्‍हाङ्‌ओ अ़चुतुक्‌वादा सालुम्‍स़ङ प़म्‌युङ्‌सुम्‍का। मेन अ़नुछ्‍याङा म़सुवादाओचि ऩखोन्‍निन्‍लोन्‍निन्‌नालो निनाम्‍हाङ्‌आ ख्रिस्‍त मान्‍खोन्‍लोन्‌अ़दा।

१ कोरिन्‍थि 6:14

निनाम्‍हाङ्‌आ अ़चुसावालाम्‍पा हाङ्‌पा म़सुवादाओदाङ्‌का अ़खोन्‍तालोइसा, खोन्‍कि खोक्‍कोसाआ आन्‍कान्‌छाङ अ़चुसावालाम्‍पा म़खोन्‍लोन।

२ कोरिन्‍थि 4:14

आन्‍कान्‍का सिन्‍तुम्‌योम्‍का, हाङ्‌पा येसु अ़ह़ङ कामुआ, आन्‍कान्‍काछाङ येसुएनान अ़ह़ङ ऩमुन्‍का, खोन्‍कि खोक्‍कोसाआङा आन्‍कान्‍का खानानिन्‌एनान खोक्‍कोसोओ अ़चुबुदा ऩतारिन्‍का।

गलाति 1:1

अ़ङ्‌का पावल, ख्रिस्‍तओ अ़क्‍छा अ़चुछाम्‍माय़ङ, खोक्‍को म़नाचिएदाङ्‌का माङ्‌लो खोक्‍को म़नालाम्‍पा अ़छुत्‍ताओ माआङ, मेन येसु ख्रिस्‍त खोन्‍कि आन्‍निनाम्‍हाङ पापा, साङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोक्‍कोसाआङा ऩछुत्‍ताङ्‌ओ।

एफिसि 1:20

मो सावा खोक्‍कोसाआ ख्रिस्‍तदा अ़तासाला, देम्‍खा खोक्‍कोसाआ ख्रिस्‍त म़सुवादाओदाङ्‌का अ़खोन्‍तालोइसा, खोन्‍कि निनाम्‍मादुओ युङ्‌खाचिदा अ़चुचुप्‍ताङ्‌छुक्‍लिप्‍पा अ़युङ्‌सा।

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।