छाम्‍माय़ङ 19:2 - बान्‍तावा राई

² खोसाआ मोचि सेनुचि, “दि खानानिन साकोङ्‌छ़ङ त़मुन्‌हिदा सेङ्‌लावा त़तोक्‍तुम?” मोचिआ खो अ़लासालोवा, “माआङ, सेङ्‌लावा म़युङ्‌याङ निकिना आन्‍कान्‍का ना मान्‌एन्‍छाङ्‌युक्‍तुम्‍का।”

छाम्‍माय़ङ 19:2 ပူးပေါင်းရင်းမြစ်များ

युहन्‍ना 7:39

ओ य़ङ खोक्‍कोसाआ सेङ्‌लावाओ अ़चुतुक्‌वादा म़य़ङाओ। मो सेङ्‌लावा खोक्‍कोएदा साकोङ्‌छ़ङ म़मुवाओचिआ तोक्‍मा अ़मुवाङा। सेङ्‌लावा ओन्‍ग़रितारि मान्‍प़म़युक्‍तुचि, देकिनालो निनाम्‍हाङ्‌आ येसु झारा साऩङ्‌वा मान्‍प़अ़युक्‍ता।

छाम्‍माय़ङ 10:44

पत्रुस ओ य़ङ्‌चि चेवाङाहिदा झारा निनाम्‍हाङ्‌ओ अ़य़ङ काएन्‍चिएदा सेङ्‌लावा म़धान्‍तान्‍चिन।

छाम्‍माय़ङ 19:5

ओ य़ङ अ़एनाकिना मोचि हाङ्‌पा येसुओ अ़चुऩङ्‌दा बप्‍तिस्‍मा म़लोआ।

छाम्‍माय़ङ 2:17

‘निनाम्‍हाङ म़य़ङ्‌याङ, आदेङ्‌ओ लेन्‍चिदा, झारा म़नाचि अ़ङ्‌का अ़ङ्‌लावा पाक्‍तुङ्‌प़ङ्‌च़ङ। खोन्‍कि आम्‍नुओ दुवाछा छाचिकि मेत्‍छाछा छाचि निनाम्‍हाङ्‌य़ङ म़चेप, खोन्‍कि आम्‍नुओ थाङाछाचिआ सेन्‍चिचि म़खाचि, खोन्‍कि आम्‍नुओ खोक्‍पा म़नाचिआ सेन्‍माङ्‌चि म़खाचि।

रोमि 1:11

अ़ङ्‌का अ़न्‍नुनु खानानिन तुप्‍मा स़ङाङा, देकिनालो अ़ङ्‌का खानानिन लावामि आसिखा प़माकि आम्‍नुओ साकोङ्‌छ़ङ छोयाङ्‌ओ लिनेनि मिन्‍ङाङा।

१ कोरिन्‍थि 6:19

आम्‍नुओ पोक निनाम्‍हाङ्‌ओ सेङ्‌लावाओ अ़चुब़क्‍खाखिम्‌ओ निकिना दि खानानिन त़सिन्‍तिमिन्‌येन? मो सेङ्‌लावा खानानिन्‌आ निनाम्‍हाङ्‌दाङ्‌का त़तोक्‍तुम्‌युङ्‌सुम, खोन्‍कि खोक्‍को खानानिन्‌एदा म़याक। खानानिन्‌छाङ आम्‍नुओ माआङ।

गलाति 3:5

साङ्‌आ खानानिन सेङ्‌लावा ऩप़न, खोन्‍कि आम्‍नुओ रादा म़दोम्दाओ काचिचि म़मुचि, दि ओ झारा खोक्‍कोसाआ य़ङ्‌हुप्‌दाओ आम्‍नुओ काचिओ अ़तुक्‌वाआ अ़मुवा ओ? हे त़एनुम्‌ओ य़ङ्‌दा खानानिन्‌आ साकोङ्‌छ़ङ त़मुम्‌ओसा ओ?