छाम्‍माय़ङ 19:22 - बान्‍तावा राई

²² खोन्‍किना खो काफाचि ह़वाङ तिमोथि खोन्‍कि इरास्‍तस खोसाआ माकेदोनिया छुत्‍तुचि, खो ओन अ़क्‍चित्‌तारि एसियादाङा युङालारा।

छाम्‍माय़ङ 19:22 ပူးပေါင်းရင်းမြစ်များ

छाम्‍माय़ङ 13:5

खोचि सलामिस सहरादा तालाचिकि यहुदिचिओ अ़चुयावायोक्‍खिम्‌चिदा खोचिआ निनाम्‍हाङ्‌ओ अ़चुय़ङ खाअ़एत्‍ताचुचिन। खोचिओ अ़चुकाफा युहन्‍नानिओ मर्कुस्‌छाङ खोचिआ अ़खात्‍ताचु।

छाम्‍माय़ङ 16:1

पावल खोन्‍कि सिलास दर्बिदा खोन्‍किना लुस्‍त्रादाछाङ खाराचि। मोदा तिमोथि अ़ऩङ मुवाङाओ अ़क्‍छा येसु काखेङ युङाङा। खो अ़क्‍छा साकोङ्‌छ़ङ कामुमा यहुदि मेत्‍छामाओ अ़दुवाछा छाओ, मेन खोसोओ अ़पा ग्रिक ओ।

छाम्‍माय़ङ 16:3

पावल्‌आ तिमोथि अ़क्‍नि खात्‍मानि मित्‍तु, खोन्‌ओसा खोसाआ मोचिदा कायुङ यहुदिचिआ फित्‍चि ऩमुन्‍ने निकिना खो सिप्‍मायाम्‍बुन पाक्‍तु। देकिनालो मोचिदा कायुङ झारा यहुदिचिआ तिमोथिओ अ़पा ग्रिक ओ निकिना अ़सिन्‍ताङा।

छाम्‍माय़ङ 18:5

खोन्‍किना सिलास खोन्‍कि तिमोथि माकेदोनिया धिखाहुप्‌दाङ्‌का तादिसाचि, खोन्‍कि पावल्‌आ यहुदिचि येसुङा ख्रिस्‍त म़मुयाङ्‌नि य़ङ्‌याङ्‌सा निनाम्‍हाङ य़ङ खाएत्‍मा काचिदा झारा अ़ग़रि पाउ।

छाम्‍माय़ङ 19:10

ओ चिन्‍मा काचि ह्‍वा दोङ्‌तारि पावल्‌आ मुयुङ्‌सु। खोन्‌ओसा झारा एसियादा कायुङ्‌चि यहुदि खोन्‍कि ग्रिक ह्‍वा रुहुप्‌आङा हाङ्‌पाओ अ़चुय़ङ अ़एना।

छाम्‍माय़ङ 19:21

ओ झारा म़लिसाचिआकि पावल माकेदोनिया खोन्‍कि अखैया धिखाहुप्‌ओ लाम लियाङ्‌सा यरुसलेम खात्‍मा अ़छ़ङ मु। खो य़ङा, “अ़ङ्‌का मोदा ताङालाङाकि रोम सहराछाङ खात्‍मादोत।”

छाम्‍माय़ङ 19:29

खोन्‍कि झारा सहराङा काचेङ्‌वा लिसा, खोन्‍कि म़नाचिआ माकेदोनियादाओ पावल्‌ओ अ़यावाचि गायस खोन्‍कि अरिस्‍तार्खस म़लाउचि, खोन्‍कि हालिफुलि खाचोप्‍खाहुत्‌या अ़क्‍नि म़सारुवाक्‍तुचि।

छाम्‍माय़ङ 20:1

मो काचेङ्‌वा सेम्‍ताकि पावल्‌आ येसु काखेङ्‌चि बुत्‍तुचिकि मोचि राक प़चि। खोन्‍किना खोचिएदाङ्‌का हासान्‍चिन्‌कि माकेदोनिया धिखाहुप्‌ह्‍यात्‍नि खारा।

छाम्‍माय़ङ 20:34

खानानिन त़सिन्‍तुम्‌योम, अ़ङ्‌छुक्‌आङा काचि मुवाङ्‌कि अ़ङ्‌का दोराङाओ खोन्‍कि अ़ङ्‌काएनान्‌ओ अ़ङ्‌यावाचिओछाङ याङ्‌सुङ्‌प़ङ्‌योङ्‌च़ङ।

