छाम्‍माय़ङ 18:24 - बान्‍तावा राई

²⁴ अलेक्‍जेन्‍द्रिया सहरादा पुक्‍तान्‍चिन्‌ओ अपोल्‍लोस अ़ऩङ मुवाङाओ अ़क्‍छा यहुदि एफिसस्‌दा ता। खो अ़क्‍छा नुलोक काचेप खोन्‍कि साम्‍कालिन ब़द्‍धे लेसाङा।

छाम्‍माय़ङ 18:24 ပူးပေါင်းရင်းမြစ်များ

मत्‍ति 13:52

खोक्‍कोसाआ मोचि म़लोचि, “खोवात्‍निओसा, साङ्‌छाङ निनाम्‍हाङ्‌होन्‌ओ अ़तुक्‌वादा चिन्‍ताकिना अ़य़ङ्‌हुप काचिन्‍पा लिसानालो, खो अ़क्‍छा खिम्‍हाङ्‌पावाको ओ। खोसाआ अ़स़ङ्‌कुलुधुन्‌दाङ्‌का अ़ऩङ्‌वा खोन्‍कि बुयाओ अ़लुङ छ़ओ सामाचि बुङ्‌खादा लारुचि।”

लुका 24:19

येसुआ मोचि म़सेनुचि, “खाक्‍को य़ङ?” मोचिआ अ़लासालोवाचु, “नासरत्‌ओ येसुओ अ़तुक्‌वादा। खोक्‍को अ़क्‍छा निनाम्‍हाङ्‌य़ङ खाकालु म़युङाङा, खोन्‍कि निनाम्‍हाङ्‌ओ खोन्‍कि झारा म़नाचिओ निम्‍पाङ काचि म़मुवाङाहिदा खोन्‍कि म़चिन्‍तुङुचिहिदा सावापोरि म़मुवाङा।

छाम्‍माय़ङ 18:19

मोचि एफिसस सहरादा म़तालाकिना पावल्‌आ प्रिस्‍किला खोन्‍कि अकिलास वाप्‍तेला नान्‍खादाङा छिरुदोचि। खोन्‍किना पावल यहुदिचिओ अ़चुयावायोक्‍खिम्‌दा वाङाकि मोचिएनान दुम्‍तुमा पुक्‍तु।

छाम्‍माय़ङ 18:21

मेन पावल मोचिएनान हासान्‌यान्‍चिन्‌हिदा, “निनाम्‍हाङ्‌ओ अ़मिन्‍मा याक्‌याङ्‌नालो अ़ङ्‌का माय़ङ लाङाताङा”नि लोचि। खोन्‍किना खो वाप्‍तेलादा वाङाकि एफिसस सहरादाङ्‌का खारा।

छाम्‍माय़ङ 18:28

देकिनालो खोसाआ साम्‍कालिन्‌दाओ य़ङ मोचि खाएत्‌याङ्‌सा, “खानानिन्‌आ त़हुङुम्‌योम्‌ओ येसुङा ख्रिस्‍तओ”नि लोयाङ्‌सा सावाएनान झारा म़नाचिओ अ़चुबुदा यहुदिचिओ अ़चुदो ह़सुप़चि।

छाम्‍माय़ङ 19:1

अपोल्‍लोस कोरिन्‍थदा युङाङाहिदा पावल धाउलिप्‍पा लियाङ्‌सा धिखाहुप्‌ओ अ़रादात्‍नि लियाङ्‌सा एफिसस्‌दा तादिसा। खोसाआ खा-खाक्‍को काखेङ्‌चि मोदा धिरुचि।

छाम्‍माय़ङ 27:6

मोदा कप्‍ताना युलियस्‌आ अलेक्‍जेन्‍द्रिया सहरादाङ्‌का इतालिया खात्‍खा वाप्‍तेला धिरु, खोन्‍कि खोसाआ आन्‍कान्‍का मो वाप्‍तेलादा अ़पाइन्‍का।

छाम्‍माय़ङ 6:9

मेन अ़क लेन कुरेनि, अलेक्‍जेन्‍द्रिया, किलिकिया खोन्‍कि एसियादाओ यहुदिचिओ अ़चुयावायोक्‍खिम्‌दाओ खा-खाक्‍को लेत्‍माय़ङ यहुदि रुहुप्‌नि म़लोङुचिओचि म़ताकि स्‍तिफनस्‌एनान दुम्‍तुमा अ़पुङ्‌सा।

छाम्‍माय़ङ 7:22

खोन्‍कि मोसा मिस्रिचिआ झारा अ़लेसाङाओ ताया अ़चिन्‍ताकि खो चेप्‍मादा खोन्‍कि काचिचिदा ब़द्‍धे काले लिसा।

१ कोरिन्‍थि 1:12

अ़ङ्‌का य़ङ्‌मा लाम्‍ङाङाओ य़ङ ओङा ओ, खानानिन्‌एदा खा-खाक्‍कोसाआ “अ़ङ्‌का पावल्‌ओ ओ”, “अ़ङ्‌का अपोल्‍लोस्‌ओ ओ”, “अ़ङ्‌का केफास्‌ओ ओ” खोन्‍कि “अ़ङ्‌का ख्रिस्‍तओ ओ”नि त़य़ङिन्‌येन्‌नि।

१ कोरिन्‍थि 16:12

हान निछा अपोल्‍लोस्‌ओ अ़तुक्‌वादा, नि ब़ब़, नाना खोन्‍कि निछाचिएनान खानानिन्‌एदा बान्‍मा निम्‍पाङ अ़ङ्‌का खो ब़द्‍धे राक प़ङ्‌युङ्‌सुङ। मेन आइमित बान्‍मा खोसोओ अ़न्‍नुनु अ़मिन्‍मा मात्‍द़ङ। अ़वाखाम तोक्‍तुहिदा खो बान।

१ कोरिन्‍थि 4:6

हान, ब़ब़, नाना खोन्‍कि निछाचि ओ, अ़ङ्‌का खानानिन “तोङ-तोङ्‌लो य़ङ्‌हुप्‌वा च़मादोत”नि छाप्‍ताओ य़ङ तुप्‍मेत्‍माओ निम्‍पाङ अपोल्‍लोस खोन्‍कि अ़ङ्‌को अ़मात्‍ऩङ प़नायुङ्‌नानिन। ओवात्‍नि अ़क्‍छालिप्‍पा वाङ्‌माकि नि ऩङाछित्‍मा काचि अ़नुवाक माआङ।

२ कोरिन्‍थि 10:10

खा-खाक्‍कोचि म़य़ङ, “खोसोओ अ़छाप्‍लावाचि च़लोक छाक्‍लो खोन्‍कि सावापोरि मुयाङ, मेन खो ताहिदा खो मान्‍ऱकादा लि, खोन्‍कि खोसोओ अ़चेप्‍मा अ़काचि मात्‍द़ङ्‌ओ लि।”

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

तितस 3:13

य़ङ्‌हुप काले जेनास खोन्‍कि अपोल्‍लोस्‌ओ अ़चुकोन्‍खा लाम्‌ओ निकि नुलोक फासुचि, खोन्‍कि मोचि दोत्‌याङ्‌ओ सामाचि झारा लाप्‍तुप़चि।