रोमि 16:23

अ़ङ्‌का गायस्‌ओ अ़खिम्‌दा युङ्‌ङाङा, खोन्‍कि खोसाआ सेवा ऩछोक्‍तिन्‌येन, खोन्‍कि झारा साम्‍भुङ्‌चि अ़खिम्‌दा म़कोप। सहरादाओ याङ कायुङ इरास्‍तस खोन्‍कि आन्‍निछा क्‌वार्तस्‌आ खानानिन सेवा ऩछोक्‍तिन्‌येन। [

२ कोरिन्‍थि 1:16

माकेदोनिया खात्‍ङाहिदा खानानिन्‌एदा बान्‍माकि तुप्‍मा खोन्‍कि माकेदोनियादाङ्‌का खानानिन्‌एदा लामाबान्‍माकि यहुदियादाओ अ़ङ्‌कोन्‍मादा खानानिन्‌आ अ़ङ्‌का खान्‍मा त़ऱङाऩङ्‌नि अ़ङ्‌का मिनाङ।

२ कोरिन्‍थि 11:9

खानानिन्‌एनान युङाङ्‌याङ्‌हिदा अ़ङ्‌का मान्‍तोक्‍ङानुछाङ अ़ङ्‌का साङ्‌छाङ दुखा मान्‍प़ङा, देकिनालो माकेदोनियादाङ्‌का म़बानाओ ब़ब़, नाना खोन्‍कि निछाचिआ अ़ङ्‌मान्‍तोक्‍दामादा ऩफासाङ। खोन्‌ओसा खानानिन दुखा त़तोक्‍तिमिन्‍ने निकिना अ़ङ्‌का क़म्‍ताङ्‌च़ङ, खोन्‍कि माय़ङ्‌छाङ मोवात्‍निङा च़ङा।

२ कोरिन्‍थि 2:13

मेन अ़ङ्‌निछा तितस मोदा मान्‍धित्‌ङा, खोन्‌ओसा अ़ङ्‌मिन्‍मा चाअ़त्‍सा। खोन्‍किना मोचिदाङ्‌का हासाङ्‌च़ङ्‌कि अ़ङ्‌का माकेदोनियाह्‍यात्‍नि खाराङ।

२ कोरिन्‍थि 8:1

ब़ब़, नाना खोन्‍कि निछाचि ओ, माकेदोनियादाओ साम्‍भुङ्‌चिदा निनाम्‍हाङ्‌आ सोम्‍तुक्‍मा खाङ्‌म़मेत्‍तुचिओ अ़तुक्‌वादा आन्‍कान्‍का खानानिन खाएत्‍मा स़न्‌येन्‍का।

२ कोरिन्‍थि 8:19

मोन ओन्‍ङा माआङ, खो ना कोप्‍माय़ङ छुक्‍दाम यरुसलेम्‌दा आन्‍कान्‍काएनान छोङ्‌सि काखात साम्‍भुङ्‌आ छेन्‍माय़ङ म़ना ओ। ओ काचि हाङ्‌पाओ अ़चुओ ऩङ्‌लोङ्‌माओ निम्‍पाङ खोन्‍कि आन्‍कान्‍काएदा म़नाचि फामा मिन्‍मा याक्‌याङ्‌निओ खाङ्‌मुमाओ निकिना मुम्‍काओ।

१ थेसलोनिकि 1:8

देकिनालो खानानिन्‌एदाङ्‌का निनाम्‍हाङ्‌ओ अ़य़ङ माकेदोनिया खोन्‍कि अखैयादा ओन्‍ङा थ़ङाओ माआङ, मेन निनाम्‍हाङ्‌एदाओ आम्‍नुओ साकोङ्‌छ़ङ झारासाआ अ़सिन्‍तायुङ्‌सा, खोन्‌ओसा आन्‍कान्‍का ओसोओ अ़तुक्‌वादा देत्‍छाङ य़ङ्‌मा अ़दोत्‍निन।

२ तिमोथि 4:20

इरास्‍तस कोरिन्‍थिदा युङालारा, त्रोफिमस तुआङाओ ग़रि अ़ङ्‌का मिलेतस्‌दा छिरुङ्‌दोङ।